SKÝRSLAN: Gefins víti og leikur tveggja hálfleika
Hvað réði úrslitum?
KR-ingarnir tóku 2-0 forystu inn í hálfleikinn sem var stórt en þeir voru miklu betri í fyrri hálfleiknum. Það var hins vegar allt önnur saga í seinni hálfleik því FH-ingarnir áttu seinni hálfleikinn og magnað að þeir hafi ekki tekið neitt úr þessum leik.
Bestu leikmenn
1. Luke Rae, KR
Eini jákvæði punktur KR í þessum seinni hálfleik. Var líka mjög góður í þeim fyrri. Allir leikmenn KR voru alls ekki góðir í seinni hálfleik en Luke var eins og ég segi þeirra besti maður í þessum seinni hálfleik. Mjög erfitt val samt.
2. Kjartan Kári Halldórsson, FH
Var allt í öllu í sóknarleik FH og var á öllum þessum föstu leikatriðum sem sköpuðu mikla hættu. Leggur líka upp fyrsta mark FH og var bara fáranlega góður fannst mér. Menn mega svo bara vera ósammála en hann var án efa besti maður FH í dag fannst mér.
Atvikið
Klárlega vítaspyrnudómurinn í fyrsta marki KR. Mjög svo umdeildur og áhugaverður dómur vægast sagt. Margir FH-ingar allt annað en sáttir. Sindri kemur út í teiginn og ætlar að taka boltann en Helgi Mikael metur sem svo að hann hafi farið í bakið á Finni Tómasi. Snertingin var hins vegar lítil sem engin og þar að leiðandi kolrangur dómur að mínu mati.
Hvað þýða úrslitin?
KR-ingar fara upp í 6. sætið á markatölu eftir sigurinn en FH-liðið er áfram í 3. sæti í kvöld.
Vondur dagur
Langar bara að gefa Helga Mikael þetta. Gefur KR vítaspyrnu í stöðunni 0-0. Svona ákvörðun getur reynst rándýr í svona leikjum.
Dómarinn - 5
Heilt yfir var þetta ekkert mjög illa dæmdur leikur en ég var ósammála mörgum litlum brotum á miðjum vellinum. Síðan var það þessi vítaspyrnudómur sem stendur upp úr. Kolrangur dómur.