SKÝRSLAN: ÍBV hafði betur í Suðurlandsslagnum
Hvað réði úrslitum?
Þetta var rosalega kaflaskiptur leikur, en ÍBV var bara betri liðið í heildina. Það eru síðan einstaklingsgæði Olgu Sevcovu sem býr til eina mark leiksins.
Bestu leikmenn
1. Olga Sevcova
Býr til markið og var stöðugt að ógna. Allur sóknarleikur ÍBV snýst í kringum hana og það skilar sér oftar en ekki.
2. Thelma Sól Óðinsdóttir
Skorar eina mark leiksins og var mjög góð á miðjunni hjá ÍBV í dag. Stjórnaði mikið spilinu og var nálægt því að leggja upp mark snemma leiks. Eva Ýr var líka frábær í marki Selfyssinga í dag.
Atvikið
Eina mark leiksins er kannski það eina sem getur verið atvikið í dag. Lítið spennandi sem gerðist í þessum leik.
Hvað þýða úrslitin?
ÍBV eru enþá í fallsæti en nálgast nú liðin fyrir ofan. Þær eru nú aðeins 1 stigi á eftir Selfoss sem eru í 8.sæti.
Vondur dagur
Engin sem átti vondan dag að mínu mati. Örugglega pirrandi fyrir Selfyssingana að koma inn í seinni hálfleikinn og vera mikið betri í 15 mínútur en fá samt á sig mark.
Dómarinn - 9
Mjög vel dæmdur leikur, ekki mikið af erfiðum ákvörðunum en nánast allt rétt að mínu mati.