Jafntefli niðurstaðan hér í Árbænum þetta kvöldið og það má alveg færa rök fyrir því að þau úrslit séu sanngjörn.

Viðtöl og skýrsla væntanlega síðar í kvöld.

Bæði lið að reyna sem mest þau mega. Fáum við dramatík af dýrari gerðinni?

Fjórar mínútur að lágmarki í uppbótartíma.

Þróttur með horn. Tinna Brá kýlir frá.

Guðrún Karitas sækir hornspyrnu af harðfylgi.

Fylkisliðið færist ofar og ofar á völlinn. Færin þó að láta á sér standa.

Fylkir vinnur horn.

Stuðningsmenn Fylkis sem fá stórt prik fyrir jákvæðan stuðning kalla eftir marki. Sem lætur þó ekki sjá sig í þetta sinn.

Freyja Karin ber upp boltann og leikur inn á teiginn, á skotið sem fer af varnarmanni á Sierra sem á skot í hliðarnetið úr þröngu færi.

Fátt um færi en hart barist á vellinum. Fylkisliðið að reyna allt til þess að finna þetta jöfnunarmark. Vörn Þróttar hefur heldið vel þó.

Áhorfendur hér í Árbænum eru 749. Við hrósum því.

Eru að vinna sig í ágætis stöður á vellinum en virðast hreinlega vera að flýta sér of mikið á köflum

Vinna hér hornspyrnu.

Hornspyrna frá heimakonum skölluð frá, Annar fyrirgjafarséns en boltinn beint í fang Mollee.

Abigail með skot af talsverðu færi fyrir Fylki. Mollee ekki í neinum vandræðum með að grípa boltann.

Gestirnir sækja horn.

Ekkert kemur upp úr því.

María Eva Eyjófsdóttir með skotið frá hægra vítateigshorni en yfir mark Fylkis fer boltinn.

Sierra ein í gegn og aðeins Tinna á milli hennar og marksins.....en nei flaggið á loft.

Rosalega tæpur dómur.

Jelena Tinna í fínu færi en með varnarmann í sér og litlu jafnvægi þegar hún reynir skotið og árangurinn eftir því.

Fer nokkuð rólega af stað líkt og fyrri hálfleikur. Barningur og barátta en færin láta bíða eftir sér.

Heimakonur sparka þessum hálfleik af stað og þurfa að sækja ætli þær sér eitt eða fleiri stig úr þessum leik.

Nokkuð fjörugum fyrri hálfleik lokið hér á Wurthvellinum. Kaflaskipt svo að segja en heilt yfir hefur Þróttur líklega átt fleiri hættuleg færi og kannski hægt að segja að forystan sé verðskulduð.

Fylkir sækir horn. Spyrnan frá Abigail á Tinnu sem nær skallanum en hann kraftlítill og gestirnir hreina.

+1

Lið Þróttar haft völd á leiknum eftir markið og Fylkisliðið dottið mjög neðarlega á völlinn.

Uppbótartíminn í fyrri hálfleik er að minnsta kosti þrjár mínútur

Sierra í þröngu færi í teignum en Tinna lokar markinu vel og handsamar boltann.

Caroline geysist upp völlinn eftir hornspyrnu frá Fylki. Hleypur eina 60-70 metra með boltann áður en hún lætur vaða af um 20 metrum. Tinna aðeins utarlega í teignum stekkur upp og reynir að handsama boltann sem heldur áfram för sinni að markinu. Náði þó að draga mesta kraftinn úr skotinu og kastar sér á boltann áður en hann lekur yfir marklínuna.

Ögn til vinstri við spyrnuna áðan. Sæunn spreytir sig á ný.

Beint í vegginn í þetta sinn.

Sierra enn að fá boltann í teig Fylkis. Nær að snúa á vítateigslínunni og láta skotið ríða af en boltinn beint á Tinnu sem slær boltann upp og handsamar hann svo.

Sierra átti líklega að gera betur þarna.

Mætingin greinilega góð hér á Wurthvellinum. Hamborgararnir eru uppseldir. Lúxusvandamál það.

Sæunn Björnsdóttir með spyrnuna sem lítur vel út en boltinn í slánna og afturfyrir.

Bæði lið búin að setja boltann í markrammann.

Leah Maryann með frábæran sprett fram hjá hverri Fylkiskonunni á fætur annari áður en hún er tekinn niður á D-boga línunni.

Gott skotfæri.

Caroline spólar upp vinstri vænginn og nær fínni fyrirgjöf frá endalínu á kollinn á Sierra sem skallar boltann yfir úr prýðisfæri.

Ósátt með sjálfa sig og vildi augljóslega gera betur.

Helga Guðrún með fína fyrirgjöf frá hægri inn á teig Þróttar sem Abigail og Guðrún Karitas eru báðar hársbreidd frá því að ná til.

Caroline með fyrirgjöf frá vinstri sem AD1 metur að hafi farið af Fylkiskonu og afturfyrir.

Virkaði samt ansi óviss og var lengi að ákveða sig.

Tekið lágt inn á teiginn en heimakonum tekst ekki að koma boltanum á markið.

Markspyrna.

Eva Rut Ásþórsdóttir með hörkuskot sem að smellur í slánni áður en Mollee handsamar boltann.

Heldur betur að lifna yfir þessu.

Góð sókn upp hægri vænginn endar með fyrirgjöf í gegnum teiginn yfir á fjærstöng þar sem að Abigail Boyan er mætt í hlaupið. Hún er fyrst á boltann en skot hennar af varnarmanni og afturfyrir.

Sierra í hörkufæri fyrir Þ?ótt eftor jra'a sókn. Kemst innfyrir vörn Fylkis en nær ekki nægjanlega góðu skoti til þess að koma boltanum framhjá Tinnu í marki Fylkis sem var mætt vel út á móti.

Gestirnir hadið boltanum betur þessar örfáu fyrstu mínútur en ekki skapað sér neitt ennþá.

Það eru gestirnir úr Laugardal sem að hefja þennan leik.

Risa hrós á Fylki fyrir umgjörðina sem er boðið upp í dag. Skrúðganga á völlinn þar sem mikið var sungið af ungum aðdáendum Fylkis. Trúbador í stúkunni sem heldur uppi stuðinu fyrir leik og varningur og veitingar af ýmsum toga til sölu.
Hvet alla til að skella sér á Wurthvöllin og upplifa þessa frábæru umgjörð.

Aðalbjörn Heiðar Þorsteinsson heldur um flautuna í dag. Honum til aðstoðar eru þeir Magnús Garðarsson og Ronnarong Wongmahadthai.

Varadómari er Tomasz Piotr Zietal og eftirlitsmaður KSÍ Ólafur Ingi Guðmundsson.

Helena Ólafsdóttir spáir í fyrstu umferðina hér á Fótbolta.net. Helena stýrir Bestu mörkunum á Stöð 2 Sport í sumar þar sem fjallað er um Bestu deild kvenna af mikilli snilld.

Fylkir 1 - 1 Þróttur R.
Athyglisverður leikur hér á ferð sem mér finnst erfitt að spá fyrir um. Ég held að verði stemning í Lautinni en hér mætast nýliðar og svo lið sem hefur tekið miklum breytingum. Báðir þjálfarar kunna þennan leik upp á tíu og ég held að þeir muni leggja mikið upp úr skipulögðum varnarleik. Leikurinn verður lokaður en Þróttur mun setja mark í fyrri en heimakonur jafna í þeim síðari.

Fylkir er komið aftur upp í deild þeirra bestu en sérfræðingarnir spá því að Árbæjarliðið fari beint aftur niður og endi í 9.sæti deildarinnar þetta sumarið.

Sumarið 2021 var ekki gott fyrir Fylki. Þær féllu úr Bestu deildinni og enduðu í neðsta sæti. Í kjölfarið hófst mikil uppbygging. Margir lykilleikmenn fóru og það þurftu aðrir leikmenn að stíga upp. Þetta gekk hægt til að byrja með en á síðustu tveimur árum hefur myndast sterk liðsheild í Árbænum. Það er umtalað hvað liðsheildin er sterk og hvað stemningin klefanum er góð. Fylkir fór upp í fyrra eftir skemmtilegan lokaleik gegn Gróttu á Seltjarnarnesi og það verður spennandi að sjá Árbæjarfélagið í efstu deild að nýju í sumar.

Gunnar Magnús Jónsson sá um að koma Fylki aftur upp í efstu deild. Það var sniðugt hjá Fylki að sækja hann, mann sem er með reynslu í því að koma liði upp úr næst efstu deild. Ef spá okkar rætist um að Fylkiskonur verði að berjast í bökkum í neðri hluta deildarinnar þá er heldur betur styrkur í því að hafa mann með svarta beltið í þeirri baráttu í brúnni. Gunnar Magnús hefur sýnt það og sannað að hann fer ekkert á taugum þó að hann sé í botnbaráttunni. Hann hefur oftar en ekki náð að stýra sínu liði í örugga höfn þrátt fyrir efasemdaraddir.

Fylkiskonur voru duglegar að skora mörk í fyrra og hafa haldið uppteknum hætti þar á undirbúningstímabilinu. Það er mikill styrkleiki og einnig að markaskorunin hefur verið að dreifast aðeins á milli leikmanna. Þær geta því reitt sig á fleiri en einn leikmann til að skora mörk fyrir liðið.


Komnar:
Abigail Boyan frá Danmörku
Amelía Rún Fjelsted frá Keflavík
Emma Sól Aradóttir frá HK (á láni)
Kayla Bruster frá Bandaríkjunum

Farnar:

Sérfræðingar Fótbolta.net spá því að Þróttur Reykjavík muni enda í sjötta sæti Bestu deildar kvenna í sumar. Álitsgjafar spá í deildina en þeir röðuðu liðunum upp í röð og það lið sem er í efsta sæti fær tíu stig, annað sæti níu og svo koll af kolli niður í tíunda sæti sem gefur eitt stig. Ef spáin rætist þá verða Þróttarar síðasta liðið í efri hluta deildarinnar eftir skiptingu.

Breytingar í brúnni
Prófessorinn Ólafur Kristjánsson er mættur í Laugardalinn og tekinn við Þrótti. Hann tekur við starfinu af Nik Chamberlain sem var ráðinn þjálfari Breiðabliks, en Nik hafði starfað sem þjálfari Þróttar frá 2016. Það er örugglega óhætt að segja að einn af mestu styrkleikum Þróttar liðsins í ár liggi í þjálfaranum, Ólafi Kristjánssyni. Óli er einfaldlega einn af okkar allra fremstu og reynslumestu þjálfurum og það verður ótrúlega spennandi að fylgjast með honum taka sín fyrstu skref í meistaraflokki kvenna.

Þó svo að liðið sé kannski meira spurningarmerki en undanfarin ár, þá liggja styrkleikar Þróttar á þekktum slóðum, það er í skipulögðum leik, bæði sóknar- og varnarlega. Margir leikmenn hafa spilað lengi saman þó vissulega hafi kvarnast töluvert úr liði síðasta árs.




Komnar:
Sigríður Theód. Guðmundsdóttir frá Val
Kristrún Rut Antonsdóttir frá Selfossi
Íris Una Þórðardóttir frá Selfossi
Leah Maryann Pais frá Kanada
Mollee Swift frá Bandaríkjunum
Caroline Murray frá Danmörku

Farnar:
Elísabet Freyja Þorvaldsdóttir til Spánar
Íris Dögg Gunnarsdóttir í Val
Katla Tryggvadóttir til Svíþjóðar
Katie Cousins í Val
Ólöf Sigríður Kristinsdóttir til Breiðabliks
Tanya Laryssa Boychuk til Svíþjóðar
Margrét Edda Lian Bjarnadóttir til Gróttu
Ragnheiður Ríkharðsdóttir í KR

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Fylkis og Þróttar í fyrstu umferð Bestu deildarinnar en flautað verður til leiks á Wurthvellinum klukkan 19:15