SKÝRSLAN: Leikur sem litaðist af óhugnanlegu atviki
Hvað réði úrslitum?
Þetta var teiganna á milli í fyrri og skemmtilegt áhorfs. FH vildi kaos en Breiðablik vildi meiri ró. Breiðablik fékk sínu framgengt en það fyrsta markið breytti leiknum mikið. Það var klaufalegt af hálfu FH-inga en Blikarnir tóku stjórnina svolítið eftir það mark.
Bestu leikmenn
1. Vigdís Lilja Kristjánsdóttir (Breiðablik)
Er að byrja mótið frábærlega, en hún kom að öllum mörkum Breiðabliks í dag. Búin að skora fimm mörk í þremur leikjum, en ef hún heldur svona áfram þá fer hún að gera tilkall í landsliðið.
2. Elín Helena Karlsdóttir (Breiðablik)
Kom inn í varnarlínu Blika og var mjög sterk við hlið Ástu í hjartanu. Flottar tæklingar og góðar staðsetningar.
Atvikið
Það er ekkert hægt að ræða um þennan leik án þess að nefna það sem gerist í leikinn þegar Andrea Marý, leikmaður FH, leggst í jörðina vegna hjartvandamála. Þetta var ótrúlega óhugnalegt atvik og þarna fer öll athyglin af fótboltanum. Ég vona bara svo innilega að það sé allt í lagi með hana og sendi henni hlýja strauma.
Hvað þýða úrslitin?
Breiðablik er á toppnum með fullt hús stiga eftir þrjá leiki. Níu mörk og engin fengin á sig, þetta gæti ekki verið betra fyrir Blika þessa stundina og þær eiga hrós skilið fyrir sína byrjun. Elska að vinna 3-0. FH er með þrjú stig en liðið hefur tapað síðustu tveimur leikjum sínum samanlagt 7-0. Ekki gott og margt sem þarf að laga þar.
Vondur dagur
Aldís Guðlaugsdóttir kom inn í mark FH og var alls ekki sannfærandi: Getur mun betur en það sem hún sýndi. Þá var Breukelen Woodard ekki að finna sig fyrir framan markið.
Dómarinn - 5
Nokkrar skrítnar ákvarðanir og hún hefði getað gefið fleiri spjöld. Átti að gera það. Ekkert svo sem erfiður leikur að dæma samt.