Þá flautar Gunnar í flautu sína og 3-1 sigur Skagamanna staðreynd! Skýrsla og viðtöl á leiðinni! Takk fyrir mig!

Gabríel tekur hornið sem fer í gegnum allan pakkan og rennur í sandinn.

Grótta að fá horn!!

Breki í erfiðri stöðu og nær skoti sem fer hátt yfir markið.

Patrik keyrir upp hægri kantinn og kemur með han fyrir á Arnþór Pál sem er með allt markið fyrir framan sig og hittir á einhvern ótrúlegan hátt ekki á markið. HVERNIG ERU gRÓTTUMENN EKKI BÚNIR AÐ SKORA ANNAÐ MARK?!?!?

Eftirlitsmaðurinn giskar á 4-5 mínútur í uppbót.

Gabríel tekur hornið sem Árni grípur en missir síðan aftur út í teiginn og á einhvern ótrúlegan hátt fer boltinn ekki inn!!!

Grótta að fá hér horn!!

Þeir ráða ekkert við Tómas varnarmenn ÍA!!

Sýndist það vera Hákon Ingi sem tekur Tómas niður!

Gabríel tekur spynruna sem er mjög fín en Árni kýlir hann út í teiginn þar sem Aron Bjarki er nema skotið hjá Aroni fer rétt framhjá.

Grótta að fá hornspyrnu!

Gísli er kominn einn í gegn og er tekinn niður af Beiti og ekkert dæmt. Fannst það mjög skrítið að dæma ekkert en Gísli fer meiddur af velli.

Arnór tekur hornið sem er mjög gott á nærstöngina en Johannes Vall skallar yfir

Gísli kominn einn í gegn og tekur skotið á nærstöngina sem Beitir ver mjög vel í horn. Síðan lætur Beitir varnarmenn sína heyra það!

Skaginn að fá horn

Jón Þór tryllist út í dómarann eftir að hann gaf Gróttu innkast en ekki ÍA. Chris Brazell biður þá dómarann um að spjalda Jón Þór líka og horfir upp að eftirlitsmanninum og lætur hann heyra það. Mjög skrítið allt saman hjá Chris.

Skaginn að fá horn

Mikill hasar inn á teig Gróttu sem endar með því að boltinn berst út í teiginn á Gísla sem á skotið rétt yfir markið.

Einhver ótrúlega furðuleg útfærsla á aukaspyrnu sem endar með skoti hjá sóknarmanni Gróttu í liðsfélaga og útaf í markspyrnu.

Grótta að fá aukaspyrnu á hættulegum stað. Grímur Ingi ætlar að taka hana

Þessi seinni hálfleikur fer mjög rólega af stað. Grótta meira og minna með boltann að reyna að opna vörn Skagamanna en það gengur ekkert.

Þá er þetta komið í gang á ný. Það eru Gróttumenn sem eiga upphafssparkið.

Þá er Gunnar búinn að flauta í hálfleik. Mjög góð frammistaða hjá dómarateyminu í fyrri hálfleik. ÍA leiðir 2-0 inn í hálfleikinn og það er bara sanngjarnt að mínu mati. Chris Brazell hlýtur að fara vel yfir málin í hálfleiksræðunni sinni!

Steinar keyrir upp völlinn og sendir á Inga sem á skot á markið en Beitr ver í horn.

ÍA munu að öllum líkindum fara með forystuna inn í hálfleikinn.

Hornið er mjög gott hjá Kristóferi en það er brotið á varnarmanni ÍA í aðdragandanum

Grótta að fá annað horn!

Arnór Smára stangar boltann frá og þetta rennur út í sandinn.

Grótta að fá annað horn hinum megin.

Grótta að fá horn við litla hrifningu Skagamanna!

Frábær skyndisókn hjá Skaganum sem endar með því að Arnór Smára tjippar boltanum á fjærstöngina rétt fyrir utan vítateig Gróttu þar sem Viktor er. Viktor skallar boltanum yfir Beiti í markinu og inn fer hann en flaggið fór á loft. Viktor var fyrir innan.

Patrik með langt innkast inn á teig ÍA sem Aron Bjarki skallar á fjær en þar er enginn mættur. Aron Bjarki brjálður út í liðsfélagana sína!

Gísli fær boltann frá Steinari fyrir utan vítateig Gróttu og tekur skotið niður í nærhornið sem Beitir ver þæginlega.

Viktor er sloppinn einn í gegn og er kominn einn á móti Beiti. Þá kemur Arnar Þór, sem er á gulu, í bakið á honum og kemur honum úr jafnvægi inni í vítateig Gróttu. Halli og Jón eru brjálaðir á bekknum og láta dómarateymið heyra það!!

Arnór tekur hornið sem er fínt og þá myndast mikið klafs inni á teignum. Síðan eftir mjög mikið klafs ná Gróttumenn loksins að hreinsa boltanum frá.

Jæja hann virðist geta haldið leik áfram.

Núna liggur Beitir niðri og þarf aðhlynningu! Hvaða álög eru á markmönnum Gróttu í dag?! Ætlar núna þriðji markmaður Gróttu að meiðast líka??

Arnór Smára með skot fyrir utan teig sem er mjög gott en Beitir ver vel í horn!

ÍA (4-2-3-1) Árni Jón Gísli- Hlynur - Johannes - Arnleifur Arnór - Indriði Gísli - Steinar - Ingi Viktor Grótta (5-2-3) Beitir Sigurður - Patrik - Arnar Þór - Aron Bjarki - Arnar Númi Tareq - Gabríel Grímur - Kristófer Tómas

Arnar Þór skallar hornspyrnuna sem Arnór tekur í burtu.

Arnleifur fær boltann í gegn og sendir hann út í teiginn á Steinar sem á skot í varnarmann og aftur fyrir. Horn sem Skaginn á!

Tómas og Grímur spila vel saman í gegnum miðsvæðið sem endar með skoti frá Grími rétt framhjá. Þetta byrjar skemmtilega!

Vá Skagamenn byrja vel! Flott spil úti á vinstri kantinum sem endar með því að Arnleifur sendir út í teiginn á Viktor sem á skotið rétt yfir.

Gestirnir koma okkur í gang. Góða skemmtun!

Liðin ganga til vallar og takast í hendur. Mun fleiri Skagamenn á pöllunum!

Þá ganga liðin til búningsherbergja og gera sig klár í slaginn!

Þá eru byrjunarliðin komin í hús og Chris Brazell gerir fjórar breytingar á sínu liði frá jafteflinu gegn Aftureldingu á dögunum en Beitir, Arnar Þór, Tómas Johannessen og Grímur Ingi koma inn í liðið fyrir þá Rafal, Arnþór Páll, Valtýr Már og Arnar Daníel. Jón Þór gerir enga breytingu frá tapleiknum gegn Leikni á dögunum. Mjög áhugavert þar sem þetta var stærsta tap ÍA í sögunni í B-deild. Áhugavert.

Við fengum svo sannarlega áhugaverðar fréttir í hádeginu í dag þegar það var ljóst að Beitir Ólafsson, fyrrverandi markvörður KR, er kominn með leikheimild hjá Gróttu út tímabilið. Þannig er mál með vexti að báðir markmenn Gróttu eru meiddir og verða ekki með í dag þannig Beitir fékk kallið. Ekki stendur til að að svo stöddu að Beitir spili fleiri leiki með Gróttu í sumar, en hvað veit maður? Formaðurinn þakklátur KR Þorsteinn Ingason, formaður knattspyrnudeildar Gróttu, var sáttur með félagskiptin í samtali við fótbolta.net í dag: „Við erum mjög þakklát KR-ingunum fyrir að hafa hjálpað til að láta þetta skipti ganga í gegn."

Lengjudeildin í ár er án efa ein skemmtilegasta deild sumarsins. Það er mikil spenna víðast hvar á töflunni en tímabilið hefur farið mjög skemmtilega af stað. Svona lítur taflan út fyrir leiki kvöldsins: 1. Afturelding 36 stig ----------------------- 2. Fjölnir 29 stig 3. ÍA 27 stig 4. Leiknir R 23 stig 5. Grótta 20 stig ----------------------- 6. Vestri 20 stig 7. Selfoss 19 stig 8. Þór Ak 17 stig 9. Grindavík 16 stig 10. Þróttur R 15 stig ----------------------- 11. Njarðvík 14 stig 12. Ægir 8 stig

Leikurinn í kvöld ásamt leik Vestra og Selfossar, sem Hákon Dagur textalýsir fyrir vestan, eru báði leikir sem tilheyra 11. umferðinni. Þeir leikir voru frestaðir vegna U19 evrópumótsins.

Grótta er það lið sem mun berjast um þetta fjórða og fimmta sæti fram á lokadag. Maður sér Gróttu alls ekki geta náð Aftureldingu en þeim hefur mistekist að vinna í seinustu þremur leikjum og eru komnir niður í 5. sætið jafnir á stigum á Vestra, einu stigi á undan Selfossi sem tapaði 9-0 fyrir korteri liggur við og þremur stigum á eftir Leikni sem var í fallbaráttu fyrir svo stuttu síðan. Það er svo stutt á milli í þessu en þetta er fullkomið dæmi um það hversu rugluð þessi deild er. 3 leikir án sigurs og þú ert kominn í stórhættu á því að ná ekki þessu umspilsæti sem er í boði. Grótta náðu samt sem áður í gott stig í seinustu umferð á útivelli gegn Aftureldingu þar sem þeir fengu á sig jöfnunarmark alveg í lokin. Svekkjandi fyrst og fremst en fyrirfram, gott stig. Þetta er aðeins annað tímabil Chris Brazell með Gróttu en í fyrra lenti hann í 3. sæti, níu stigum frá Bestu deildar sæti. Nær Englendingurinn að taka Gróttu í þetta umspil og mögulega vinna það sem myndi þýða það að Grótta færi aftur upp í efstu deild eftir þriggja ára fjarveru?

ÍA hefur farið vel af stað í sumar en eftir erfiða byrjun náðu þeir svo sannarlega að snúa genginu við með því að vinna 7 af átta leikjum og þar að meðal 5-2 útisigur gegn Aftureldingu sem hafði ekki tapað leik í deildinni á þeim tímapunkti. Seinasti leikur Skagamanna var hinsvegar ekki leikur sem Skagamenn geta verið ánægðir með en í seinustu umferð fengu þeir Leikni í heimsókn sem rasskelltu þá 5-1. Stærsta tap ÍA í sögu B-deildar. Skaginn situr í þriðja sæti deildarinnar, tveimur stigum á eftir Fjölni sem eru í öðru, 9 stigum á eftir Aftureldingu sem eru á toppnum en með sigri minnka þeir bilið í 6 stig á þeim og Aftureldingu og fara upp í annað sætið. 14 mörk í 14 leikjum! Markahæsti leikmaður Skagamanna í deildinni í sumar er að sjálfsögðu Viktor Jónsson. Hann er jafnframt markahæsti leikmaður deildarinnar ásamt Elmari Cogic, leikmanni Aftureldingar, en þeir hafa báðir skorað 14 mörk. Samt sem áður hefur Viktor einungis spilað 14 leiki í sumar en Elmar 15 þannig Viktor á leik inni á Elmar. Baráttan um gullskóinn verður æsispennandi.

Heilir og sælir ágætu lesendur og verið hjartanlega velkomin í þráðbeina textalýsingu frá leik Gróttu og ÍA á Vivaldivellinum á Nesinu. Þessi lið ætla sér stóra hluti í sumar og hafa verið að gera gott mót til þessa en þau eru bæði í þessum umspilsætum.