Þetta er búið! Víkingar taka sterkan sigur! Viðtöl og skýrsla væntanleg með seinni skipum i kvöld.

Þessi leikur er að fjara út og bæði lið sennilega bara að bíða eftir lokaflauti.

Við erum í þeim skemmtilega kafla leiksins þar sem tímaskyn undirritaðara fer í allar áttir og við giskum hvaða mínúta er en það er oft skemmtilegra líka. Hvað eru 1-2 mín til eða frá í uppbót?

Fáum +5 í uppbót.

FH-ingar eru farnir að týnast heim úr stúkunni.

Ari Sigurpáls með skot framhjá markinu. Sindri Kristinn í smá brasi með útsparkið og Víkingar ná að trufla það svo boltinn endar hjá Ara en skotið eins og áður segi framhjá.

Aðeins hægst á tempóinu í þessum leik.

Virkilega skemmtileg rimma á milli Oliver Ekroth og Kjartans Henry. Ekroth dæmdur brotlegur og Kjartan Henry fagnar.

Danijel Djuric með skot yfir markið.

Víkingar í dauðafæri á að sleppa í gegn en Birnir Snær Ingason með hræðilega sendingu sem rataði ekki til Danijel Djuric sem hefði haft allt opið fyrir framan sig.

Vuk Oskar með fastann bolta fyrir markið sem fer í Kjartan Henry og í fangið á Ingvari.

FH eru að banka fast á dyrnar hjá Víkingi. Eru að fá færin í síðari hálfleik.

Vuk Oskar með tilraun framhjá markinu. Kjartan Henry vildi fá boltann fyrir markið.

Fyrirgjöf fyrir mark Víkinga og Oliver Ekroth og Kjartan Henry skella saman. Hefur verið áhugaverð barátta þeirra á milli í þessum leik.

Davíð Snær gerir frábærlega og vinnur boltann af Pablo Punyed og keyrir í átt að marki og reynir að leggja boltann framhjá Ingvari en boltinn í stöngina!

Ekki alveg sama sólin og fyrri hálfleik en það er bara eins og það er. Kjartan Kári sparkar okkur af stað aftur.

Víkingar leiða í hálfleik! FH byrjaði leikinn um betur og voru Víkingar lengi í gang en um leið og þeir náðu að komast í takt þá fóru þeir að taka hægt og rólega stjórn. Það sem skilur á milli í fyrri hálfleik er að Víkingar refsuðu á meðan FH gerði það ekki. Tökum okkur smá pásu og snúum svo aftur í síðari hálfleik.

Fáum +2 í uppbót.

FH með flotta skyndisókn - Davíð Snær keyrir upp völlinn og kemur boltanum út á Viðar Ara sem finnur svo Vuk Oskar inni á teig en skotið beint á Ingvar.

Leikurinn er í hættu á að leysast upp í vitleysu núna. Eins og ég var ánægður með Sigurð Hjört dómara fram að þessu að leyfa leiknum að fljóta að þá vona ég svo innilega að hann sé ekki að missa tökin.

Frábær fyrirgjöf fyrir mark FH þar sem Nikolaj Hansen reynir að kassa boltann niður í staðin fyrir að skalla að marki og Nikolaj fellur í kjölfarið og Víkinga vilja víti en fá ekki.

Aron Elís að komast í frábært skotfæri en reynir frekar að senda boltann fyrir markið og FH ná að koma hælnum í boltann og þannig trufla Nikolaj Hansen sem var mættur á fjær.

Davíð Snær með alvöru Cruyff snúning en nær ekki að fylgja eftir með góðri sendingu og Víkingar fá boltann.

Kjartan Kári með skot á nærstöng en Ingvar ver.

Víkingar eru að láta Kjartan Henry finna vel fyrir sér. Spurning hvort þeir nái að fara í hausinn á honum.

Aron Elís gerir frábærlega að hirða boltann af varnarlínu FH og reynir að stinga Nikolaj Hansen í gegn en Sindri Kristinn gerir vel í að loka.

Eftir erfiða byrjun virðast Víkingar loksins vera ná að tengja saman sendingar á vallarhelmingi FH.

Aron Elís með hörku skalla framjá markinu eftir hornspyrnuna.

Víkingar finna Birnir Snær á bakvið vörnina en sendinginn fyrir markið ekki spes og FH bjargar í horn.

FH að pressa Víkinga frábærlega og valda þeim allskonar vandræðum.

Viðar Ari með tilraun en framhjá markinu.

FH verið mjög grimmir og áræðnir.

Pablo Punyed sparkar okkur af stað.

FH gerir þrjár breytingar á liði sínu sem sigraði Keflavík í síðustu umferð en inn koma Davíð Snær Jóhannsson, Kjartan Kári Halldórsson og Viðar Ari Jónsson fyrir Dani Hatakka, Úlf Ágúst Björnsson og Loga Hrafn Róbertsson. Víkingar gera þá einnig breytingar á sínu liði frá sigurleiknum gegn ÍBV en inn koma Viktor Örlygur Andrason, Halldór Smári Sigurðsson og Aron Elís Þrándarson fyrir þá Erling Agnarsson, Loga Tómasson og Davíð Örn Atlason.

Samkv. vef KSÍ hafa félögin mæst 75 sinnum í mótsleik á vegum KSÍ. FH sigrar: 28(37%) Síðasti sigur FH var: 2-1 sigur í úrslitaleik Lengjubikarsins 2022 Síðasti sigur í deild var: 1-0 sigur í Pepsi Max deildinni 2020 - Seinni umferð Víkings sigrar: 25(33%) Síðasti sigur Víkinga var: 2-0 sigur í Bestu deild 2023 - Fyrri umferð Jafntefli: 22(29%) Síðasta jafnteflið kom: 1-1 jafntefli Pepsi Max deildin 2019 - Fyrri umferð

Sigurður Hjörtur Þrastarson fær það verkefni að flauta þennan leik og honum til aðstoðar verða Egill Guðvarður Guðlaugsson og Guðmundur Ingi Bjarnason. Pétur Guðmundsson fær það verkefni að stilla til friðar á bekknum og stýra skiptingum auk þess að vera til taks ef eitthvað kemur uppá hjá dómaranum inni á vellinum. Halldór Breiðfjörð Jóhannsson hefur svo eftirlit með gangi mála fyrir KSÍ.

FH hafa átt áhugavert og eru í hörku baráttu í þéttum pakka um 4.sætið og eiga tvo leiki til góða með þessum í kvöld sem gæti fært þá nær Breiðablik í 3.sætinu. FH eru sem stendur í 6.sæti deildarinanr og síðasta sæti efri hlutans. Áður en FH sótti sigur til Keflavíkur í síðustu umferð höfðu þeir tapað þrem leikjum í röð svo sjálfstraustið er vonandi að koma tilbaka í liði FH sem geta hæglega unnið öll lið á sínum degi. FH hafa skorað 31 mark á tímabilinu og hafa þessi mörk raðast niður á: Úlfur Ágúst Björnsson - 7 Mörk Kjartan Henry Finnbogason - 6 Mörk Gyrðir Hrafn Guðbrandsson - 3 Mörk Davíð Snær Jóhannsson - 3 Mörk Björn Daníel Sverrisson - 3 Mörk Vuk Oskar Dimitrijevic - 2 Mörk

Víkingar hafa leitt mótið alveg frá byrjun og virðist fátt geta stoppað þá í að endurheimta Íslandsmeistaratitilinn frá Breiðablik. Valur fylgir þó fast eftir og má lítið útaf bregða svo Víkingar missi þetta ekki úr höndum sér þessa frábæru stöðu sem þeir hafa unnið sé inn fyrir. Víkingar sitja sem fyrr segir á toppi deildarinnar með sex stiga forskot og hafa sótt 13 stig af 15 mögulegum í síðustu 5 leikjum svo þeir eru heitir. Víkingar hafa skorað næst flest mörkin í deildinni eða 42 talsins og hafa þessi mörk raðast niður á: Nikolaj Hansen - 8 Mörk Birnir Snær Ingason - 7 Mörk Danijel Djuric - 5 Mörk Matthias Vilhjálmsson - 4 Mörk Pablo Punyed - 3 Mörk *Aðrir minna

Seinni umferð Bestu deildarinnar er núna rúmlega hálfnuð og einhverjar línur farnar að skýrast fyrir skiptinguna fyrir efri og neðri helming. Staðan í deildinni lítur svona út fyrir leiki kvöldsins: 1.Víkingur - 44 stig (17 leikir) 2.Valur - 41 stig (18 leikir) 3.Breiðablik - 34 stig (18 leikir) 4.Stjarnan - 25 stig (18 leikir) 5.KR - 25 stig (18 leikir) 6.FH - 24 stig (16 leikir) -------------------------------- 7.KA - 21 stig (17 leikir) 8.HK - 20 stig (17 leikir) 9.ÍBV - 17 stig (18 leikir) 10.Fylkir - 16 (17 leikir) ----------------------------- 11.Fram - 14 stig (17 leikir) 12.Keflavík - 10 stig (17 leikir)

Verið hjartanlega velkominn í þessa þráðbeinu textalýsingu frá leik FH og Víkings í 18.umferð Bestu deildarinnar sem fram fer á Kaplakrikavelli í Hafnarfirði.