SKÝRSLAN: Steindautt jafntefli í Frostaskjólinu
Hvað réði úrslitum?
Gæðaleysi hjá báðum liðum fannst mér, það komu nokkur augnablik þar sem var einhver hætta á ferðum. KR kannski aðeins sterkari aðilinn í þessum leik og myndi segja þetta hafi verið nokkuð sanngjörn niðurstaða. Gæðin lítil sérstaklega fyrir framan teig beggja liða..
Bestu leikmenn
1. Atli Gunnar
Var rosalega solid í kvöld, varði allt sem á markið kom og gerði oft á tíðum vel í að grípa skot fyrir utan teig, öruggur í fyrirgjöfum einnig. Engar rosalegar vörslur en gerði allt bara mjög vel.
2. Atli Sigurjónsson
Líflegasti maður KR, kom sér í hættulegustu færin og var einn af fáum með lífsmark í KR-liðinu
Atvikið
Atli Sigurjónsson fékk dauðafæri með nánast síðustu spyrnu fyrri hálfleiks en setti boltann yfir markið. Mark þar og þessi leikur hefði verið allt annar og mikið högg fyrir FH hefðu þeir farið marki undir í seinni.
Hvað þýða úrslitin?
FH sitja eins og er í 10.sæti deildarinnar með 15 stig og aldrei að vita hvað gerist á Kópavogsvelli en ef Leiknir vinna Blika eru FH í fallsæti.
Vondur dagur
Fannst Ægir Jarl langt frá sínum besta degi í dag og ég varla tók eftir honum í fyrri hálfleik og varla í þeim síðari. Komst aldrei í takt við leikinn og vantaði meira frá honum í kvöld.
Dómarinn - 6
Stórt spurningarmerki um vítaspyrnu í lokin, eftir að hafa séð þetta í sjónvarpinu er rosalega erfitt að sjá hvort um vítaspyrnu sé að ræða, erfitt fyrir mig að segja. Annars ágætlega dæmt hjá Helga.