SKÝRSLAN: Breiðablik með þrjú stig í bátinn
Hvað réði úrslitum?
Birta Georgsdóttir skoraði 2 mörk nánast upp á sitt einsdæmi og það var bara nóg fyrir Blikana. ÍBV fengu sín færi en gekk ekki nógu vel að klára þau.
Bestu leikmenn
1. Birta Georgsdóttir
Mögnuð mörk og óheppin að gera ekki fleiri.
2. Bergþóra Sól Ásmundsdóttir
Bara virkilega góð í fótbolta og stjórnar spilinu hjá Blikum vel. Lítið um mistök og gerir einföldu hlutina vel.
Atvikið
Á 74. mínútu skorar Caeley Lordemann mark sem er dæmt af vegna rangstöðu. Það voru risa stór dómaramistök miðað við það sem ég hef séð í endursýningu og það mark hefði allavega gefið okkur smá spennu síðustu 15 mínúturnar.
Hvað þýða úrslitin?
Breiðablik fer á toppinn, þangað til leikur Vals klárast. En ÍBV þarf heldur betur að rífa sig í gang en þær sitja í 9. sæti með 7 stig.
Vondur dagur
Flestir leikmenn ÍBV gerðu tilkall í þennan reit. Fyrir utan Guðný fannst mér ÍBV liðið í heild ekki nógu gott þrátt fyrir að hafa náð að skapa nokkur færi.
Dómarinn - 6
Mér fannst Twana standa sig virkilega vel í dag. AD2 lækkar þessa einkunn bara útaf mistökunum í rangstöðu marki ÍBV.