SKÝRSLAN: Bryndís Arna með þrennu og stoðsendingu á Fanndísi í endurkomunni
Hvað réði úrslitum?
Gæði Vals voru umtalsvert meiri en Tindastóls og það var alveg ljóst frá nánast fyrstu mínútu hvernig þessi leikur myndi enda. Tindastóll gerði vel fyrstu 25 mín en um leið og markið datt hjá Val varð þetta aldrei spurning.
Bestu leikmenn
1. Bryndís Arna Níelsdóttir
Þrenna og stoðsending að auki. Þarf sennilega ekki að segja meira en nákvæmlega bara það. Var stórkostleg í kvöld.
2. Ásdís Karen Halldórsdóttir
Var ógnandi hjá Val og óheppin að skora ekki. Kemur út úr þessum leik þó með stoðsendingu og átti að auki stærstan þáttinn í þriðja markinu. Lára Kristín fær líka shout en valið var milli þeirra tveggja.
Atvikið
Innkoma og svo mark frá Fanndísi. Fyrstu mínútur frá því 2021 og þvílík innkoma.
Hvað þýða úrslitin?
Valur styrkir stöðu sína á toppnum en Tindastóll detta niður í 8.sætið en eru áfram stigi frá fallsæti.
Vondur dagur
Hafsentapar Tindastóls hefur átt betri leiki þori ég að fullyrða. Þeim til varnar þá voru Valskonur á eldi og sennilega fá lið sem hefðu getað stöðvað þær í þessum gír.
Dómarinn - 7
Hægt að segja ýmislegt um þetta víti en held þó að það hafi verið rétt. Fannst teymið komast vel undan stöfum í dag og bara solid 7a.