Aleksandar Stavrev flautar til leiksloka, svekkjandi tap niðurstaðan. Ótrúlegt að þessi leikur hafi endað 1-0 nóg af færum hjá bæði liðum.
Breiðablik sótti mikið undir lok leiks en náðu ekki að koma boltanum í netið.

Gísli með fyrirgjöf í teiginn, Höskuldur lætur boltann fara. Anton fær boltann við vítapunkt en er of lengi að koma sér í skotið og varnarmaður Zorya kemst fyrir.

Kiddi Steindórs með fyrirgjöf og Viktor Örn rennir sér í boltann sem fer rétt framhjá!

Gísli reynir hjólhestaspyrnu eftir fyrirgjöf Kidda Steindórs en boltinn fór langt framhjá marki Zorya, skemmtileg tilraun samt sem áður.

Eftir gott samspil Jasons og Kidda Steindórs hleypir Jason Daði af skoti fyrir utan teig en boltinn fer framhjá.

Gísli með góða fyrirgjöf á Höskuld sem stangar boltann á markið en Mykyta með frábæra vörslu í marki Zorya.

Breiðablik með frábæra sókn sem endar á að Jason fer í skotið í teignum en varnarmaður Zorya kemur sér fyrir skotið og markvörður Zorya handsamar boltann.

Gísli með skot fyrir utan teig sem fer yfir mark Zorya.

Igor Gorbach gefur út á Guerrero sem tekur hann í fyrsta en skot hans fer hátt yfir markið.

Igor Gorbach leikur á þrjá Blika og fer svo í skotið sem Anton ver örugglega.

Jason Daði sendir á Gísla sem er í þröngri stöðu í teignum en tekur skotið og boltinn fer í slánna og þaðan aftur fyrir í markspyrnu.

Zorya fær hornspyrnu, boltinn berst á milli manna og þaðan út úr teignum á Vantukh sem tekur skotið en það fer hátt yfir markið.

Gísli Eyjólfs með hörkuskot rétt fyrir utan teig sem Mykyta ver í marki Zorya.
Þetta er betra hjá Blikum!

Kiddi Steindórs með fyrirgjöf á Klæmint Olsen sem á góðan skalla en Mykyta ver frábærlega í marki Zorya, þarna munaði litlu!

Enn og aftur er Guerrero í færi. Hann fær boltann í teig Breiðabliks snýr og tekur kraftlítið skot sem Anton Ari ver örugglega.

Damir með lélegan bolta sem Zorya kemst inn í, Guerrero tekur skotið úr þröngu færi sem fer rétt framhjá.

Guerrero kominn í frábæra stöðu utarlega í teignum en rennir boltanum framhjá marki Blika.

Zorya í hættulegri sókn en eftir lélegt skot er flögguð rangstæða.

Breiðablik með aukaspyrnu í fyrirgjafastöðu, Viktor Karl á lélega spyrnu sem fer beint útaf og í markspyrnu.

Höskuldur tekur hornið, leikmenn Blika fara allir í markteiginn en Mykyta markmaður Zorya kýlir boltann burt.

Blikar vinna bolt hátt uppi í pressunni og vinna út frá því hornspyrnu.

Jason Daði kemur með fyrirgjöf frá hægri á Gísla sem fer í skotið en boltinn fer framhjá, Gísli svekktur með sjálfan sig eftir þetta klúður.

Blikar byrja með boltann.

Aleksandar Stavrev flautar til hálfleiks, Zorya leiðir með einu marki. Breiðablik búnir að koma sér í góðar stöður en vantar meiri gæði í lokasendinguna.

Þremur mínútum bætt við.

Breiðablik fá horn, Viktor Örn á slakan skalla. Boltinn berst svo út á Viktor Karl sem tekur skotið sem fer hátt yfir, Viktor á að gera betur þarna.

Igor Gorbach sleppur í gegn og er einn gegn Antoni Ara, Igor fer í skotið en Anton ver frábærlega.

Yatsyk liggur niðri og þarfnast aðhlynningar.

Zorya Luhansk fær hornspyrnu.

Klæmint Olsen liggur niðri eftir að hafa fengið hné í hné.

Roman Vantukh með skot utan af velli sem fer langt framhjá marki Breiðabliks, engin hætta.

Blikar búnir að spila nokkuð vel en vantar upp á lokasendingu í sóknum.

Gísli Eyjólfs fer í skotið eftir góða sókn Breiðabliks en skotið fer vel yfir mark gestanna.

Blikar fá hornspyrnu, Zorya skalla hann aftur fyrir og í annað horn sem ekkert kemur upp úr.

Guerrero við það að sleppa í gegn en Anton Logi stöðvar hann með frábærum varnarleik.

Myshnov með fyrirgjöf sem dettur fyrir framan mark Blika en enginn Zorya maður mættur.

Breiðablik fær horn, boltinn berst á Alexander Helga sem er langt fyrir utan teig og tekur skotið en boltinn fer langt framhjá.

Denys Antiukh á ágætis sprett, kominn í ágætis skotfæri og lætur vaða en boltinn endar í innkasti, stuðningsmönnum Blika til mikilla skemmtunar.

Kópacabana heldur uppi stuðinu í stúkunni.

Guerrero með skot utarlega í teignum sem fer rétt framhjá marki Blika.

Gestirnir fá hornspyrnu en ekkert kemur úr henni.

Viktor Karl kemur með fyrirgjöf sem varnarmenn Zorya koma frá.

Igor Gorbach tekur skot fyrir utan teig, boltinn fer af varnarmanni Blika og í horn sem Breiðablik hreinsar frá.

Zorya tekur langt innkast, boltinn berst á Denis Nagnoynyi sem tekur skot sem fer hátt yfir mark Blika.

Gestirnir byrja með boltann, koma svo!

Liðin ganga hér inn á völlinn og tryllta Sambands/Evrópudeildarlagið er í botni, nú styttist í þennan sögulega leik.
Leikmenn Zorya eru allir með Ukraínska fánann utan um sig.

Klukkutími í sögulega stund í íslenskri knattspyrnu. Allir á Laugardalsvöll. ?? pic.twitter.com/Px2NxE162O

— Kristján Óli Sigurðsson (@kristjanoli) October 5, 2023

??GAMEDAY??

???? Breiðablik - Zorya Luhansk
???? @europacnfleague
????Laugardalsvöllur
???? 5. október
?16:45

Miðar/Tickets: https://t.co/LVMaYlz2uR

???? @hhalldors #eittfyrirklúbbinn pic.twitter.com/Cal6NP4m30

— Breiðablik FC (@BreidablikFC) October 5, 2023

Sjáumst á Laugardalsvelli kl 16:00 takk fyrir. pic.twitter.com/rE6LZlP92O

— Freyr S.N. (@fs3786) October 5, 2023

Fótbolti.net setti saman líklegt byrjunarlið Breiðabliks á eftir.

Davíð Ingvars er meiddur á ökkla og Kristófer Ingi er meiddur á kálfa og verða þeir því ekki með í dag.

Óskar Hrafn er með skýra sýn á það hvernig liðið eigi að mæta til leiks í þessa Evrópuleiki.

„Menn hafa misjafnar skoðanir á því hvernig eigi að nálgast þessa leiki. Sumir vilja hafa varkárni í þetta og aðrir vilja fara með allt á fullt. Þeir sem standa ekki nálægt liðinu hafa ekkert að segja. Þeir geta talað en ég hlusta ekki á þá.
Ég held að þetta hafi sýnt fram á það að við þurfum að vera hugrakkir, kraftmiklir og við þurfum að þora að vinna fram á við. Við þurfum að þora að halda boltanum og við þurfum að stíga upp með liðið. Ef við ætlum að leggjast sjálfir, þá verður enginn ákefð í varnarleiknum okkar.
Góð lið þrýsta okkur niður á köflum en þá reynum við alltaf að komast aftur upp. Um leið og við föllum sjálfur, þá getum við orðið mjög flatir. Eins og við urðum í fyrri hálfleik í Ísrael. Við þurfum að reyna að komast alltaf upp á völlinn, að stíga upp. Við erum bestir eftir því sem við getum varist ofar."

   04.10.2023 14:25

Stór stund fyrir Blika - „Þeir geta talað en ég hlusta ekki á þá"

Zorya er í næst neðsta sæti Úkraínsku úrvalsdeildarinnar eftir 8 leiki. Liðið gerði gott jafntefli við Gent í síðustu umferð í Sambandsdeildinni. Fyrirfram myndi maður segja að mesti möguleiki Blika að ná í góð úrslit í riðlinum væri gegn Zorya.



Óskar Hrafn um Zorya

„Við vitum að þeir gerðu jafntefli við Gent í fyrsta leiknum. Þeir spiluðu þann leik mjög vel og voru mjög skipulagðir, og öflugir. Þeir eru gríðarlega duglegir, þetta er ungt og orkumikið lið. Þeir eru sterkir í skyndisóknum og með öflugan framherja frá Panama, Guerrero. Þeir hafa farið í riðlakeppnina nokkrum sinnum".
,,Ég met okkar möguleika bara fína. Zorya er mjög öflugt lið og menn skulu ekki láta plata sig á því að þeir hafi átt í smá vandræðum í deildinni.
Við mætum í þennan leik með tvö markmið, að sýna góða frammistöðu og að henni fylgi góð úrslit. Við mætum í leikinn til að vinna hann og ætlum okkur að vinna þennan leik og teljum okkur eiga raunhæfa möguleika á því."

   04.10.2023 14:35

Mótherjar Breiðabliks vanir því að spila fyrir framan tómlega stúku

Kópavogsvöllur stenst ekki kröfur sem UEFA gerir til leikja Í Evrópukeppni og fer því leikurinn fram á Laugardalsvelli.
Leikmenn Zorya eru vanir því að spila fyrir framan tómlega stúku.
Aðeins 539 áhorfendur voru á 15 þúsund sæta leikvangi í Lúblin í Póllandi þegar Zorya gerði 1-1 jafntefli gegn Gent í heimaleik í 1. umferð riðilsins. Vegna stríðsástandsins í Úkraínu leikur Zorya heimaleiki sína í Póllandi.

Breiðablik spilar sinn fyrsta heimaleik í riðlakeppni Sambandsdeildarinnar og er það jafnframt fyrsta skiptið sem íslenskt karlalið spilar heimaleik í riðlakeppni í Evrópu.
Andstæðingar Breiðabliks er Zorya Luhansk frá Úkraínu.