Afturelding vinnur Leikni sannfærandi 3-0 og eru að fara á Laugardalsvöll. Þar fer fram leikur þar sem laust sæti í Bestu deildinni og 50 milljónir króna eru í boði.

Takk fyrir mig!

Skýrsla og viðtöl á leiðinni!

Omar reynir skot sem fer af varnarmanni og í þaðan í hendurnar á Yevgen

3 mínútur í uppbót!

Hornið er tekið stutt sem endar með því að Leiknir á innkast.

Elmar Kári með aukaspyrnu sem Viktor ver í horn!

Elmar Kári með gott skot fyrir utan vítateiginn esm Viktor ver. Boltinn fer þá til Hrafns en hann er fyrir innan.

Andri Freyr kominn í fína skotstöðu inn í d-boganum og tekur skotið en Binni Hlö hendir sér fyrir það.

Ósvald reynir fyrirgjöf inn á teiginn sem Róbert Hauks nær til og skallar rétt framhjá.

Þetta er að fjara út. Mjög tíðindalítill seinni hálfleikur.

Mosfellingarnir ná að hreinsa frá!

Rúrik fær boltann ofarlega á vellinum og rennur honum til hliðar á Andra Frey sem tekur skotið rétt framhjá. Þetta hefði verið geggjað mark!

Mjög rólegt. Lýtur út fyrir það að Leiknir sé búið að sætta sig við þetta og Afturelding eru að drepa leikinn niður hægt og rólega.

Arnór Ingi kemur með fyrirgjöf inn á teiginn þar sem Róbert Hauks er. Robbi nær að skalla boltann en boltinn flýgur rétt yfir.

Afturelding taka hornið stutt og það leit allt út fyrir það að sóknin væri að fjara út en þá kemur Ásgeir Marteins með geggjað skot rétt yfir!

Leiknismennirnir skalla í annað horn

Arnór keyrir upp völlinn og sér Ivo Braz vinstra meginn og rennir boltanum á hann. Ivo er þá kominn einn á móti markmanni en Daði Bærings kemur með geggjaða björgun og tæklar boltann í horn!

Róbert fær boltann inni á vítateig Aftureldingar eftir mikið klafs og nær skoti en það fer framhjá. Síðan fer flaggið á loft og Afturelding fá boltann.

Ivo Braz gerir frábærlega við endalínuna og kemst framhjá Arnóri Inga. Arnór tekur hann þá bara niður alveg við vítateigslínuna. Afturelding vilja vítaspyrnu en fá ekkert. Fannst þetta vera alltaf brot samt sem áður.

803 áhorfendur sem er bara ansi góð mæting miðað við að það eru nokkrir aðrir stórir leikir á sama tíma.

Aron Elí sparkar boltanum frá

Leiknir byrjar leikinn mun betur. Þeir ætla greinilega að henda öllu fram og reyna að ná í mark snemma í seinni hálfleik.

Afturelding ná að hreinsa

Afturelding koma okkur aftur í gang!

Bara mjög sanngjörn forysta í hálfleik að mínu mati!

Frábær leikur hjá Aftureldingu og þetta er þá bara mjög líklega komið hjá þeim. Leiknir þurfa núna fjögur mörk til að jafna þetta einvígi. Persónulega sé ég það ekki gerast.

Tökum okkur korter!

Danni Finns með aukaspyrnuna sem fer í slána og í burtu. Þetta hefði gefið þeim einhverja von í hálfleik!

Leiknir að fá aukaspyrnu í flottri fyrirgjafastöðu!

Elmar Kári fær boltann við vítateigslínuna frá Oliveri og tekur skotið í fyrsta sem Viktor ver. Hann er hinsvegar í allskonar basli með skotið og missir hann út í teiginn en Leiknis varnarmennirnir eru vel vakandi og koma boltanum frá.

Mosfellingarnir eru núna að fylgjast grant með gangi mála í leik Fjölnis og Vestra. Vestri eru komnir yfir og mér skilst að Afturelding hefur ekki tapað á móti þeim í sumar. Spurning hvort þeir vilji þá ekki bara mæta Vestra?

Fjölnir 0-1 Vestri

Omar Sowe fær háan bolta inn fyrir varnarlínu Aftureldingar og tekur á móti boltanum og nær skotinu sem Yevgen ver en Omar tekur á móti boltanum með hendinni og aukaspyrna dæmd.

Elmar Kári fær boltann úti hægra meginn og leitar inn á völlinn. Hann er þá kominn í ágætis stöðu og nær einhvernveginn skotinu sem fer hinsvegar rétt yfir markið.

Stuðningsmenn Aftureldingar syngja nú „3-0 fyrir sveitinni!“ eftir að Breiðhyltingarnir sungu fyrr í leiknum „Mosfellsbær er sveit!“.

Leiknismennirnir hafa náð að róa leikinn aðeins eftir þessi mörk en ég sé þá ekki koma til vaka miðað við í hvernig gír Afturelding er í!

Elmar Kári með frábæra takta úti hægra meginn og köttar inn á völlinn áður en nær skotinu sem fer í, að mér sýnist, Patryk og í hendurnar á Viktori í markinu.

Robbi Hauks við það að sleppa einn í gegn en Bjarni Páll bjargar Aftureldingu með frábærri tæklingu!

Ekkert um opnanir hérna fyrstu mínúturnar. Bæði lið halda aðeins í boltann en engar opnanir.

Jökull úr Kaleo mættur að sjálfsögðu á leikinn!

Mosfellingarnir hreinsa!

Róbert Hauks að vinna hornspyrnu fyrir gestina!

Mosfellsbær er sveit syngja Breiðhyltingarnir!

Leikurinn byrjar mjög rólega bara inn á vellinum. Það er hinsvegar læti í stúkunni!

Gestirnir úr Breiðholtinu koma þessu í gang!

Góða skemmtun!

Liðin ganga þá til vallar og gera sig klár slaginn.

Góða skemmtun!

Sigurvergarinn í dag fær annaðhvort Fjölni eða Vestra í úrslitaleiknum. Sæbjörn Þór Steinke verður á lyklaborðinu í Grafarvoginum!
Fjölnir - Vestri

Magnús Már, þjálfari Aftureldingar, gerir engar breytingar á liðinu sem vann Leikni í vikunni 2-1. Það vakti athygli hversu aftarlega Afturelding féllu niður á völlinn í Breiðholtinu þegar þeir unnu í fyrri leiknum. Magnús var greinilega sáttur með sína menn þar og kemur með óbreytt lið í dag.

Vigfús Arnar, þjálfari Leiknis, gerir hinsvegar eina breytingu á liðinu sínu frá 2-1 tapinu gegn Aftureldingu fyrr í vikunni. Inn í liðið kemur hann Árni Elvar Árnason fyrir hann Andi Hoti, sem er ekki í hóp. Andi Hoti meiddist einmit í fyrri leiknum gegn Aftureldingu. Seinustu fréttir af honum segja okkur að hann sé kinnbeinsbrotinn.

Helgi Mikael Jónasson sér um að dæma leikinn í dag. Honum til aðstoðar verða þeir Jakub Marcin Róg og Smári Stefánsson. Varadómarinn er hann Ásmundur Þór Sveinsson en Þórður Georg Lárusson sér um eftirlitið.

Hlustaðu á Innkastið! Farið yfir fyrri leikinn og hitað upp fyrir seinni leikinn!

Innkastið

Afturelding byrjaði tímabilið gífurlega vel og töpuðu fyrsta leiknum sínum ekki fyrr en í 14. umferð gegn ÍA. En eftir það tap fylgdu fjórir aðrir tapleikir og liðið sem var með 7 stiga forystu á toppnum þegar 9 leikir voru eftir endaði í 2. sætinum 6 stigum á eftir toppsætinu.
Nýr Maggiball
Margir töluðu um hvernig þeir myndu koma stefndir inn í þessa umspilsleiki eftir að hafa tapað niður fyrsta sætinu alveg í lokin. Afturelding hinsvegar komu mjög ólíkir sjálfum sér í fyrsta umspilsleikinn er þeir lögðu Leikni 2-1. Maggi breytti algjörlega um leikplan en Afturelding voru meira og minna bara í djúpri blokk að verja vítateiginn. En það virkaði og maður verður að hrósa Magga fyrir það. Því í þessum leikjum snýst þetta alfarið um úrslit en ekki frammistöður. Síðan er líka spurning hvort þeir séu að undirbúa sig fyrir Bestu deildina?

Tímabilið hjá Leikni hefur verið mjög áhugavert. Þeir hafa oftar en ekki gefið okkur fullt af skemtilegum leikjum og boðið upp á flotta knattspyrnu. Eftir mjög slaka og bara hreint út sagt lélega byrjun fór Vigfús Arnar, þjálfari Leiknis, í mjög furðulegt viðtal eftir hádramatískan 3-2 sigur á Ægi. Hann sagði í því viðtali að hann hefði verið látinn fara ef leikurinn hefði tapast. Eftir þann leik, og það viðtal, hafa fáir getað stoppað þessa vél í 111.

Viðtalið fræga við Fúsa

Liðin hafa mæst þrisvar sinnum í sumar þar sem Afturelding hefur unnið einu sinni, Leiknir einu sinni og einu sinni endaði leikurinn með jafnefli. Samkvæmt þessari tölfræði ættum við að fá mjög jafnan leik þar sem bæði lið hafa sýnt okkur fyrr á leiktíðinni að þau geta unnið hvort annað.

Leiknir R. 1 - 2 Afturelding
0-1 Rasmus Steenberg Christiansen ('24 )
0-2 Ásgeir Marteinsson ('76 )
1-2 Omar Sowe ('84 )
Lestu um leikinn

Á 24. skoraði Rasmus Christiansen fyrir gestina. Afturelding fékk hornspyrnu sem Ásgeir Marteinsson kom inn í teiginn. Þar skapaðist mikill vandræðagangur sem endaði með því að Rasmus reis manna hæst og stangaði boltann í netið.

Afturelding fór með forystu inn í hálfleikinn eftir fremur kaflaskiptan fyrri hálfleik.

Afturelding tvöfaldaði forystuna á 76. mínútu. Oliver Jensen gerði vel í teignum, lagði boltann út á Ásgeir sem tók skotið og sendi markvörðinn í vitlaust horn.

Sowe tókst að halda lífi í einvíginu er hann minnkaði muninn sex mínútum fyrir leikslok. Sowe hafði reynt nokkur skot en leikmenn Aftureldingar komust fyrir öll áður en hann fékk boltann aftur í aðeins betri stöðu og kláraði vel.

Afturelding 0-2 Leiknir R.
Lestu nánar um leikinn hér
Róbert Hauksson '11
Davíð Júlían Jónsson '49

Seinast þegar liðin mættust í Mosfellsbænum fór leikurinn 2-0 fyrir Leikni þar sem Róbert Hauksson og Davíð Júlían sáu um markaskorunina. Leikurinn fór fram í Mosfellsbæ þar sem liðin munu síðan mætast aftur á sunnudaginn.

Leiknir 2-2 Afturelding
Daníel Finns Matthíasson '20 1-0
1-1 Elmar Kári Enesson Cogic '48
1-2 Arnór Gauti Ragnarsson '69
Daníel Finns Matthíasson '70 2-2
Lestu nánar um leikinn hér

Það var síðan í júní þegar liðin mættust í Breiðholtinu þar sem Danni Finns bjargaði stigi fyrir heimamenn. Leiknir byrjuðu leikinn betur en Daníel kom þeim yfir á 20. mínútu. Í seinni hálfleik komu Elmar Kári og Arnór Gauti Aftureldingu yfir áður en Daníel jafnaði þetta fyrir Leikni þegar það voru 20 mínútur eftir.

Heilir og sælir ágætu lesendur og veriði hjartanlega velkomin í þessa þráðbeinu textalýsingu úr Mosfellsbænum þar sem Afturelding fær Leikni í heimsókn í seinni undanúrslitaleiknum í umspilinu um sæti í Bestu deildinni.