Leiknum er lokið með sanngjörnum yfirburðasigri Stjörnumanna 4 - 0. Er þetta þriðji leikurinn af síðustu fimm sem KA tapar 4 - 0.

Viðtöl og umfjöllun koma innan skamms

Að minnsta kosti

Sending frá Sigurbergi á Emil inn í teig KA en Emil hittir boltann ekki nægilega vel og skotið yfir markið.

Stjörnumenn fá aukaspyrnu nærri vítateignum vinstra meginn á vellinum.

Klappa Ísaki Andra lof í lófa fyrir frábæran leik.

Held ég sé búinn að vera að telja þetta rétt og KA menn eru búnir að eiga þrjú skot að marki og það þriðja var að koma rétt í þessu.

Ekki beisin framistaða það.

Áður en markið kom var ég að fara að skrifa að það væri eitthvað að lifna yfir KA-mönnum en nú er ég hræddur um að þetta sé game over fyrir þá. Sé þá ekki koma til baka úr þessu.

Hallgrímur Mar með bakfallsspyrnu í átt að marki en skotið ekki nógu fast og Árni ekki í vandræðum með að grípa boltann.

Hinum meginn á vellinum fékk Kjartan geggjaða sendingu frá Hilmari og óð að marki KA og náði skoti en Jajalo varði það og Ísak Andri svo stuttu seinna með gott skot sem Jajalo varði í horn.

KA gerir hér tvöfalda sóknarsinnaða skiptingu. Þjálfarateymið greinilega búnir að fá nóg af leik sinna manna það sem af er.

Seinni hálfleikur hafinn.

Það er kominn hálfleikur. Stjarnan er verðskuldað yfir. Leikurinn var hundleiðinlegur fyrstu 30 mín eða svo. KA menn eru arfaslakir og hafa varla skapað neitt. Eitthvað sem segir mér að Haddi Jónasar láti sína menn heyra það í klefanum.

Dauðafæri hjá Stjörnunni þar sem Ísak Andri fíflaði varnarmann KA og lyfti boltanum yfir höfuðið, aftur fyrir sig. Geystist upp völlinn og sendi boltann fyrir og þar var Eggert Aron mættur inn í teig en náði ekki nógu góðu skoti að marki.

Daníel Hafsteins með góða sendingu inn í teig þar sem Rodri fær boltann en hittir hann illa, besta og eina færi KA í leiknum.

Að minnsta kosti!

Stjörnumenn koma boltanum í netið eftir hornspyrnu, Guðmundur Baldvin tók skæri, Jajalo varði boltann út, Ísak renndi sér í boltann og inn í netið en dæmdur rangstæður

Leikurinn heldur áfram eftir smá stopp og Þorri er kominn aftur inn á eftir aðhlynningu á hliðarlínunni.

Það verða einhverjar mínútur í uppbótartíma, það er ljóst.

Hann fékk högg í andlitið að mér sýndist og liggur eftir og fær aðhlynningu.

Hallgrímur Mar fær stungusendingu inn fyrir vörn Stjörnunnar og er næstum því búinn að ná til boltans en sendingin of föst og Árni Snær vel vakandi og kemur fljótt út til að ná til boltans.

Stjörnumenn eru búnir að ná yfirhöndinni síðustu mínútur og KA-menn eru á hælunum. Ná engu spili upp í sinn leik og ógna Stjörnunni ekki neitt.

Eggert Aron fær frábæra sendingu inn í teig frá Ísaki, er fyrir framan opið markið því sem næst en skot hans hátt yfir.

Ég er að berjast við að reyna finna eitthvað til að skrifa um. En það er bara ekkert í gangi. Eilíf stöðubarátta bara sem skilar engu.

Örvar Logi liggur eftir á vellinum en hann fékk högg á höfuðið.

Það voru Stjörnumenn sem áttu fyrsta skot að marki í leiknum.

Þetta er afskaplega tíðindalítið það sem af er....

Liðin hafa verið að þreifa á hvort öðru. Stjörnumenn fengu aukaspyrnu af c.a. 30 metrum, sending inn í teig sem KA skalla út fyrir.

Þetta er byrjað. Stjörnumenn í sínu bláu búningum og KA í sínum gulu. KA byrjar með boltann og spila í átt að Kópavoginum.

Á bolunum stendur ,,Engir dómarar, enginn leikur" #Ekkitapaþér
sem er herferðin sem KSÍ stendur fyrir þessa dagana til þess að minna fólk á að haga sér almennilega í samskiptum við dómara.

Það er engin ástæða til þess að hanga heima og koma ekki á völlinn. Flott veður, 11 stiga hiti og allar aðstæður til þess að bjóða upp á flottan knattspyrnuleik.

Hallgrímur Jónasson, þjálfari KA, gerir tvær breytingar á sínu liði frá síðasta leik. Jakob Snær og Ívar Örn koma inn í liðið. Ívar var fjarri góðu gamni í síðasta leik.

Ásgeir Sigurgeirsson tekur sér sæti á bekknum en Kristoffer Paulsen er ekki í hópnum. Birgir Baldvinsson snýr aftur í hóp KA eftir meiðsli. Ívar ber fyrirliðabandið hjá KA þar sem Ásgeir er á bekknum.

Jökull Elísabetarson, þjálfari Stjörnunnar, gerir fjórar breytingar á sínu liði frá síðasta leik. Ísak Andri, Adolf Daði, Kjartan Már og Róbert Frosti koma allir inn. Ísak Andri var fjarri góðu gamni í síðasta leik.

Emil Atlason, Hilmar Árni Halldórsson og Joey Gibbs taka sér sæti á bekknum en Baldur Logi Guðlaugsson er ekki í hópnum. Heiðar Ægisson kemur inn í hópinn í stað Baldurs.

Hann var í viðtali í Innkastinu fyrr í dag.

Innkastið - Lögregluvarðstjórinn og margt býr í þokunni https://t.co/jVA7Tub04F

— Fótbolti.net (@Fotboltinet) June 2, 2023

Drengir Hadda Jónasar unnu sinn síðasta leik sem var á móti Fram fyrir norðan, 4 - 2. Var það fyrsti sigur KA í þrjá leiki en þeim leikjum höfðu þeir tapað með markatölunni 10 - 0. Töpuðu 0 - 4 fyrir Val, 2 - 0 fyrir Blikum og 0 - 4 fyrir Víkingum. Sitja KA menn í 5. sæti deildarinnar með 14. stig.

Drengir Jökuls Elísabetarsonar sitja í 11. sæti deildarinnar með 7. stig. Þeir byrjuðu vel eftir þjálfaraskiptin og unnu ÍBV 4 - 0 og gerðu svo 2 - 2 jafntefli við Fylki. En í síðustu umferð töpuðu þeir 1 - 0 fyrir KR í Vesturbænum.

Verið hjartanlega velkomin í Garðabæinn, þar sem leikur Stjörnunnar og KA í 10. umferð Bestu deildar karla í knattspyrnu fer fram. Leikurinn hefst kl. 18:00