SKÝRSLAN: Valur valtaði yfir Vestra í seinni hálfleik
Hvað réði úrslitum?
Mistök heimamanna voru mörg og góð lið nýta sér það. Fjögur fyrstu mörk Valsara má rekja til klaufalegra mistaka Vestramanna.
Bestu leikmenn
1. Jónatan Ingi Jónsson
Var sífellt ógnandi og skoraði tvö glæsileg mörk. Mikill gæðaleikmaður þar á ferð.
2. Tryggvi Hrafn Haraldsson
Skoraði og lagði upp. Mikil hætta í kringum hann. Frábær sending hans gaf Val forystuna á nýjan leik og þeir litu aldrei tilbaka.
Atvikið
William Eskelinen átti slæma sendingu út úr marki og Valur skoraði þriðja markið sitt sem drap algerlega mótstöðu Vestra.
Hvað þýða úrslitin?
Valur halda dampi í toppbaráttunni og eru komnir í 25 stig upp að hlið Blika en Vestri að sogast nær fallsætunum og markatalan versnar enn frekar.
Vondur dagur
William Eskelinen vill fljótt gleyma þessum leik. Átti slaka sendingu út af og Valur skoraði strax eftir innkastið. Átti slaka sendingu inn á völlinn og Valur skoraði þriðja markið. Hitti ekki boltann og missti hann undir sig og Valur skoraði þar fjórða markið.
Dómarinn - 7
Þægilegur leikur að dæma. Engin stór atvik sem hann þurfti að taka á.