SKÝRSLAN: Bikarævintýrið í Þorpinu heldur áfram
Hvað réði úrslitum?
Það var jafnræði með liðunum í upphafi en einstaklingsmistök urðu til þess að Þór var með forystuna í hálfleik. Þórsarar bættu öðru marki við og þá kom smá kraftur í Leiknismenn en það dugði ekki til.
Bestu leikmenn
1. Ingimar Arnar Kristjánsson
Stórkostlegur leikur hjá honum í dag. Gerði vel í að leggja upp fyrsta markið og átti svo sannarlega skilið að skora sjálfur, sem hann gerði undir lokin og gulltryggði sigur Þórs.
2. Birgir Ómar Hlynsson
Birgir Ómar bjargaði á línu eftir skoti frá Arnóri Inga á 80. mínútu í stöðunni 2-1 en aðeins tveimur mínútum síðar var staðan orðin 3-1 og leik lokið. Omar Sowe fór hins vegar illa með hann í markinu en þessi björgun vegur mun meira.
Atvikið
Björgunin hjá Birgi.
Hvað þýða úrslitin?
Þór verður í pottinum þegar dregið verður í átta liða úrslitum en bikarævintýri Leiknismanna er lokið.
Vondur dagur
Binni Hlö var með skelfilega sendingu til baka sem Þórsarar nýttu sér og komust yfir í leiknum, lét fara illa með sig í marki tvö. Alls ekki hans dagur í dag. Viktor í markinu, fékk á sig þrjú mörk og átti mögulega að gera betur, sérstaklega í öðru markinu.
Dómarinn - 7.5
Ekkert út á hann að setja. Flottur.