Við erum á leið í úrslitaleik gegn Úkraínu um sæti á EM næsta sumar eftir hreint út sagt stórkostlegan leik í Búdapest. Viðtöl og viðbrögð munu berast eftir því sem líður á kvöldið en við erum skrefi nær einu stórmóti enn!

Fimm mínútur í uppbótartíma. Ef staðan væri 2-1 þá væri ég stressaður. Ég er það hins vegar ekki núna.

Er að vinna Bosníu 2-1. Stefnir í að við mætum Úkraínu í Póllandi á þriðjudag.

Úkraína var að jafna gegn Bosníu. Stemmingin hjá Ísraelum í stúkunni er svo heldur súr..... Mér er eigilega alveg drullusama. Lái mér hver sem vill en þeir þurfa að laga ýmislegt hjá sér hvort sem það er fótboltatengt eða annað.

Er stemming fyrir hópferð til Póllands eða Bosniu? Góðir viðskiptamöguleikar fyrir þá sem grípa þá gæs!

Ísland fær aukaspyrnu á flottum stað. Albert tekur hana en Ísrael hreinsar frá. Þvílik spenna hérna!

Setti boltann framhjá markinu! Við erum enn með þennan leik!

Ísrael fær vítaspyrnu eftir VAR skoðun.

Andri Lucas sterkur í teignum vinnur annað horn

Hákon með snyrtilegt hlaup og vinnur aukaspyrnu Líklega aðeins of langt fyrir skot Albert reynir skot en af veggnum og aftur fyrir. Hornspyrna.

AD 1 fann hægri höndina á sér og gaf okkur innkast.

Bosnía er óvænt yfir gegn Úkraínu. Eins og staðan er núna verður Bosnía - Ísland úrslitaleikur í Sarajevo á þriðjudaginn. En nóg eftir.

Anan Khalaili í hörkufæri fyrir Ísrael eftir alltof góðann spilkafla þeirra. Skot hans varið virkilega vel af Hákoni sem slær boltann frá

Snyrtilegt spil Íslands við teig Ísrael skilar horni. Guðlaugur Victor með skallann en beint á Glazer. Ísraeli leggst í teignum eftir viðureign sína við Gulla. Ég hefði gert það líka. Ræður ekkert við svona menn.

AD1 virðist bara geta flaggað í aðra áttina. Í þriðja skiptið á 8 mínútum fer boltinn af Ísraela og út af en þeir fá innkastið.

Ísraelar sækja hratt og vinna horn Hálf þunglamaleg útfærsla endar með skoti frá Kinda beint á Hákon

Oscar Gloukh með skot að marki en beint á Hákon sem á ekki í nokkrum vandæðum með það.

Hákon með geggjaðan sprett frá miðjunni og inn að teig Ísraels. Nær skotinu en Glazer slær boltann í horn. Skemmtileg útfærsla á horninu sem er tekið á nær á Guðlaug Viktor sem hamrar boltann hátt yfir.

Ísrael hefur þetta á ný.

Fínasta fyrri hálfleik lokið. Eftir að hafa lent undir beit íslenska liðið svo sannarlega í skjaldarrendur og sneri taflinu við með tveimur frábærum mörkum undir lok hálfleiksins . Meira af því sama í síðari hálftleik og tryggjum okkur úrslitaleik um gott partý næsta sumar.

+3 Álitleg skyndisók Íslands. Hákon finnur Albert í teignum sem þarf að sækja boltann og nær ekki góðu skoti og boltinn hátt yfir.

Uppbótartími fyrri hálfleiks er 3 mínútur

Ísland vinnur horn.

Ísland fær aukaspyrnu á stórhættulegum stað. Kanichowsky brotlegur gegn Hákoni. Gummi Tóta og Albert standa yfir boltanum.

Daníel Leó með ömurlega sendingu og gefur svo víti. Frábært.

— Kristján Óli Sigurðsson (@kristjanoli) March 21, 2024

Ísland fær sitt fyrsta horn. Erum talsvert hærra liðið á vellinum og verðum að nýta svona sénsa. Ekkert verður úr.

Ísrael er að fá vítaspyrnu!!!!!! Snöggir að taka innkast frá hægra. Boltinn á Zahavi í teignum og Daníel Leó bara of seinn og fer í hann og víti dæmt.

Frábær sókn Íslands! Arnór Sig keyrir inn völlinn og kemst óáreittur alla leið að D-boganum þar sem hann lætur vaða á markið. Glazer í marki Ísrael gerir vel að verja en boltinn beint fyrir fætur Orra sem setur boltann hárfínt framhjá.

Hornspyrnan léleg en Ísrael vinnur boltann strax aftur. Boltinn fyrir markið frá vinstri þar sem Hákon mætir út en lendir í samstuði við Vitor og missir boltann. Við hreinum og Ísrael byggir upp á ný.

Ísrael sækir fyrstu hornspyrnu leiksins.

Leikarinn Revivo með fyrirgjöf frá vinstri. Hákon mætir út í teiginn og hirðir boltann sinn.

Stendur rétt fyrir aftan varamannaskýlið.

Revivo fellur með tilþrifum eftir baráttu við Arnór Ingva. Engin snerting en aukaspyrna niðurstaðan. Tekinn inn á teiginn þar sem Miguel Vitor skallar boltann himinhátt yfir.

Ísrael að þrýsta liði sínu ofar á völlinn. Dor Turgeman með fyrirgjöf frá vinstri sem svífur afturfyrir.

Ísraelar sækja hratt og komast hátt á völlinn úti hægra megin. Boltinn inn í átt að teignum fyrir fætur Kinda sem á skot beint í varnarmann.

Við höfum haldið boltanum betur þessar fyrstu mínútur Ísraelum í stúkunni til lítillar gleði sem baula í hvert sinn sem við vinnum boltann.

Leikurinn er farinn af stað í Búdapest. Það er Ísland sem sparkar þessu af stað. Áfram Ísland!

Þjóðsöngvarnir næst á dagskrá.

Er í skýjunum með að sinn maður sé í byrjunarliðinu.

Toddi ekkert í VIPpinu að sulla í sig. Hann er að sjálfsögðu bara niðri á velli #fotboltinet pic.twitter.com/q2xP5rAFU2

— Elvar Geir Magnússon (@elvargeir) March 21, 2024

Liðið hjá Hareide kemur aðeins á óvart. Fótbolti.net setti í aðdraganda leiksins upp líklegt byrjunarlið og eru tvær breytingar frá því liði. Daníel Leó Grétarsson er við hlið Sverris Inga í hjarta varnarinnar og Guðmundur Þórarinsson er í vinstri bakverði. Sverrir er með fyrirliðabandið í fjarveru Jóhanns Bergs Guðmundssonar.

Ef þið eigið eftir að hlusta á hlaðvarpsþátt okkar frá Búdapest sem tekinn var upp í dag þá er hann hér að neðan og á öllum veitum. Um 20 mínútna þáttur þar sem Stefán Árni Pálsson íþróttafréttamaður var gestur.

   21.03.2024 14:04

Beint frá Búdapest - Áfall að morgni leikdags

Hvar hittist tólfan í Budapest? @12Tolfan pic.twitter.com/jUFyeKmTfp

— Bjarki Már Elísson (@bjarkiel4) March 21, 2024

Ísraelskir fjölmiðlar greina frá því að miðasalan á landsleik Ísraels og Íslands hafi tekið kipp í dag. Rúmlega 1.300 áhorfendur á bandi Ísraela verði á Szusza Ferenc leikvangnum. Í gær höfðu aðeins um 600 miðar verið seldir til stuðningsmanna Ísraels. Það verða ekki margir Íslendingar á vellinum en samkvæmt nýjustu upplýsingum verða þeir um 100.

Ekki er búið að tilkynna íslenska byrjunarliðið fyrir leik kvöldsins en Ísraelar hafa hinsvegar tilkynnt sitt lið. Þar vekur mesta athygli að Oscar Gloukh, einn hæfileikaríkasti leikmaður liðsins, er á bekknum. Gloukh spilar fyrir Red Bull Salzburg, er nítján ára og er mikið efni. Hann hefur verið orðaður við Barcelona, Manchester United, Arsenal, Liverpool, Newcastle og fleiri félög. Einnig er áhugavert að Mohammad Abu Fani er líka á bekknum en nær allir ísraelskir fjölmiðlar bjuggust við því að hann myndi byrja.

Ísland hefur orðið fyrir áfalli fyrir leikinn mikilvæga gegn Ísrael í kvöld því Jóhann Berg Guðmundsson verður ekki með vegna meiðsla.

Umfjöllun í aðdraganda þessa leiks hefur svo sannarlega ekki snúist bara um fótbolta. Stríðsátökin í Ísrael og Palestínu og kynferðisbrotamál hafa verið áberandi. Það var þrúgandi andrúmsloft á fréttamannafundi í gær þar sem ísraelskir fjölmiðlar þjörmuðu að Age Hareide og í vikunni sendi sá norski frá sér stutta yfirlýsingu vegna ummæla sinna sem tengjast máli Alberts. Vonandi er stutt í að fótboltinn fari í algjöran forgang í umræðunni í kringum landsliðið.

Enski úrvalsdeildardómarinn Anthony Taylor dæmir leikinn í kvöld. Enskir dómarar sjá alfarið um dómgæslu leiksins. Chris Kavanagh verður fjórði dómari og Stuart Attwell sér um VAR dómgæsluna. Aðstoðardómarar verða Gary Beswick og Adam Nunn.

„Það má búast við hörkuleik, það er allt undir og bæði lið vita það. En þetta snýst líka um að koma með rétt spennustig í leikinn og stjórna því hvernig við förum inn í leikinn. Þetta verður líklega lokaður leikur í byrjun en svo munu liðin finna opnanirnar," segir Arnór Sigurðsson. „Ég er búinn að vera byrja upp á síðkastið og búinn að spila vel með Blackburn á þessu tímabili. Auðvitað vonast maður til þess að byrja." „Við erum búnir að fara yfir allt; bæði hvernig við ætlum að pressa og hvernig við ætlum að sækja. Þessir dagar eru búnir að vera mjög góðir, góður undirbúningur og maður finnur að liðið er klárt í þetta." Er horft í leikina frá árinu 2022 í Þjóðadeildinni? „Við höfum farið yfir þá, það er ekki svo langt síðan. Við fundum það þegar við spiluðum við þá að við hefðum léttilega átt að klára báða leikina. Við förum ekkert of mikið í þá leik samt því það eru tvö ár liðin síðan." „Ég hef fulla trú á þessu, það verða allir í kringum liðin og öll þjóðin að hafa trú. Við vitum að við getum þetta og erum með leikmenn sem hafa gert þetta áður. Ég hef sjálfur bullandi trú á þessu og er mjög spenntur fyrir þessu." „Þetta eru tveir leikir og þá ertu kominn á EM, þetta er dauðafæri. Ef menn eru ekki klárir núna, hvenær eru þeir þá klárir?"

   20.03.2024 14:33

„Ef menn eru ekki klárir núna, hvenær eru þeir þá klárir?"

Verið hjartanlega velkomin í þráðbeina textalýsingu frá Búdapest þar sem íslenska landsliðið mætir því ísraelska í umspilinu fyrir EM. Leikurinn hefst 19:45. Að staðartíma 20:45. Leikið er til þrautar. Sigurliðið mætir Úkraínu eða Bosníu í úrslitaleik í næstu viku þar sem í boði er sæti á EM í Þýskalandi. Já takk!