SKÝRSLAN: Fjórði Lengjubikar Blika og magnaður Höskuldur
Hvað réði úrslitum?
Eins og Jón Þór sagði í viðtali eftir leik að þá fengu Skagamenn fullt af færum í fyrri hálfleik til þess að komast yfir eða jafna leikinn en þriðja markið sem Breiðablik skorar var það sem gerði út um leikinn.
Bestu leikmenn
1. Höskuldur Gunnlaugsson
Held að þetta hafi sjaldan verið auðveldara. Mjög góður í dag fyrirliðinn og skoraði auðvitað tvö glæsileg mörk í nýjum takkaskóm sem lofa góðu í sumar.
2. Viktor Karl Einarsson
Það er hægt að velja svo marga hér en ég vel Viktor Karl þar sem hann á eina stoðsendingu og spilar mjög vel í dag í 90 mínútur. Var lykilhlekkur í uppspili Blika og vinnur boltann oft á miðsvæðinu og byrjar sóknir.
Atvikið
Verð að velja fjórða mark Blika. Frábært spil hjá Höskuldi og Kidda Steindórs sem endar með frábærri afgreiðslu hjá Höskuldi í fyrsta í netið. Frábært mark en ég gat léttilega líka valið fyrra markið hans Höskuldar sem kom beint úr aukaspyrnu.
Hvað þýða úrslitin?
Breiðablik eru sigurvegarar Lengjubikarsins í þriðja sinn á meðan biðin eftir þeim fjórða hjá Skagamönnum verður bara lengri.
Vondur dagur
Til þess að vera alveg sanngjarn þá fannst mér bæði lið eiga góðan leik en þar sem fyrsta mark Blika kom eftir hræðilega sendigu Marko Vardic verð ég að velja hann. Hann auðvitað á þetta ruglaða mark sem jafnar leikinn en það var óþarfi að gefa Blikunum þetta mark.
Dómarinn - 9
Fannst hann bara dæma þetta mjög vel. Tvö atvik þar sem hann stoppar leikinn en hefði mátt beita hagnaði en það kom ekki að sökum. Síðan er eitt atvik þar sem hann spjaldar Dag Örn fyrir leikaraskap inn í teig Skagamanna. Ég sá ekki alveg hvort þetta hafi verið rétt hjá Villa en finnst það líklegra en ekki.