Eftir að hafa lent undir og Norðmenn þar að leiðandi á leið í 4 liða úrslit var geggjað að jafna þetta og halda lífi í þessu Nú þurfum við að treysta á svona 2 til 3-0 sigur hjá Spáni gegn Norðmönnum og við vinnum Grikki Áfram Ísland!

Já það voru +5 +i uppbót tvær mínútur eftir

Eggert er í ham, fær boltann fyrir utan teig, keyrir inn á teig og reynir skot sem fer í varnarmann og þaðan í hornspyrnu

Guðmundur Baldvin reynir fyrirgjöf inn á teig sem Rugland grípur þægilega

Eggert Aron með rosalega spes ákvörðun Skot langt fyrir utan teig sem er langt framhjá og gefur Noreg tækifæri að tefja

5 mínútur eftir + uppbót og við erum með Norðmenn upp við kaðlana Við VERÐUM að skora annars eru Spánn og og Noregur komin áfram í 4 liða úrslit..

Enn og aftur hætta hjá íslenska liðunu, JKB fær boltann úti hægra meginn og rennir boltanum fyrir markið en hún er tækluð í hornspyrnu

Daníel Freyr með unaðslega takta á vinstri kantinum og fer framhjá bakverði Norðmanna og á fyrirgjöf inn á teig beint á kollinn á JKB sem á frían skalla en yfir markið Erum búnir að fá svo góð færi í þessum leik...

Íslenska liðið að koma sér í góðar stöður á köntunum en fyrirgjafirnar eru ekki að ganga upp, náum ekki að hitta á bláa treyju

Norðmenn fá hornspyrnu

Þessi Albani á flautinni er ekki á góðu hliðinni minni

Væri til í að sjá Jóhannnes Kristinn inn á fyrir Sigurberg Áka, færa Hlyn inn á miðju og Jóa í bakvörðinn því hann er með frábæran fót og getur komið með frábærar fyrirgjafir inn á teig

Albaninn á flautunni úfff, leiddur í gildru, Eggert fer aðeins í bakið á honum og hann lætur sig falla... plís Lúkas verðu þetta

Hornspyrna íslenska landsliðsins sem dettur fyrir Arnar ´Ice Fade´ Daníel sem reynir hælspyrnuskot en í varnarmann og aftur í hornspyrnu

Undirritaður væri til í að sjá Galdur Guðmundsson koma inn á í þessum leik, leikmaður sem getur Galdrað upp á eigin spýtur og við þurfum helst að skora í þessum leik til

Eggert Aron með sendingu inn á teig, léleg hreinsun norðmanna sem dettur fyrir Ágúst Orra sem reynir skot og dettur boltinn svo fyrir Gísla Gottskálk sem á skot yfir Veeeerðum að nýta þessi færi....

Hlynur Freyr með aukaspyrnu frá svona 27 metrum, beint á Rugland Ree í markinu sem missir boltann frá sér í teignum Þarna átti Sigurbergur Áki að klára hlaupið sitt inn á teignum þá hefði hann getað náð til boltans

Norðmenn að undirbúa tvöfalda skiptingu Almar Ormarsson lýsandi RÚV talaði líka um að Guðmundur Baldvin væri líklega að fara koma inn á

Frábærlega gert hjá Loga Hrafni sem á sendingu inn á miðju og þaðan berst boltinn á Adolf Daða á hægri kantinum, Adolf rekur og rekur boltann inn á teig að leita að sendingu og finnur Róbert Frosta inn á teignum sem er í dauðafæri en á skot yfir markið Frábær sókn íslenska landsliðsins

Ísland í skyndisókn, Eggert Aron keyrir upp völlinn og gefur til hliðar á Ágúst Orra sem reynir skot fyrir utan teig, illa farið með góða stöðu

Fyrirgjöf inn á teig þar sem að það kemur skalli út í teig og Flataker á laust skot en Lúkas þarf að hafa sig allann í þetta og blakar boltanum í hornspyrnu

KOMA SVO STRÁKAR!!!

Það er komið leikhlé á Tony Bezzina Stadium í Paola á Möltu. Staðan er enn markalaus. Það væri geggjað ef strákarnir næðu inn einu marki í seinni hálfleik. Við fengum bæsta færið; þegar Ágúst Orri skaut að marki. Vonandi náum við að stela sigrinum hérna, þetta hefur verið hörkuleikur!

Ísland í hraðri sókn en Eggert Aron týnir boltann. Þá koma Norðmenn hratt á okkur og vinna sér inn hornspyrnu.

Norðmenn í langri sókn en Arnar Daníel og Hlynur skalla frá.

Hlynur á svo skot af löngu færi eftir hornið. Ekki amaleg tilraun en skotið fer yfir markið.

Sigurbergur Áki gerir frábærlega inn á teignum og Ágúst Orri gerir enn betur. Ágúst kemur sér svo í mjög gott skotfæri og tilraunin er stórgóð, en markvörður Norðmanna ver gríðarlega vel. Þarna vorum við næstum því komnir yfir!

Adolf Daði gerir vel og á fyrstu skottilraun Íslands í leiknum en Rugland Ree grípur skotið.

Norðmenn ná tiltölulega auðveldlega að spila sig á bak við vörnina. Fyrirgjöf en Logi Hrafn er mættur til að setja boltann aftur fyrir.

Við höfum ekki enn náð að skapa okkur færi.

Sigurbergur Áki er trekk í trekk búinn að eiga frábærar sendingar út til vinstri á Róbert Frosta. Vantar aðeins upp á mýktina hjá Róberti þegar hann fær boltann.

Þeir norsku eru mjög passívir þegar við erum með boltann en það er erfitt að brjóta þá niður.

Adolf Daði með klaufalega sendingu og Norðmennirnir sleppa í gegn en Logi Hrafn gerir stórkostlega í að hlaupa til baka og loka. Stórgóður varnarleikur hjá FH-ingnum!

Gísli með geggjaða hugmynd og var ekki langt frá því að senda Adolf Daða í gegn, en Hopland verst vel.

Hopland í stórkostlegu færi eftir hornspyrnuna en Lúkas gerir mjög vel í að verja. Þarna klikkuðum við í dekkningunni - eins og gegn Spánverjum. Vorum heppnir að þetta endaði ekki með marki. Klárlega besta færi leiksins hingað til.

Við töpum boltanum og Noregur sækir hratt, þrír á þrjá. Við náum að verjast vel úr þeirri stöðu, en Norðmenn fá hornspyrnu.

Norðmenn eru mikið að senda boltann langt á bak við vörnina á Faraas. Íslensku leikmennirnir þurfa aðeins að herða tökin gagnvart honum.

Langur bolti upp og Benjamin Faraas reynir skot rétt fyrir utan teig. Það var aldrei líklegt, fer yfir markið.

Róbert Frosti er svo sannarlega tilbúinn að hlaupa fyrir liðið. Hleypur út að endalínu og pressar norsku varnarlínuna. Noregur fær innkast langt inn á sínum vallarhelmingi og Ísland getur í kjölfarið fært sig ofar.

Þeir norsku eru líklegri þessa stundina. Fá hér hornspyrnu en Hlynur skallar boltann í burtu.

Norðmenn koma sér í ágætis stöðu en Hlynur verst vel. Svo fáum við fyrsta víkingaklapp leiksins. Vanda var búin að lofa þessu!

Norsk fyrirgjöf sem Logi Hrafn stangar í burtu.

Norðmenn liggja afskaplega aftarlega þegar við erum með boltann. Þeir eru lítið að reyna að pressa okkur.

Lúkas gerir mjög vel, hann kallar og kýlir boltann í burtu.

Núna fá þeir norsku hornspyrnu. Burt með boltann!

Norðmenn ná að koma seinni spyrnunni frá marki sínu.

Íslenska liðið fær hér hornspyrnu. Áhugaverð útfærsla og við fáum svo aðra hornspyrnu.

Sigurbergur Áki með flotta sendingu út til vinstri á Róbert Frosta. Hann reynir fyrirgjöf en þar Roaldsøy mættur til að hreinsa.

Besti leikmaður Norðmanna í fyrsta leiknum þeirra var leikmaður númer sex, Alwande Roaldsøy. Hann var stórkostlegur á móti Grikkjum en hann er hávaxinn miðjumaður sem spilar með unglingaliði Atalanta á Ítalíu. Þetta er leikmaður sem á að vera að spila fullorðinsfótbolta.

Ágúst Orri á fyrstu spyrnu leiksins!

Það er mögnuð stemning hjá íslensku stuðningsmönnunum. "Þið eruð 1-0 yfir," sagði norskur fréttamaður við mig eftir þjóðsöngvana, við unnum þá baráttu.

Þjóðsöngvarnir að baki. Maður fékk gæsahúð, Íslendingarnir tóku svo vel undir. Núna förum við að byrja þetta!

Liðin ganga út á völl. Íslendingarnir í stúkunni mun spenntari fyrir þessum leik en Norðmenn.

Það er stór hópur af Íslendingum á vellinum að styðja strákana og hafa þau látið vel í sér heyra í upphituninni. Vanda Sigurgeirsdóttir, formaður KSí, er á meðal áhorfenda en hún lofar góðum stuðningi á leiknum í kvöld. Vanda var í stuði fyrir leik.

Leikmenn Íslands eru á fullu í upphitun. Norðmennirnir voru mjög stutt út á vellinum en þeir eru farnir inn í klefa. Þeir gerðu það líka á móti Grikklandi, örugglega tengt hitanum en Norðmenn fara mjög varlega í kringum hann. Það er enn frekar heitt þó klukkan sé að verða níu.

Andstæðingar Íslands að vinna með spænska hefð í hitanum https://t.co/OaKmDdlLMz

— Fótbolti.net (@Fotboltinet) July 7, 2023

Ólafur Ingi Skúlason gerir fjórar breytingar á sínu liði frá leiknum gegn Spáni á þriðjudag. Bjarni Guðjón Brynjólfsson tekur út leikbann, Þorsteinn Aron Antonsson glímir við meiðsli og þeir Arnar Númi Gíslason og Guðmundur Baldvin Nökkvason taka sér sæti á bekknum. Inn koma þeir Daníel Freyr Kristjánsson, Arnar Daníel Aðalsteinsson, Róbert Frosti Þorkelsson og Sigurbergur Áki Jörundsson. Það eru því fimm leikmenn í byrjunarliðinu sem eru uppaldir í Stjörnunni.

Undirritaður kíkti á æfingu í gær og tók nokkrar myndir í hitanum.

Það er leikdagur tvö í B-riðli í dag. Fyrst mætast Spánn og Grikkland áður en leikur Ísland og Noregur hefst. Það er gríðarlegur hiti á Möltu þessa stundina en það verður líklegast búið að kólna í kvöld þegar flautað verður til leiks hjá Íslandi og Noregi. Sá leikur hefst 21:00 að staðartíma. Svona er staðan í riðlinum fyrir leiki kvöldsins: 1. Noregur - 3 stig 2. Spánn - 3 stig 3. Grikkland - 0 stig 4. Ísland - 0 stig

Það heyrist að miðvörðurinn Þorsteinn Aron Antonsson verði ekki með í þessum leik vegna meiðsla. Hann fór meiddur af velli í síðasta leik gegn Spáni. Það er spurning hvort það verði einhverjar fleiri breytingar þá frá fyrsta leiknum gegn Spánverjum. Þorsteinn Aron Antonsson.

Lúðvík: Þó ég sé búinn að þjálfa lengi þá er ég enn að læra https://t.co/cdObZ0Mq1V

— Fótbolti.net (@Fotboltinet) July 6, 2023

Daníel Freyr: Geggjað að hitta þá alltaf aftur https://t.co/XAmZ1mvfqu

— Fótbolti.net (@Fotboltinet) July 6, 2023

Eins og margoft hefur komið fram þá er Ísland án lykilmanna í mótinu þar sem það fer ekki fram í landsleikjaglugga. Noregur er líka án lykilmanna. Andreas Schjelderup, sem var frábær í dönsku úrvalsdeildinni með Nordsjælland á síðasta ári, fékk ekki að fara á mótið þar sem félag hans Benfica, bannar honum það. Sama á við um Isak Hansen-Aarøen, leikmann Manchester United, en hann er að fara inn í undirbúningstímabil með enska félaginu. Andreas Schjelderup

Noregur byrjaði sitt mót á því að mæta Grikklandi. Undirritaður var á þeim leik, en hann var vægast sagt skrítinn. Norðmenn leiddu 5-0 í hálfleik en þjálfari liðsins, Luis Pimenta, gerði svo fjórfalda breytingu í hálfleik sem kostaði lið hans næstum því sigurinn. Grikkland komst inn í leikinn og náði að minnka muninn í 5-4, en þar við sat. Noregur spilaði ekki frábærlega í fyrsta leiknum, það var meira þannig að Grikkir voru sjálfum sér verstir; þeir voru alveg skelfilegir í því að koma boltanum úr vörninni og varnarlega voru þeir út á þekju.

"How to not play in defence" demonstration by Greece at Euro U-19.

Norway 3-0 up without even sweating too much. pic.twitter.com/CEuErCyUXl

— Football Talent Scout - Jacek Kulig (@FTalentScout) July 4, 2023

Drengirnir hófu leik gegn Spáni síðasta þriðjudagskvöld. Spánverjarnir voru gríðarlega sterkir og voru betri aðilinn lengst. En íslensku strákarnir geta tekið með sér margt úr þeim leik þrátt fyrir að hann hafi tapast 2-1.

Í dag er komið að gríðarlega mikilvægum leik hjá Íslandi í Evrópumóti U19 landsliða. Íslendingar mæta Norðmönnum í Paola en okkar drengir þurfa helst að fá þrjú stig í þessum leik eftir tap gegn Spánverjum í fyrsta leik.