Liðin eru að ganga út á völl Þetta er að bresta á

Byrjunarliðin Það eru þrjár breytingar á liði Þór/KA sem lagði Fylki af velli í síðustu umfeerð. Amalía Árnadóttir, Emelía Ósk Kruger og Bryndís Eiríksdóttir fara út en Bryndís er á láni frá Val. Kimberley Dóra Hjálmarsdóttir, Bríet Jóhannsdóttir og Hulda Ósk Jónsdóttir koma inn í liðið.

Það eru tvær breytingar á liði Vals sem vann 3-1 sigur á FH í síðustu umferð. Anna Rakel Pétursdóttir og Ragnheiður Þórunn Jónsdóttir koma inn í liðið fyrir Fanndísi Friðriksdóttur og Ísabellu Söru Tryggvadóttur sem setjast á bekkinn.

Tilkynning frá Þór/KA

Spáin Elín Björg Norðfjörð Símonardóttir, markahæsti leikmaður 2. deildar kvenna, spáir í leikina sem eru framundan. Elín hefur átt frábært sumar með Haukum og skorað 13 mörk í sjö leikjum.

Þór/KA 1 - 2 Valur
Leikur umferðarinnar! Held að þetta verði hörkuleikur, Amanda og Sandra hafa verið heitustu leikmenn sumarsins og ná báðar að setja hann en held að Valur klári þennan leik.

Dómarateymið Þórður Þorsteinn Þórðarson verður með flautuna hér í kvöld. Sveinn Þórður Þórðarson og Ásgeir Þór Ásgeirsson verða honum til aðstoðar. Sveinn Arnarsson er fjórði dómari og Tryggvi Þór Gunnarsson eftirlitsmaður KSÍ.

Valur Valskonur eru í 2. sæti þremur stigum á undan Þór/KA og með jafn mörg stig og topplið Breiðabliks. Eina tap liðsins kom í stórleiknum gegn Breiðabliki á Kópavogsvelli.

Amanda Andradóttir er markahæst í liðinu með sjö mörk og er næst markahæst í deildinni á eftir Söndru Maríu. Jasmín Erla og Ísabella Sara Tryggvadóttir hafa skorað fimm mörk hvor.

Amanda Andradóttir

Þór/KA Þór/KA er í 3. sæti deildarinnar en liðið hefur tapað tveimur leikjum en það fyrra var einmitt gegn Val í fyrstu umferð. Þar skoraði Amanda Andradóttir tvö mörk og Jasmín Erla Ingadóttir skoraði eitt. Sandra María Jessen klóraði í bakkann og skoraði sitt fyrsta mark af tólf til þessa og er hún langmarkahæst í deildinni.

Seinna tapið kom gegn toppliði Breiðabliks hér á VÍS vellinum en leikar enduðu 3-0. Liðið vann Fylki 3-1 í síðustu umferð þar sem Hildur Anna Birgisdóttir skoraði í öðrum leik sínum í röð og Lara Ivanusa skoraði sitt fyrsta mark fyrir félagið.

   25.06.2024 14:40

Svona er lið umferða 1-9 í Bestu kvenna - Sandra María best

Góða kvöldið Verið velkomin í beina textalýsingu frá leik Þórs/KA og Vals í Bestu deild kvenna, leikurinn er liður í tíundu umferð. Leikurinn fer fram á VÍS vellinum á Akureyri.