SKÝRSLAN: Markalaust jafntefli á Selfossi
Hvað réði úrslitum?
Jafn leikur allan tímann og bæði lið reyndu að sækja en með engum árangri
Bestu leikmenn
1. Brynja Líf Jónsdóttir (Selfoss)
Stóð sig vel í vörninni og las leikinn vel og kom í veg fyrir flest sem kom nálægt marki Selfoss
2. Arnfríður Auður Arnarsdóttir (Grótta)
Var lífleg í leiknum og flestar sóknir Gróttu fóru í gegnum hana
Atvikið
Telma fékk dauðafæri í fyrri hálfleik þar sem boltinn datt fyrir hana inní markteig Selfoss en henni tókst einhvern veginn að skófla boltanum yfir markið
Hvað þýða úrslitin?
Selfoss ennþá í 8. sæti en núna tveimur stigum frá ÍBV en Grótta lyftir sér uppí fjórða sæti og aðeins þrem stigum frá öðru sætinu
Vondur dagur
Elsa Katrín kom inná eftir sirka klukkutíma leik og eftir aðeins 13 mínútur þurfti hún að fara af velli vegna meiðsla og við vonum að þetta sé ekkert alvarlegt
Dómarinn - 8/10
Nokkur smá atriði sem klikkuðu en annars góður leikur hjá Ásgeiri