Þá ganga liðin til vallar. Styttist óðum í þetta.

Skemmtileg mynd. Tekin árið 2005 í Vesturbænum. Annars eru liðin við það að fara að ganga hér inn á.

Aron Sig byrjar! Heimir Guðjónsson, þjálfari FH, gerir engar breytingar á FH liðinu frá tapinu gegn Víkingum á dögunum. Eina breytingin á hópnum er að markmaðurinn ungi Heiðar Máni Hermannson fer á bekkinn fyrir fyrir Daða Frey Arnarsson.

KR tapaði gegn Stjörnunni í Mjólkurbikarnum í vikunni. Þeir gera þrjár breytingar á liðinu sínu í dag frá þeim leik. Benoný Breki, Aron Sigurðarson og Lúkas Magni Magnason koma inn í liðið fyrir þá Kristján Flóka Finnbogason, Aron Kristófer Lárusson og Rúrik Gunnarsson.

Axel Óskar með í dag? Axel Óskar fór meiddur af velli í bikarleiknum gegn Stjörnunni á dögunum. Gregg talaði við fótbolta.net eftir Stjörnuleikinn en þar sagði hann að Axel ætti að vera orðinn heill fyrir leikinn í dag. Síðan er spurning hvort Aron Sig og Benoný Breki byrja en þeir byrjuðu á bekknum gegn Stjörnunni. Þegar þeir komu inn á breyttu þeir leiknum.

Bikarmeistari spáir í spilin Skagamaðurinn Stefán Teitur Þórðarson, sem varð bikarmeistari með Silkeborg í Danmörku á dögunum, er spámaður umferðarinnar. Svona spáir hann El Grasico:

FH 1 - 1 KR (í dag 17:00)
Eina sem eg veit þarna er að Wohlerinn setur hann eftir gott kalt kar.

El Grasico!

El Grasico á eftir!
2004 liðið fær gullmerki FH fyrir leik. Mætum snemma.
Miðasala hér: https://t.co/rZ5A4IVMoJ#ViðErumFH pic.twitter.com/8vhrVQ7TCN

— FHingar (@fhingar) May 20, 2024

Það verður stemning fyrir leik

Teymið Dómari leiksins er enginn annar en Helgi Mikael Jónasson. Honum til aðstoðar eru þeir Egill Guðvarður Guðlaugsson og Eðvarð Eðvarðsson. Gunnar Freyr Róbertsson er skiltadómari en Gunnar Jarl Jónsson er þá eftirlitsmaður KSÍ.

Kaldir KR-ingar Eftir stórglæsilega byrjun á leiktíðinni hafa KR-ingar aðeins fallað undir fæti eru núna sigurlausir í 5 leikjum í deild og bikar. Liðið tapaði fyrir Stjörnunni 5-3 á dögunum í bikarnum í ótrúlegum leik þar sem KR-liðið átti alls ekki góðan leik. Fyrir það töpuðu þeir gegn HK og fyrir það gerðu þeir jafntefli við KA. Hræðileg úrslit og ef þeir ætla sér einhverja hluti í sumar verða þeir að taka þrjú stig í dag. Annars er þetta farið að líta bísna illa út hjá Gregg Ryder og hans mönnum.

FH-ingar byrjað vel Það verður ekki tekið af FH-ingum að þeir hafa byrjað leiktíðina fantavel. Hafnarfjarðarliðið situr í 3. sæti á eftir Breiðablik og Víkingum en þau lið eru einu liðin sem hafa tekist að vinna FH í ár. Það verður að hrósa Heimi Guðjóns fyrir þessa byrjun á mótinu með þetta FH-lið. Núna er bara spurningin hvort þeir ná að halda þessu áfram.


Fá mörk, mörg stig
FH er búið að skora 10 mörk í 6 leikjum í deildinni sem er ekki mikið miðað við Víking og Breiðablik sem þeir eru að keppa við. Sigurður Bjartur Hallsson er markahæsti leikmaður FH í sumar með þrjú mörk en þar á eftir fylgir Kjartan Kári með tvö. Sigurður Bjartur er einmitt að mæta sínum gömlu félögum í dag. Verður hann extra gíraður við það?

Sú lang Besta! Verið hjartanlega velkomin í þessa þráðbeinu textalýsingu frá leik FH og KR í Bestu deildinni á Kaplakrikavelli. Gamla El Classico í Íslenskum fótbolta.