SKÝRSLAN: Vigdís Lilja allt í öllu í fyrsta sigri Breiðabliks
Hvað réði úrslitum?
Þó svo að Keflavíkurliðið hafi veitt góða mótspyrnu og átt margar álitlegar sóknir er ljóst að á endanum eru það gæði leikmanna eins og Vigdísar og Öglu Maríu sem skilja að í svona leikjum.
Bestu leikmenn
1. Vigdís Lilja Kristjánsdóttir, Breiðablik
Það er ekki bara svo að Vigdís Lilja skoraði fyrstu tvö mörkin í leiknum heldur er hún orðin svo mikill gæða leikmaður að hún er allt í öllu í þessu 2024 Blikaliði sem Nik Chamberlain er að smíða. Besti leikmaður Breiðabliks í dag og það er eins og maður sjá í henni þannig að gæði að hún verði með bestu leikmönnum deildarinnar í sumar.
2. Agla María Albertsdóttir, Breiðablik
Þið ættuð aldrei að gleyma Öglu Maríu því hún hefur ekki glatað sínum gæðum nema síður sé. Frábær leikmaður sem skoraði þriðja markið og skapaði oft mikinn usla. Leikmaður sem hættir aldrei.
Atvikið
Seint í leiknum barst boltinn út fyrir hliðarlínuna þar sem Nik Chamberlain þjálfari Blika sýndi að hann er ekki bara möppudýr á hliðarlínunni, hann getur líka sýnt fótboltahæfileika, fyrsta snerting eins og atvinnumennirnir gera það.
Hvað þýða úrslitin?
Breiðablik er liðið sem við treystum helst á að muni veita Íslandsmeisturum Vals samkeppni á tímabilinu sem er að byrja og þær byrja með solid þremur stigum.
Vondur dagur
Keflavík vantar markaskorara, einhvern sem nýtir sér kraftinn sem kemur frá kantmönnum liðsins til að loka leikjum. Það er stutt í að félagaskiptaglugginn loki og vonandi að þeim takist að finna lausn á þeim málum.
Dómarinn - 8
Traust frammistaða hjá Arnari Inga í dag.