SKÝRSLAN: Sveitapiltsins draumur hjá Keflavík
Hvað réði úrslitum?
Eftir tíðindarlítinn fyrri hálfleik þar sem Stjörnumenn voru þó ívið sterkari mættu Keflvíkingar grimmari til leiks í þann síðari og uppskáru 2 góð mörk og þar við sat.
Bestu leikmenn
1. Adam Ægir Pálsson
Lagði upp bæði mörk Keflavíkur og óheppin að skora ekki sjálfur í leiknum.
2. Sindri Kristinn Ólafsson
Hélt hreinu og átti risa vörslur í leiknum og gerði margt vel. Ekki viss um að Keflavík hefði endilega unnið ef Sindri Kristinn hefði ekki verið í rammanum.
Atvikið
Fyrsta mark Keflavíkur. Tveir Stjörnumenn liggja eftir þegar Keflvíkingar geysast upp kanntinn og skora fyrsta mark leiksins. Stjörnumenn vildu fá meira en ekkert fyrir það.
Hvað þýða úrslitin?
Keflavík heldur ennþá pressunni á Fram og KR í baráttunni um top 6. Stjörnumenn tapa fjórða leiknum í röð og frammistaðan ekki góð.
Vondur dagur
Stjörnumenn áttu erfiðan dag fremst á vellinum.
Dómarinn - 6
Spurning hvort Elli hefði átt að stoppa lekinn áður en Keflavík skorar fyrsta mark sitt? Allt annað var í teskeið.