Heiðursgestir og baul! Heiðursgestir Vals í dag eru meistaraflokkar Vals í handbolta og meistaraflokkur karla í Val í körfubolta fyrir sinn magnaða árangur í vetur.

Vallarþulurinn segir alveg í byrjun "Eins og allir vita er Valur stærsta og sigursælasta lið landsins". Eftir það rísa allir Víkingar á fætur og baula og öskra "Víkingur Víkingur Víkingur!".

Hrikaleg stemning og læti hjá Víkingum allavegana!

Styttist Þá ganga liðin til vallar og gera sig klár í slaginn.

Fullt hús! Jæja þá er maður mættur á Hlíðarenda. Lagði nánast uppi í Breiðholti, það er svo stappað hérna. En stúkan er kjaftfull og það er búið að opna standandi stúkur fyrir aftan mörkin bæði.

Þetta verður veisla!

Byrjunarliðstíðindi! Það sem vekur athygli í Valsliðinu er að Gylfi Sig, Aron Jó og Kiddi Freyr byrja allir saman á miðsvæðinu. Orri Sigurður og Hólmar Örn byrja saman í miðvarðarparinu. Arnar Grétars gerir heilt yfir fjórar breytingar á Valsliðinu frá bikarleiknum gegn Keflavík í 8-liða úrslitunum á dögunum. Aron Jóhannsson, Gylfi Sig, Orri Sigurður og Hólmar Örn, fyrirliði liðsins, koma inn í liðið en þeir Bjarni Mark, Jakob Franz, Elfar Freyr og Guðmundur Andri fara úr liðinu. Guðmundur Andri og Jakob Franz taka sér sæti á bekknum en Bjarni og Elfar eru utan hóps.

Arnar Gunnlaugs gerir fimm breytingar á Víkingsliðinu frá bikarsigrinum gegn Fylki á dögunum. Ingvar Jónsson, Pablo Punyed, Ari Sigurpáls, Valdimar Þór og Nikolaj Hansen, fyrirliði liðsins, koma inn í liðið fyrir þá Pálma Rafn, Helga Guðjóns, Danijel Dejan Djuric, Matthías Vilhjálmsson og Karl Friðleif. Danijel Dejan Djuric er ekki hóp þar sem hann er að taka út leikbann fyrir að kasta brúsa í stuðningsmann Blika. Ingvar kemur aftur inn í liðið eftir meiðsli. Virkilega sterkt fyrir Víkinga að endurheimta Ingvar fyrir stórleik kvöldsins.

Talar um svindl Guðmundur Aðalsteinn Ásgeirsson ræddi við Arnar Grétarsson, þjálfara Vals, eftir blaðamannafund Vals á föstudag.

„Mér finnst stundum með fótboltann í dag, það er alltaf verið að tala um FIFA Fairplay; að spila og vera heiðarlegur hvernig þú vinnur. Mér finnst síðustu ár alltof mikið verið að reyna svindla, reynt að fá aukaspyrnur með leikaraskap. Þetta er orðinn stór partur í leiknum sem mér finnst leiðinlegur. Þetta þekktist ekki þegar ég var að spila; að vera með einhverja taktík að henda þér niður og öskra til þess að fá aukaspyrnur. Mér finnst þetta leiðinlegt við fótboltann, finnst þetta alltaf vera meira og meira, verið að spila á dómara og annað. Vonandi verður ekkert svoleiðis. Það er búið að vera mikið um vafaatriði, dóma, og dómarar verið í stórum hlutverkum. Ég vona að það verði ekki á þriðjudaginn, vona að þetta verði alvöru leikur og liðið sem er betra vinni, vona að það verði ekki vafaatriði sem muni skera úr um það. Það er bara leiðinlegt,"

Er Valur Arsenal Íslands?
Guðmundur Aðalsteinn Ásgeirsson ræddi við Arnar Gunnlaugsson, þjálfara Víkings, eftir blaðamannafund Vals á föstudag.

„Kannski er þetta stærsta leikurinn til þessa, það voru náttúrulega stórir leikir á móti Blikunum, tókum fjögur stig þar. Valsmenn er að koma inn í leikinn á virkilega góðu skriði, búnir að ná vopnum sínum aftur til baka, verið sterkir í deildinni og komnir í undanúrslit í bikar. Bæði lið eru að koma inn í þennan leik í toppformi. Ef við vinnum þá munar sjö stigum á liðunum sem er mjög sterkt, jafntefli væri engin hörmung fyrir liðin, en við munum gera allt sem við getum til að vinna þennan leik," sagði Arnar Gunnlaugsson.

Líkleg byrjunarlið Það sem er eitt helsta umræðuefnið hjá fólki fyrir kvöldið er hvernig munu Arnararnir stilla liðunum sínum upp fyrir stórleikinn. Fótbolti.net setur upp líkleg byrjunarlið liðanna í kvöld.

Líklegt byrjunarlið Vals:

Líklegt byrjunarlið Víkings:

Einnig dregið í Sambandsdeildinni Dregið var í 1. umferð forkeppni Sambandsdeildarinnar í dag. Drátturinn fór fram í Nyon í Sviss og voru Valur, Stjarnan og Breiðablik í pottinum.

Valur mætir albanska liðinu KF Vllaznia og fer fyrri leikurinn fram á N1 vellinum.

Meistaradeildardráttur í dag Dregið var í fyrstu umferð forkeppni Meistaradeildarinnar í dag og var Víkingur Reykjavík í pottinum. Drátturinn var haldinn í Nyon í Sviss.

Víkingur mætir írsku meisturunum í Shamrock Rovers og spila Íslandsmeistararnir fyrri leikinn á heimavelli.

Luigi spáir í spilin Logi Tómasson, leikmaður Strömsgodset í Noregi og íslenska landsliðsins, er spámaður umferðarinnar. Logi varð Íslands- og bikarmeistari með Víkingi í fyrra.

Valur 1 - 3 Víkingur (í kvöld 20:15)
Verð límdur við skjáinn. Mínir menn vinna þennan leik 3-1. Erfitt að segja til með markaskorarara, en Helgi er líklegur og Niko elskar að skora á móti Val. Síðan setur Gísli Gotti aka Osturinn eitt held ég. AP setur eitt sárabótarmark.

Víkingar án eins síns besta leikmanns Danijel Dejan Djuric var úrskurðaður í tveggja leikja bann í síðustu viku og verður ekki með Víkingum þegar liðið mætir Val í Bestu deildinni í kvöld.


Arnar Gunnlaugsson, þjálfari Víkings, var spurður út í Danijel í viðtali á dögunum. Er mikið högg að vera ekki með sóknarmanninn gegn Val?

„Já, hann er náttúrulega búinn að vera einn besti leikmaður Íslandsmótsins, ef ekki sá besti í sumar. Auðvitað söknum við hans. Mér finnst hann búinn að svara öllum spurningum mjög vel eftir þetta bann, búinn að vera mjög hógvær og svaraði mjög vel í leiknum gegn Fylki - kom okkur í undanúrslitin."

„Hann verður klár þegar bannið verður búið. Ég held hann komi til baka, ekki bara sem sterkari leikmaður heldur líka sem sterkari persóna."

Tíðindi á leikdegi Samkvæmt heimildum Fótbolta.net hefur ítalska félagið Perugia boðið tvívegis í Adam Ægi Pálsson leikmann Vals.

Adam Ægir er 26 ára kantmaður sem er á sínu öðru tímabili með Val. Hann kom að fjórtán mörkum í deildinni á síðasta tímabili í 20 byrjunarliðsleikjum. Síðasta sumar sýndi norska félagið Strömsgodset Adam mikinn áhuga en svo varð ekkert úr því.

Vægast sagt áhugaverð tíðindi á leikdegi og spurning hvort Adam Ægir verði í byrjunarliðinu í kvöld.

Þriðja liðið Ívar Orri Kristjánsson sér um að dæma leikinn. Aðstoðardómarar verða þeir Birkir Sigurðarson og Ragnar Þór Bender. Þórður Þorsteinn Þórðarson verður fjórði dómari og Gylfi Þór Orrason verður eftirlitsmaður.

Heitir Valsmenn Valsmenn byrjuðu tímabilið ekki eins og þeir vildu alveg í upphafi móts. Hins vegar í undanförnum leikjum hafa þeir náð að snúa genginu við og eru funheitir þessa dagana. Í seinustu fjórum leikjum Vals í öllum keppnum hafa þeir skorað 15 mörk og 10 mörk í seinustu tveimur delidarleikjum. Það er búið að kveikja á þeim og spurning hvort þeir ná að halda þessu rosalega gengi áfram gegn Víkingsvélinni.

Víkingar vinna og vinna Strákarnir hans Arnars Gunnlaugssonar fara gífurlega vel af stað í sumar. Komnir í 8-liða úrslitin eftir sigur á Fylki í bikarnum og á toppi deildarinnar. Einu leikir liðsins sem þeir hafa ekki unnið var jafntefli gegn Breiðablik í Kópavoginum og tap gegn HK einnig í Kópavoginum.


Draumabikarúrslitaleikurinn lifir
Þetta eru án efa tvö bestu fótboltalið landsins í dag en það má alveg vel búast við stappfullum Hlíðarenda í kvöld. Einnig lifir draumabikarúrslitaleikurinn fyrir hlutlausu aðilana eftir að Víkingar unnu Fylki og Valur vann Keflavík á dögunum. Munu Víkingar ná að verja Mjólkurbikarinn ef þeir mæta Val í úrslitunum? Keppnina sem þeir eiga.

Leikur ársins! Góða kvöldið kæru lesendur og veriði hjartanlega velkomin í þessa þráðbeinu textalýsingu frá stórleik Vals og Víkings R. í Bestu deild karla. Alvöru stórleikur milli tveggja bestu liða landsins. Þetta er gífurlega mikilvægur leikur í kvöld fyrir toppbaráttuna í Bestu deildinni.