SKÝRSLAN: Jörgen allt í öllu í dramatísku jafntefli
Hvað réði úrslitum?
Þórsarar voru mun meira með boltann og komu sér í góðar stöður en nýttu þær illa, Siggi Höskulds talaði um mögulegt einbeitingarleysi í viðtali eftir leik. Þórsarar stýrðu nánast öllum leiknum en Þróttarar gáfust aldrei upp og uppskáru heldur betur.
Bestu leikmenn
1. Hlynur Þórhallsson
Hlynur var mjög flottur í hjarta varnarinnar hjá Þrótti. Hlynur fæddur árið 2005 en það var ekki að sjá í leiknum.
2. Birkir Heimisson
Birkir var góður á miðjunni í dag. Hann stýrði spili Þórsara sem voru mun meira með boltann.
Atvikið
Mark Jörgens í uppbótartíma, það elska allir dramatík og hún var heldur betur til staðar þarna.
Hvað þýða úrslitin?
Bæði lið fara með eitt stig úr fyrstu umferð Lengjudeildarinnar.
Vondur dagur
Viktor Andri Hafþórsson framherji Þróttara gerði lítið fyrir liðið í dag. Hann fékk gult spjald fyrir tuð eftir vítaspyrnudóminn og var á tæpasta vaði er hann braut á Þórsara á gulu spjaldi. Viktor var tekinn af velli í hálfleik.
Dómarinn - 5
Vítaspyrnudómurinn er stærsti umræðupunkturinn eftir leik. Boltinn fer greinilega í hendina á Jorgen sem var með hendina í jörðinni. Sigurvin Ólafs sagði í viðtali eftir leik að hann væri ósammála dómnum vegna þess að hendin var í jörðinni. Fyrst fannst mér þetta vera pjúra víti en eftir að hafa horft á þetta aftur og aftur er ég ekki jafn sannfærður, dómur sem hefði getað dottið á báða vegu. En fyrir utan vítaspyrnudóminn átti tríóið fínasta leik að mínu mati.