SKÝRSLAN: Fylkir Lengjudeildarmeistari eftir auðveldan leik
Hvað réði úrslitum?
Fylkir var mun betri aðilinn í dag þegar þeir unnu 4-0 sigur. Fyrirfram mátti búast við þægilegum heimasigri, sem kom svo sannarlega á daginn. Appelsínugulklæddir Árbæingar áttu ekki í neinum vandræðum í dag og hefðu getað unnið stærri sigur.
Þróttur Vogum kom til að spila upp á stoltið og ekkert annað. Fylkir aftur á móti gat tryggt sér Lengjudeildartitilinn, það var í raun formsatriði hvort þeir myndu gera það og bar leikurinn þess merki. Fylkir lét boltann ganga og Þróttarar reyndu að koma í veg fyrir markaflóð.
Bestu leikmenn
1. Arnór Breki Ásþórsson
Fyrstu tvö mörk Fylkis komu eftir fast leikatriði sem Arnór tók.
2. Þórður Gunnar Hafþórsson
Þórður var ógnandi á hægri kantinum. Ungur og efnilegur leikmaður sem gaman verður að fylgjast með í Bestu deildinni á næsta ári.
Atvikið
Nikola Dejan Djuric fékk óþarfa rautt spjald þegar nóg var eftir af leiknum. Það gerði Þrótturum erfiðara fyrir að verjast 10 á móti 11. Rauða spjaldið fékk hann sparkaði fyrir að sparka með sólanum í Orra Stefán.
Hvað þýða úrslitin?
Fylkir er orðið Lengjudeildarmeistari árið 2022.
Leikurinn skipti engu máli fyrir Þrótt Vogum, vegna þess að þeir voru nú þegar fallnir úr deildinni.
Dómarinn - 7
Pétur Guðmundsson var fínn í dag. Ekkert sérstaklega erfiður leikur að dæma