Ekki fjölmennt í stúkunni nokkrum mínútum fyrir leik en mun væntanlega fjölga hressilega svona fyrsta korterið á leiknum. Olgeir Sigurgeirsson aðstoðarþjálfari Fylkis er mættur í stúkuna góðu. Fylkismenn eiga leik gegn Víkingi seinna í dag en leika svo gegn Vestra í næstu umferð.

Kjartan Már yngstur á vellinum

Meðalaldur byrjunarliðs Vestra samkvæmt úrslit.net er 27 ár en meðalaldur Stjörnunnar er 24,6 ár. Elstir leikmanna á vellinum eru Silas Songani hjá Vestra og Guðmundur Kristjánsson hjá Stjörnunni (báðir fæddir 1989) en yngstur er hinn sautján ára gamli Kjartan Már Kjartansson (2006). Kjartan er að byrja sinn fyrsta Bestu deildarleik á tímabilinu.

Daniel Badu stýrir Vestra í dag
Það er Daniel Osafo-Badu aðstoðarþjálfari Vestra sem stýrir liðinu af hliðarlínunni í dag þar sem Davíð er í banni. Hann er fyrrum leikmaður liðsins en var ráðinn aðstoðarþjálfari eftir að Davíð Smári var ráðinn til félagsins.

Gleðilegan sjómannadag! Það er allt með rólegasta móti hér á AVIS vellinum og ekki margar vísbendingar um að hér sé að fara að hefjast leikur í Bestu deildinni eftir rúman hálftíma. Það er 8 gráðu hiti og 8 metrar á sekúndu. Blæs á annað markið. Það er væntanlega ryð í mörgum eftir kosningadaginn og ég er ekki að spá neinu áhorfendameti í dag.

Þróttarar eru stoltir af sínum fyrsta sigri í Lengjudeildinni á föstudaginn og á töflunni má enn sjá merki Þróttar og ÍR með tölunum 5-0.

Við notum tækifærið og óskum sjómönnum til hamingju með daginn, og einnig nýja forsetanum Höllu Tómasdóttur.

Byrjunarliðin eru komin inn Vestri gerir tvær breytingar frá jafnteflinu gegn KR. Toby King og Johannes Selvén koma inn fyrir Sergine Fall og Benedikt Warén. Benedikt er ekki í leikmannahópi Vestra í dag.

Hjá Stjörnunni kemur Guðmundur Kristjánsson aftur inn í liðið eftir að hafa afplánað leikbann. Kjartan Már Kjartansson og Haukur Örn Brink koma einnig inn í byrjunarliðið en Daníel Laxdal og Emil Atlason eru á bekknum. Örvar Logi Örvarsson er ekki í hóp.

Farið var yfir gang mála í Bestu deildinni í útvarpsþætti helgarinnar

   01.06.2024 14:27

Útvarpsþátturinn - Sérfræðingurinn Sævar Atli og fjármálaskýrsla

Ekki eins og að spila á Ísafirði
„Þetta hefur verið allt í lagi, ég hefði kannski verið til í örlítið fleiri stig. Frammistaðan hefur verið stígandi finnst mér. Við erum með tvo sigra og eitt jafntefli, áttum skilið meira út úr leiknum gegn FH sem dæmi, væri alveg til í örlítið fleiri stig á töfluna," sagði Pétur Bjarnason í viðtali í síðustu viku, spurður út í byrjun Vestra á tímabilinu.

„Hópurinn er mjög góður, stemningin mjög fín. Menn eru kannski orðnir smá þreyttir á því að spila bara útileiki. Það er kannski það eina sem er óeðlilegt við þetta. Heimavöllurinn fer að verða klár og menn eru spenntir fyrir framhaldinu."

Pétur var spurður út í komandi leik gegn Stjörnunni.

„Mér líst mjög vel á þann leik. Mér fannst við flottir í KR leiknum, sérstaklega í seinni hálfleik. Við náðum í stig og endirinn á þeim leik ætti að gefa okkur mikið inn í þennan leik. Við erum bara klárir."

Hvernig er að spila á AVIS vellinum?

„Það er mjög fínt. Þetta er samt eins og að spila útileik myndi ég segja, það er voðalega erfitt að breyta einhverjum velli í heimavöllinn okkar. Það er bara ekki það sama og að spila hérna á Ísafirði," sagði Pétur.

   28.05.2024 14:12

Ferðast 30 þúsund kílómetra það sem af er ári - „Svona getur farið með menn"

Hvaða útgáfu fáum við af Stjörnunni í dag?
Guðmundur Kristjánsson snýr aftur í Stjörnuliðið í dag eftir að hafa tekið út leikbann í 5-1 tapinu gegn Val síðasta fimmtudag. Hans var sárt saknað í þeim leik.

Stjörnuliðið hefur verið sveiflukennt á tímabilinu, áður en það fékk skellinn gegn Val skein það skært gegn KA í Garðabænum og vann 5-0 sigur.

Stjarnan er með fjóra sigra, fjögur töp og eitt jafntefli að loknum níu leikjum.

   30.05.2024 21:33

Jökull: Ansi margt sem ég hefði getað gert betur

Davíð Smári í stúkunni í dag
Davíð Smári Lamude, þjálfari Vestra, tekur út leikbann og verður því ekki á hliðarlínunni í dag Davíð hefur safnað fjórum gulum spjöldum og fer í bann vegna uppsafnaðra áminninga.

Vestri er með sjö stig í Bestu deildinni, liðið sýndi karakter með því að ná 2-2 jafntefli gegn KR í síðustu umferð eftir að hafa lent tveimur mörkum undir. Þar á undan tapaði liðið þremur leikjum í röð svo það fór í gegnum maímánuð án þess að vinna leik.

Twana flautar
Dómari leiksins er Twana Khalid Ahmed sem kom upphaflega hingað til lands sem flóttamaður frá Írak 2017. Hann hefur sýnt að hann er hörkugóður dómari og hóf að dæma í efstu deild karla á síðasta tímabili.

Gylfi Már Sigurðsson og Eðvarð Eðvarðsson eru aðstoðardómarar í leik dagsins. Arnar Ingi Ingvarsson er fjórði dómari og eftirlitsmaður er Halldór Breiðfjörð Jóhannsson.

Hver vegur að heiman er vegurinn heim Góðan og gleðilegan sunnudag. Níunda umferð Bestu deildarinnar heldur áfram og fyrsti leikur dagsins er viðureign Vestra og Stjörnunnar. Þetta er þriðji heimaleikur Vestra sem er spilaður hér á hinum ljómandi fína AVIS-velli í Laugardal, þar sem völlurinn á Ísafirði er enn ekki klár í slaginn.

Stefnt er að því að Vestri geti spilað sinn fyrsta heimaleik á Ísafirði gegn Val þann 22. júní. Ekki er búið að leggja gervigras á keppnisvöllinn og er það ástæðan fyrir því að ekki hefur verið hægt að spila fyrir vestan.


sunnudagur 2. júní
14:00 Vestri-Stjarnan (AVIS völlurinn)
17:00 Víkingur R.-Fylkir (Víkingsvöllur)
19:15 HK-Breiðablik (Kórinn)

mánudagur 3. júní
19:15 KR-Valur (Meistaravellir)