Hann verður að skora þarna!

Langur bolti fram og Alex sprettur af stað upp hægri kantinn. Hann kemur svo með frábæran bolta fyrir teig og Viktor Bjarki í dauðafæri, en Árni með ótrúlega vörslu!

Þetta var lokaspark leiksins og einhvernegin voru bara 2 mörk í þessum leik. Tekk fyrir mig þetta var frábær skemmtun en viðtöl og skýrsla eru væntanleg seinna í kvöld!

Skagamenn í góðri sókn og boltinn fær að skoppa soldið inn á teignum. Steinar nær þá skallanum en hann er laus og beint á Ólaf.

Skagamenn með tvær fínar fyrirgjafir en Framarar ná að verjast vel.

Fred með góðan bolta fyrir á fjærstöngina sem Alex setur svo í fyrsta aftur fyrir markið. Oliver ætlar þá að skalla útaf en boltinn smellur í þverslánni og fer yfir markið.

Heppinn þarna.

Sending inn í teig Framara frá löngu færi og Ólafur ætlar að koma út í boltan. Hann misreiknar þetta síðan og lendir vel undir boltanum og er svo bara heppinn að boltinn endar útaf í markspyrnu.

Fred setur boltan stutt á Harald sem kemur svo með fyrirgjöfina en Skagamenn skalla frá.

Erik skallar fyrirgjöf útaf og Fram á horn.

Hornspyrna hjá Skaganum og Viktor rýs hæst eftir fyrirgjöfina. Skallinn góður en sleikir slánna og yfir markið.

Það hlýtur að fara koma mark eftir öll þessi færi.

Magnús er kominn inn í teig og herjar að markinu, hann tekur svo góða gabbhreyfingu áður en hann tekur skotið en það fer í varnarmann. Boltinn dettur svo á Fred sem lúrir á fjær en hann nær ekki að koma nægilega góðri snertingu á boltan og skotið hans framhjá.

Ingi með góða fyrirgjöf á fjærstöngina en Viktor þarf aðeins að teygja sig til að ná skallanum. Hann verður því frekar laus og Ólafur getur gripið boltan.

Skagamenn með aukaspyrnu á fínum stað. Vall tekur skotið en það flýgur hátt yfir.

Brotið á Vardic en Sigurður virðist ætla að sleppa því. Fram skýst þá í sókn en þá stoppar Sigurður á endanum leikinn og dæmir aukaspyrnu. Stúkan langt frá því að vera sátt, en þetta er held ég hárrétt dæmt.

Langur bolti fram og Magnús setur boltan í fyrsta fyrir markið á Gumma Magg sem er einn gegn markmanni, en hann skýtur beint í hann. Fram heldur svo sókninni áfram og Haraldur er kominn inn í teig í góða stöðu en fyrirgjöfin hans strýkur slánna og fer svo framhjá öllum.

Skagamenn sækja hratt og Vall er kominn upp vinstri kantinn, hann reynir þá fyrirgjöf eða skot hver veit. Boltinn allavega smellur í nærstönginni og þeytist yfir teiginn. ÍA nær ekki að gera sér meiri mat úr þessu og Sigurður flautar til hálfleiks.

Nóg um að vera í þessum hálfleik, mikið fram og til baka og færi á báða bóga. Hressilega skemmtun og við biðjum bara um meira af þessu plús mörk í seinni hálfleik.

+2

Vardic gefur einfaldlega boltan á Gumma Magg sem leikur á Oliver áður en hann gefur boltan á Tryggva. Tryggvi gefur boltan svo aftur á Gumma sem er í frábæru færi en skotið framhjá.

Uppbótartíminn er 2 mínútur.

Fast skot af löngu færi frá Má. Boltinn fer framhjá en þetta var alls ekki galið.

Hann hefur svo eitthvað sparkað í Rúnar í leiðinni sem liggur eftir.

Góð fyrirgjöf hjá Fram á fjærstöngina þar sem Magnús tekur skotið, eða hvað? Þetta var mjög fínt færi en skotið hjá Magnúsi endar á að fara nær hornfánanum en markinu.

Framarar vilja víti! Tryggvi fellur inn í teig og hendur fara á loft. Ég sá hinsvegar ekkert í þessu og held að þetta sé hárrétt hjá Sigurði.

Langur bolti fram á Hinrik sem er frekar einn. Hann heldur samt mjög vel í boltan og Rúnar kemur á endanum í hlaupið. Hinrik setur hann þá á Rúnar sem tekur skotið viðstöðulaust í fjærhornið en góð varsla frá Ólafi!

Sama uppskrift og úr horni ÍA áðan. Vall setur boltan inn í teiginn og Vardic nær skalla í átt að marki, en Framarar komast fyrir. Eftir smá skallatennis inn í teig síðan, ná þeir að hreinsa.

Boltinn fer núna hratt teigana á milli. ÍA fær horn.

Framarar sækja hratt og Fred er kominn í fína stöðu úti á vinstri kant. Hann setur boltan inn í teiginn þar sem Gummi Magg nær skallanum en yfir markið.

Skagamenn með hornspyrnu og Johannes Vall setur boltan inn í teiginn. Marki Vardic rýs þá hæst og nær góðum skalla á markið en vel varið hjá Ólafi.

Boltinn kemur inn í teig en er skallaður frá. Skagamenn halda samt boltanum og hann berst til Olivers sem tekur skotið fyrir utan teiginn en yfir markið.

Fínt skotfæri fyrir Rúnar fyrir utan teig. Skotið hans fer hinsvegar í varnarmann og í hornspyrnu.

Fín fyrirgjöf frá Jóni inn á teig þar sem Hinrik nær skallanum, en erfitt færi og boltinn fer framhjá.

Boltinn kemur inn í teig úr horninu og Árni Marinó er í einhverju bölvuðu basli með þetta. Hann reynir að grípa en missir boltan og þá þarf Erik að vera fljótur að hugsa og hreinsar frá.

Sóknin er ekki búin því Framar fá boltan, þá keyrir Haraldur í átt að teignum óáreittur. Hann tekur svo skotið en þetta er nokkuð þægilegt fyrir Árna.

Fram fær hornspyrnu.

Framarar í fínni sókn. Spila vel á milli sín upp völlinn, og þá er Magnús með boltan rétt fyrir utan teig. Hann leggur boltan fyrir Tryggva sem tekur skotið en það siglir nokkuð vel framhjá.

Langur bolti fram hjá ÍA og allt í einu er Hinrik bara sloppinn í gegn. Hann keyrir inn á teiginn en hefur mögulega bara of mikinn tíma til að hugsa og bombar bara beint á Ólaf í markinu.

Arnór setur boltan aftur á nærstöngina og Rúnar nær skallanum en hann fer beint upp í loftið og Ólafur grípur boltan.

Arnór setur boltan á nærstöngina en boltinn skallaður útaf í annað horn.

Skagamenn vinna fyrsta horn leiksins.

Fram 3-5-2
Ólafur
Adam - Kyle - Þorri
Már - Tryggvi - Tiago - Fred - Haraldur
Guðmundur - Magnús

ÍA 3-4-3
Árni
Marko - Erik - Oliver
Jón - Arnór - Rúnar - Johannes
Steinar - Viktor - Hinrik

Sigurður flautar leikinn í gang og það eru Framarar sem taka upphafssparkið.

Rúnar Kristinsson þjálfari Fram gerir 5 breytingar á liði sínu, en þeir breyttu liði sínu töluvert þegar þeir mættu ÍH í bikarnum. Ólafur Íshólm Ólafsson, Þorri Stefán Þorbjörnsson, Tryggvi Snær Geirsson, Magnús Þórðarson og Tiago Fernandes koma allir inn í liðið en Stefán Þór Hannesson, Brynjar Gauti Guðjónsson, Breki Baldursson og Viktor Bjarki Daðason fá sér sæti á bekknum. Egill Otti Vilhjálmsson sem byrjaði þann leik er ekki í hóp.

Jón Þór Hauksson þjálfari ÍA gerir 2 breytingar á liði sínu. Rúnar Már Sigurjónsson og Marko Vardic koma inn í byrjunarliðið en Arnleifur Hjörleifsson og Ingi Þór Sigurðsson setjast á bekkinn.

Í útvarpsþættinum Fótbolti.net völdu sérfræðingar og fréttamenn þá bestu í Bestu deildinni hingað til, nú þegar sex umferðir eru búnar.

Baldvin Már Borgarsson og Sverrir Örn Einarsson eru sammála um að Kyle McLagan varnarmaður Fram sé besti leikmaður deildarinnar til þessa og að Rúnar Kristinsson þjálfari Fram sé besti þjálfarinn.

Þorri Stefán Þorbjörnsson í Fram var valinn besta ungstirnið hingað til af Sverri en Baldvin valdi Magnús Arnar Pétursson í HK.

   19.05.2024 09:45

Völdu þá bestu og mestu vonbrigðin í deildinni til þessa

Við tökum því á móti ÍA á Lambhagavellinum á morgun. Við vonumst til að sjá ykkur öll í bláu og hvetja drengina okkar til dáða gegn Skagamönnum.

????? Lambhagavöllurinn
????? 21. maí
???? 19.15
?? @FRAMknattspyrna ???? @Skagamenn
????? Miðasala á https://t.co/zPKzXP0s4b pic.twitter.com/N2w7EBHmXL

— Fram (@FRAMknattspyrna) May 20, 2024

Sigurður Hjörtur Þrastarson verður með flautuna í þessum leik en honum til aðstoðar verða Ragnar Þór Bender og Þórður Arnar Árnason.

Eftirlitsmaður er Jóhann Gunnar Guðmundsson og varadómari er Guðgeir Einarsson.

Skagamaðurinn Stefán Teitur Þórðarson, sem varð bikarmeistari með Silkeborg í Danmörku á dögunum, er spámaður umferðarinnar.
Fram 1 - 3 ÍA
Skaginn munu halda afram að skemmta fólki. Steinar málar liklegast leikinn með þremur stoðsendingum. Og Oliver Stefáns skorar mjög óvænt.

Saga ÍA hingað til í sumar hefur verið næstum þveröfug við andstæðinga sína í kvöld. Skagamenn hafa unnið 3 leiki og tapað 3 leikjum, og sitja því í 8. sæti með 9 stig. Markatalan segir sína sögu þegar kemur að þeim en þeir hafa skorað heil 14 mörk í þessum 6 leikjum en einnig fengið á sig 9. Viktor Jónsson er markahæsti leikmaður deildarinnar með 6 mörk.

Framarar hafa farið virkilega vel af stað inn í mótið og eru í 5. sæti deildarinnar með 11 stig eftir 6 leiki. Sterkur varnarleikur hefur verið einkennismerki liðsins þar sem liðið hefur fengið fæst mörk á sig í deildinni, eða aðeins 4 mörk talsins, og aldrei meira en 1 í leik. Kyle Mclagan hefur fengið mikið lof fyrir sínar frammistöður, enda verið frábær í vörninni síðan hann kom aftur til félagsins.

Markaskorun hjá liðinu hefur hinsvegar ekki verið neitt sérstaklega glæsileg. Alls hefur liðið skorað 7 mörk hingað til og markahæstur hjá þeim er Guðmundur Magnússon með 2 mörk.

Kyle Mclagan
Guðmundur Magnússon

Komiði sæl og verið velkomin í beina textalýsingu frá leik Fram og ÍA í 7. umferð Bestu deildar karla.

Leikurinn hefst klukkan 19:15 og verður spilaður á Lambhagavellinum í Úlfarsárdal.