SKÝRSLAN: ÍBV heldur sér á lífi
Hvað réði úrslitum?
ÍBV vörðust mjög vel og HK-ingar áttu erfitt með að finna glufur í vörn þeirra, en ef það gerðist þá var Guy Smit á milli stanganna í stuði og hleypti engu framhjá sér. Eyjamenn fengu þó vítaspyrnu sem var rangur dómur og var það eina mark leiksins.
Bestu leikmenn
1. Eiður Aron Sigurbjörnsson
Eiður skoraði eina mark leiksins og bjargaði á línu undir lok leiks. Eiður átti stórleik í hafsent Eyjamanna.
2. Guy Smit
Guy Smit var virkilega öruggur í öllum sínum aðgerðum í dag. Greip margar fyrirgjafir og átti nokkrar frábærar vörslur.
Atvikið
Vítaspyrnan sem var gefin. Arnar Freyr fór á undan í boltann og svo skullu Tómas Bent og Arnar saman, röng ákvörðun.
Hvað þýða úrslitin?
Það er allt galopið fyrir lokaumferðina. Fjögur lið geta ennþá fallið en ÍBV þarf að vinna og treysta á önnur úrslit í lokaumferðinni.
HK þarf aðeins eitt stig til að halda sér í deildinni en þeir fara norður og mæta KA í lokaumferðinni.
Vondur dagur
Vilhjálmur Alvar átti ekki sinn besta dag á flautunni. Klikkaði á risastórri ákvörðun sem skar úr um leikinn.
Dómarinn - 3
Vilhjálmur dæmdi ranglega vítaspyrnu sem endaði að vera eina mark leiksins, stór mistök.