Sigur Þórs/KA staðreynd. Heimakonum tókst að klára þetta í lokin.

Sex mínútum bætt við

Abigail Patricia Boyan lá hérna eftir og leikurinn búinn að vera stopp í nokkrar mínútur. Hún er komin aftur inn á.

Hulda Ósk fer illa með tækifæri, virtist ætla bara að hlaupa með boltann inn í markið en Tinna Brá var fyrir.

Lidija Kulis með bjartsýnisskot af löngu færi. Hátt yfir.

Sandra María tekur smá gabbhreyfingu á teignum og setur boltann innfyrir vörnina þar sem Karen María mætir en hún nær ekki skoti á markið.

Emelía Ósk Kruger liggur eftir. Virtist fá krampa, stóð upp en lagðist aftur.

Signý Lára með bjartsýnisskot. Beint á Hörpu.

Þór/KA í hörku sókn. Tvær á tvær. Hulda Ósk með boltann og ætlar að leggja hann út á Söndru Maríu en Kayla Buster kemst fyrir.

Boltinn fer yfir allan pakkann og í innkast

Gengur illa hjá Þór/KA að binda endahnútinn á sóknirnar sínar í þessum leik.

Kominn hálfleikur. Komum með þann síðari að vörmu spori.

Tvö langskot hjá Þór/KA með stuttu millibili en eru ekki að valda Tinnu neinum vandræðum.

Þórhildur Þórhallsdóttir með gott skot en Harpa ver vel í horn

Hildur Anna fékk nokkrar tilraunir til að setja boltann fyrir en alltaf komst Fylkismaður fyrir og færið rann út í sandinn að lokum.

Sandra María komin inn á teiginn en á laust skot sem Tinna Brá á ekki í neinum vandræðum með. Andartökum áður var vandræðagangur á varnarleik Þórs/KA en Guðrún Karítas tókst ekki að nýta sér það.

Tinna Brá markvörður Fylkis með aukaspyrnu á miðjum vellinum og rennur um leið og hún spyrnir í boltann. Boltinn fer nánast beint á Löru Ivanusa sem nær ekki góðum tökum á boltanum til að fara beint í skotið.

Guðrún Karítas leggur boltann fyrir sig inn á teignum en Þór/KA nær að koma boltanum frá í tæka tíð.

Fylkir vill fá vítaspyrnu. Slök sending til baka hjá Hildi Önnu. Guðrún Karítas kemst í boltann og er komin inn á teiginn, Hulda Björg er að toga eitthvað í hana en ekkert dæmt.

Sandra María með skalla beint á Tinnu Brá eftir sendingu frá Margréti

Agnes Birta braut á Helgu Guðrúnu. Abigail Patricia Boyan með fínt skot en boltinn rétt framhjá.

Boltinn fer á nærstöngina, Þór/KA á í smá vandræðum með að koma boltanum frá en það tekst á endanum

Þór/KA verið með yfirhöndina fyrstu mínúturnar án þess að ógna marki Fylkis. Heimakonur hafa fengið nokkrar hornspyrnur sem þær hafa ekki náð að nýta vel.

Þór/KA byrjar af krafti. Fyrirgjöf sem er hreinsuð í horn.

Sandra María Jessen heiðruð hérna fyrir leikinn ng fær blómvönd. Hún skoraði sitt 100. mark fyrir Þór/KA í efstu deild á dögunum og bætti síðan við 101. marki sínu í kjölfarið

Liðin eru að ganga út á völlinn

Það er ein breyting á liði Fylkis sem tapaði 4-1 gegn Val í Árbænum í síðustu umferð. Eva Rut Ásþórsdóttir fær sér sæti á bekknum og Klara Mist Karlsdóttir kemur inn í hennar stað.

Hildur Anna Birgisdóttir kemur inn í byrjunarlið Þór/KA eftir frábæra frammistöðu gegn Stjörnunni í síðustu umferð þar sem hún kom inn á sem varamaður í upphafi seinni hálfleiks. Hún skoraði og lagði upp í 4-1 sigri. Amalía Árnadóttir kemur einnig inn í liðið. Bríet Jóhannsdóttir og Hulda Ósk Jónsdóttir setjast báðar á bekkinn. Þá er einnig markmannsskipting, Harpa Jóhannsdóttir er í rammanum á kostnað Shelby Money. Hildur Anna Birgisdóttir

Fyrrum landsliðskonan Guðmunda Brynja Óladóttir, nú leikmaður HK í Lengjudeildinni, spáir í leiki umferðarinnar. Hún lék á sínum tíma 149 leiki og skoraði 65 mörk í efstu deild. Þór/KA 3 - 0 Fylkir Þægilegur sigur fyrir Þór/KA. Alltaf erfitt að fara norður og hvað þá að mæta einum besta leikmanni deildarinnar sem heldur áfram að skora i þessu leik. 3-0 og Sandra María skorar 2 og Hulda 1.

Brynjar Þór Elvarsson verður með flautuna hér í kvöld. Sigurjón Þór Vignisson og Magnús Hilmar Felixson verða honum til aðstoðar. Aðalsteinn Tryggvason er fjórði dómari og Bragi Bergmann er eftirlistmaður KSÍ.

Fylkir er í miklu brasi en liðið er í næst neðsta sæti aðeins með fimm stig. Liðið hefur tapað síðustu fimm leikjum eftir að hafa unnið Keflavík í 3. umferð.

Þór/KA er í 3. sæti deildarinnar en liðið vann Stjörnuna 4-1 í Garðabæ í síðustu umferð. Liðið er þremur stigum á eftir Val og sex stigum á eftir Breiðabliki sem tapaði gegn Víkingi í gær. Sandra María Jessen er markahæsti leikmaður deildarinnar en hún hefur farið hamförum og skorað 12 mörk.

Verið velkomin í beina textalýsingu frá leik Þórs/KA og Fylkis í Bestu deild kvenna. Leikurinn er liður í níundu umferð deildarinnar en hann fer fram á Akureyri.