Byrjunarliðin eru komin Stjarnan vann úti nauman 1-0 sigur á Fylki í síðustu umferð og frá þeim leik gerir Jökull Elísabetarson þjálfari Stjörnunnar eina breytingu. Það er Helgi Fróði Ingason sem er ekki í hóp í dag en Guðmundur Baldvin Nökkvason kemur inn í byrjunarliðið fyrir hann.

ÍA tapaði fyrir FH 2-1 á heimavelli í síðustu umferð og fá þeim leik gerir Jón Þór Hauksson þjálfari ÍA 2 breytingar sem hann er tilneyddur í. Oliver Stefánsson er í banni eftir að hafa fengið rautt spjald í síðustu umferð, og þá er Hlynur Sævar Jónsson ekki í hóp þar sem hann fór útaf meiddur í síðasta leik. Guðfinnur Þór Leósson og Árni Salvar Heimisson koma inn í liðið fyrir þá.

Sandra María spáir í leikinn Landsliðskonan og leikmaður Fór/KA Sandra María Jessen spáir í leikinn fyrir okkur í dag.

Stjarnan 1-0 ÍA
Stjarnan þarf sigur í þessum leik ef þeir ætla eiga raunhæfa möguleika á að vera í toppbaráttunni. Þetta hefur verið erfið byrjun og mörkin látið á sér standa en ég held að þeir sigli heim þremur stigum gegn skagamönnum. Það verður Emil Atla sem skorar markið mikilvæga og þar með opnar markareikninginn sinn í sumar.

Dómari leiksins Elías Ingi Árnason verður dómari þessa leiks og honum til aðstoðar verða Þórður Arnar Árnason og Hreinn Magnússon.

Eftirlitsmaður er Jón Magnús Guðjónsson og varadómari er Gunnar Freyr Róbertsson.

Innbyrðis viðureignir Í síðustu 10 leikjum sem þessi lið hafa mæst í efstu deild þá hefur ÍA unnið einu sinni, liðin hafa skilið jöfn fjórum sinnum og Stjarnan unnið fimm sinnum. Markatalan í lekjunum eru 11 mörk fyrir ÍA og 21 mark fyrir Stjörnuna sem gerir 3,2 mörk að meðaltali á leik.

17.07.22 ÍA - Stjarnan 0-3
19.04.22 Stjarnan - ÍA 2-2
04.08.21 Stjarnan - ÍA 4-0
17.05.21 ÍA - Stjarnan 0-0
23.07.20 ÍA - Stjarnan 1-2
18.08.19 Stjarnan - ÍA 3-1
26.05.19 ÍA - Stjarnan 2-0
17.09.17 ÍA - Stjarnan 2-2
24.06.17 Stjarnan - ÍA 2-2
19.09.16 Stjarnan - ÍA 3-1

Skagamenn betri gegn 10 mönnum Tímabilið hjá ÍA hefur byrjað ansi skrautlega. Þeir eru með 6 stig eftir fyrstu fjóra leikina líkt og andstæðingar sínir í dag. Hinsvegar hafa öll þeirra stig komið á móti andstæðing sem missti mann af velli í fyrri hálfleik. Þeir töpuðu 2-1 gegn FH í síðustu umferð á sínum tímabundna heimavelli í Akraneshöllinni.

Það hefur nú yfirlett verið mörk hinsvegar í leikjum þeirra í sumar þar sem 15 mörk hafa verið skoruð í fyrstu fjórum leikjunum þeirra. Viktor Jónsson hefur skorað 5 af þeim mörkum og er markahæstur í deildinni.

Stjörnumenn sakna sinna stjarna Stjörnu liðið hafa verið ákveðið vonbrigði hingað til á þessu tímabili. Flestir spáðu þeim ofarlega í töflunni eftir gott gengi á síðustu tímabili, og góðar frammistöður frá ungum leikmönnum og eldri stjörnum. Liðið er þó búið að vinna síðustu tvo leiki sína, 1-0 á móti Val þar sem Valsarar misstu mann af velli í fyrri hálfleik og 1-0 gegn Fylki þar sem liðin voru jöfn lengi vel en Stjarnan skoraði dramatískt mark á 93. mínútu.

Stjarnan hefur alls bara skorað 3 mörk í deildinni og fengið á sig 5. Emil Atlason markahæsti leikmaður liðsins á síðasta tímabili hefur ekki enn fundið skotskóna á tímabilinu og ungu leikmennirnir hafa ekki fengið eins margar mínútur eins og flestir bjuggust við. Líkast til skærasta Stjarnan hingað til hefur verið Helgi Fróði Ingason sem hefur byrjað tímabilið virkilega vel.

Velkomin í galdrana í Garðabænum Komiði sæl og verið velkomin í beina textalýsingu frá leik Stjörnunnar og ÍA í 5. umferð Bestu deildar karla.

Leikurinn verður spilaður á Samsungvellinum í Garðabæ og hefst klukkan 17:00