Liðin skilja jöfn!

Viðtöl og skýrsla birtast seinna í kvöld.

Örvar Eggerts með skalla í jörðina og Ólafur Íshólm grípur.

Stjarnan að fá horn og svo annað.

Skildi vera sigurmark í þessu?

Fáum +5 á klukkuna.

Ætli það sé sigurmark í kortunum? Bæði lið að sækja og þetta er endana á milli.

Kyle McLagan með geðveika tæklingu í þann mund sem Örvar Eggerts var að fara láta vaða á markið!

Frammarar eru að banka hressilega á dyrnar!

Náðu að veiða Árna Snær úr markinu og sending fyrir markið sem VIktor Bjarki skallar en dettur ofan á þaknetið!

Smá hiti í þessu.

Tryggvi Snær að spila hættulegan leik með að kítast í Örvari Loga. Sýndist Rúnar strax gefa bendingu á bekkinn einhvern að gera sig kláran svo hann er myndi ég giska á að fara kippa Trygga Snær útaf áður en hann verður sendur útaf.

Kyle McLagan með eina alvöru tæklingu á Óla Val en fór á undan í boltann að mati dómara svo ekkert dæmt.

Boltinn hrekkur til Gumma Magg sem nær að koma lausu skoti að marki.

Stjörnumenn þjarma að Fram en þetta er ekki að detta fyrir þá.

Helgi Fróði með fyrirgjöf sem Emil Atla skalla yfir markið! Munaði ekki miklu! Ég held að Ólafur Íshólm hefði varið þetta og er eiginlega viss um það en markspyrna var niðurstaðan.

Stjarnan næstum búnir að svara þessu strax!

Guðmundur Baldvin með skot sem Ólafur Íshólm ver og Fram bjargar í horn. Frammarar svo í töluverðu basli með að verjast þessum hornum.

Örvar Eggerts í flottu skotfæri en Ólafur Íshólm ver vel.

Stjörnumenn vilja fá vítaspyrnu!

Óli Valur og Kyle McLagan í spretthlaupi og Kyle rennir sér á boltann en tekur Óla Val lika niður. Arnar Þór dómari gefur bendingu um boltann.

Fram sækir hratt og misskilningur milli Haraldar Einars og Gumma Magg. Boltinn kom í svæði þegar Gummi tók hlaupið í átt að Haraldi.

Stjarnan í flottri sóknarlotu en full ragir við að skjóta.

Tryggvi Snær með flottan bolta fyrir markið en Guðmundur Magnússon rétt missir af honum.

Fínasti bolti á bakvið vörn Frammara á Óla Val en hann nær ekki að koma sér í færi.

Við erum farin af stað aftur!

Stjarnan leiðir hérna sanngjarnt í hálfleik. Ekki verið leikur mikilla tíðinda en vonandi eru liðin að spara flugeldasýninguna fyrir seinni hálfleikinn.

+3
Guðmundur Magnússon vinnur boltann af aftasta varnarmanni og reynir skot rétt fyrir framan miðju á meðan Árni Snær er mjög framarlega en skotið framhjá.

Uppbótartíminn í fyrri hálfleik er 5 mínútur.

Haraldur Einar með mikið pláss og á fyrirgjöf/skot sem fer beint á Árna Snær.

Árni Snær leggst núna og heldur aftan um lærið. Sjúkraþjálfari Stjörnunnar í yfirvinnu.

Árni Snær er staðin upp og heldur leik áfram.

Örvar Eggerts er að gera sig kláran á hliðarlínunni svo ég held að Andri Adolphsson sé að ljúka leik.

Andri Adolphsson leggst í grasið og fær aðhlyningu. Gat ekki séð neitt contact við hann svo það boðar aldrei gott.

Kyle McLagan með skallan rétt framhjá markinu! Árni Snær stóð hreyfingarlaus á línunni og horfði á eftir boltanum sigla rétt framhjá stönginni.

Spurning hvort þetta mark hleypi ekki smá lífi og fjöri í þennan leik.

Guðmundur Baldvin í hörku færi og á skot beint á Ólaf Íshólm. Stjarnan nálægt því að koma marki í leikinn!

Þetta verður seint talin mjög opinn leikur.

Fred reynir að komast í skotfæri en þéttur múr Stjörnumanna hleypir honum ekki í skotið.

Það besta við þennan leik til þessa er Silfurskeiðin. Þeir syngja og tralla.

Stjörnumenn reyna finna glufur á þéttri vörn Frammara.

Fram reynir að sækja hratt í bakið á Stjörnumönnum en hvorug liðunum hefur enn sem komið er náð að ógna að einhverju viti.

Stjörnumenn með öll völd þessar fyrstu mínútur.

Róbert Frosti með skot sem Ólafur Íshólm slær frá.

Spyrnan fín frá Jóhanni Árna og boltinn dettur fyrir Andra Adolphs sem á skot í varnarmann og Fram hreinsar.

Stjörnumenn vinna horn.

Emil Atla sparkar okkur af stað.

Ég er með heimildir fyrir því að ef Guðmundur Magnússon setur hann í kvöld muni hann henda í Viktor Gyökeres fagnið.

Stjarnan gerir eina breytingu á sínu liði frá síðasta leik. Hilmar Árni Halldórsson kemur inn fyrir Örvar Eggertsson.

Fram gerir tvær breytingar á sínu liði. Kennie Chopart og Már Ægisson koma inn fyrir Adam Örn Arnarson og Alex Freyr Elísson. Alex er í leikbanni í dag.

Finnur Freyr Stefánsson, þjálfari Vals í körfubolta, er spámaður umferðarinnar.

Stjarnan 1 -1 Fram
Gott gengi Fram heldur áfram og þeir sækja sterkt stig á erfiðum útivelli. Kemur ekkert á óvart með Rúna í brúnni. Tveir flottir KR þjalfarar að mætast, ansi margir deildinni í ár.

Liðin hafa spilað 26 leiki í efstu deild KSÍ samkv. vefsíðu KSÍ.

Stjarnan hefur 11 sinnum (42%) hrósað sigri.
Fram hafa 10 sinnum (38%) hrósað sigri.
Liðin hafa skilið jöfn fimm sinnum (19%) .

Markatala liðana er Stjarnan 50-41 Fram.

Arnar Þór Stefánsson heldur utan um flautuna hér í kvöld og honum til aðstoðar verða Kristján Már Ólafs og Eysteinn Hrafnkelsson.
Elías Ingi Árnason er varadómarinn í kvöld og Viðar Helgason er eftirlitsdómari.

Stjarnan byrjaði mótið heldur illa og tapaði fyrstu tveim leikjum sínum gegn Víkingi og KR. Síðan þá hefur liðið unnið síðustu þrjá leiki sína gegn Val, Fylki og núna síðast ÍA. Stjarnan sitja í 5.sæti deildarinnar með 9 stig eftir fyrstu fimm leikina.

Stjarnan hafði ekki verið að skora mikið í upphafi móts en settu svo fjögur í síðasta leik gegn ÍA og hafa skorað sjö mörk og fengið á sig sex.

Fram hefur farið frábærlega af stað í deildinni á þessu tímabili undir stjórn Rúnars Kristinssonar. Frammarar sitja í 3.sæti deildarinnar með þrjá sigra, eitt jafntefli og eitt tap sem gera 10 stig í fyrstu fimm leikjum liðsins.

Fram hefur ekki verið að skora mörg mörk en varnarlega hafa þeir verið stórkostlegir. Fram hefur skorað sex mörk í upphafi móts en aðeins fengið á sig þrjú.

Besta deild karla hefur farið fjörlega af stað og eftir fimm umferðir er ekkert lið taplaust eða stungið af eins og hefur verið lenskan síðustu tvö tímabil.

Við skulum sjá hvernig taflan lítur út og hvernig síðasta umferð spilaðist:

1. Víkingur R. - 12 stig
2. FH - 12 stig
3. Fram - 10 stig
4. Breiðablik - 9 stig
5. Stjarnan - 9 stig
6. Valur - 8 stig
7. KR - 7 stig
8. ÍA - 6 stig
9. Vestri - 6 stig
10. HK - 4 stig
11. KA - 2 stig
12. Fylkir - 1 stig

5.Umferðin

FH 3-2 Vestri
KA 1-1 KR
Stjarnan 4-1 ÍA
Fram 2-1 Fylkir
HK 3-1 Víkingur R.
Breiðablik 2-3 Valur

Verið hjartanlega velkomin til leiks á Samsungvöllinn í Garðabæ þar sem Stjaranan tekur á móti Fram í 6.umferð Bestu deildar karla.