SKÝRSLAN: Markmanna skrípalæti í Egilshöllinni
Hvað réði úrslitum?
Eftir frekar jafnan fyrri hálfleik þar sem bæði lið höfðu fengið fín færi. Þá koma Fjölnismenn sterkari út í seinni hálfleikinn og eru fljótir að komast í 1-0. Það sem gerir svo út um leikinn eru agaleg mistök hjá Þórhalli Ísak markverði Þróttara sem reynir að leika á Axel Frey. Axel hirðir þá bara boltan af honum og setur boltan í opið markið. Það komu svo tvö önnur mörk en þetta 2-0 mark var það sem réði úrslitunum.
Bestu leikmenn
1. Axel Freyr Harðarson (Fjölnir)
Skorar mark þar sem hann var mjög áræðinn eins og ég lýsti hér fyrir ofan. Hann var svo mjög stór hluti af sóknarleik Fjölnis og kom sér í nokkur önnur færi þar sem hann hefði getað sett fleiri með smá heppni.
2. Guðmundur Karl Guðmundsson (Fjölnir)
Fyrirliðinn stóð fyrir sínu og það var oft erfitt fyrir Þróttara að komast framhjá honum. Markið sem hann skoraði var frekar laglegt líka og kom Fjölnismönnum á bragðið.
Atvikið
Þar sem ég er búinn að skrifa nóg um annað mark Fjölnis. Þá ætla ég að velja markið sem Þróttarar skora. Frekar meinlaust skot sem kemur vel fyrir utan teiginn. Halldór sem var búinn að vera mjög góður í leiknum ætlar þá að grípa boltan en missir einbeitinguna eða eitthhvað því boltinn lekur bara í gegnum hendurnar á honum og rúllar inn.
Hvað þýða úrslitin?
Fjölnismenn fara upp í 1. sæti og erum 10 stig. Öll önnur lið eiga þó eftir að spila í þessari umferð. Þróttarar eru enn í 11. sæti með 1 stig.
Vondur dagur
Þórhallur Ísak Guðmundsson markvörður Þróttara mun líkast til ekki sofa vel. Vond mistök í marki númer 2.
Dómarinn - 7
Bara ágætlega dæmdur leikur, ég held að vítadómurinn sé réttur. Eini stóri dómurinn sem ég var ósammála var þegar Þórhallur fær gult spjald, en hann er bara á undan í boltan þar. Annað sem ég var ósammála var bara smávægilegt. Heilt yfir fín frammistaða.