Þá er þetta búið og liðin deila stigunum að þessu sinni.

Viðtöl og skýrsla birtast inn á síðunni innan skamms.

Þangað til næst, takk fyrir mig og hafið það gott!

KR-ingar keyra upp í sókn en AD1 var búinn að lyfta flagginu. Lítur allt út fyrir að liðin tvö munu deila stigunum í kvöld.

Tekið stutt. Alex Þór kemur með glæsilegan bolta á fjærstöngina þar sem Axel Óskar er. Hann skallar boltann fyrir markið og beint á Finn Tómas sem er einn á móti marki nánast. Hann tekur skotið í fyrsta sem fer yfir!

Þetta var dýrt!

Aron Sig tekur spyrnuna inn á teiginn. Það myndast mikill darraðardans inni á teignum en Ásgeir Eyþórs nær að hreinsa boltanum frá að lokum.

Kemur markið núna?

Axel Óskar með lélega sendingu upp völlinn sem Emil kemst fyrir. Hann tekur tvær til þrjár snertingar áður en hann lætur vaða en skotið fór rétt framhjá!

KR-ingar hafa tekið yfir leikinn núna. Það er klárt að Fylkismenn eru sáttari með stigið í kvöld.

Ég finn samt lykt af sigurmarki!

Orri Sveinn, á gulu spjaldi, fer í groddaralega tæklingu á Aron Sig sem liggur sárþjáður niðri. Síðan gerist eitthvað eftir það sem pirraði Fylkismenn gífurlega. Ég tók ekki eftir því en allt verður vitlaust um stund.

Sigurður ákveður að sleppa öllum spjöldum

Arnór með fyrirgjöf inn á teiginn sem fer beint í lappirnar á Orra Sveini. Orri er aleinn á auðum sjó inni á vítateig KR-inga og tekur skotið í fyrsta sem fór rétt framhjá.

Þarna á hann að setja þetta á markið!

Aron Sig tekur aukaspyrnuna sem fer í vegginn og síðan fjarar sókn KR-inga fljótlega út í sandinn.

Aron Sig tekur hornið inn á teiginn sem Ásgeir Eyþórs skallar frá.

Arnór Breki með hornið sem Benoný Breki, fyrsti varnarmaður, skallar frá.

Aftur er reynt eitthvað af æfingarsvæðinu sem Ólafur Kristófer og varnarmenn Fylkis eru í engum vandræðum með og hreinsa frá.

Guy Smit gerir vel og handsamar boltann!

Næsta horn er aftur tekið stutt sem endar með skoti fyrir utan teig Fylkis, sem Theodór tekur sýnist mér, sem fer í gegnum pakkann og aftur fyrir. KR-ingar vilja annað horn en fá það ekki.

Eitthvað beint af æfingarsvæðinu sem endar með skoti frá Aroni Kristóferi á markið en Ólafur ver í annað horn!

Aron Sig tekur spyrnuna inn á teiginn sem Axel Óskar skallar í varnarmann. KR-ingar ná ekki frákastinu en Fylkismenn bægja hættunni frá í bili.

Þessi var á leiðinni inn!

Theodór Elmar með skot inni á teig Fylkis sem Ólafur ver í horn

Þá er þetta að byrja á ný en það eru KR-ingarnir sem hefja þetta fyrir okkur. Þeir sækja í átt að Sandgerði á meðan gestirnir sækja í átt að Langajökli.

Vonandi fáum við einhver fleiri mörk í þetta í seinni hálfleiknum!

Þá er Sigurður Hjörtur búinn að flauta til hálfleiks. Skiljanlega bætir hann engu við.

Tökum okkur korterspásu og mætum svo til baka að vörmu spori!

Spyrnan var slök hjá Aroni Sig og Fylkismenn hreinsa. Sóknarpressa KR heldur þó áfram.

WOW!

Benoný Breki sleppur einn í gegn en hann er hundeltur af Orra Sveini. Orri Sveinn fer þá í hetjulega tæklingu og KR-ingar eiga horn!

Benoný Breki kemst einn í gegn en þá fer flaggið á loft hjá AD2.

Hef séð skemmtilegri fótboltaleiki, viðurkenni það alveg.

Aron Sig tekur spyrnuna meðfram jörðinni inn á teiginn sem Fylkismenn hreinsa. Í leiðinni er brotið á Orra Sveini.

Þetta var eitthvað beint af æfingarsvæði KR-inga sem heppnaðist ekki alveg.

Sitt fyrsta í leikjum.

Theodór Elmar með hörkuskot við vítateigslínuna sem Ólafur ver. AD var hins vegar búinn að lyfta flagginu.

Ekki sá ég hver var rangstæður. Annað hvort Benoný eða Theodór sem komu úr rangstöðunni. Það er það einsa sem passar.

Ekkert nýtt að frétta úr Vesturbænum. Allt frekar rólegt bara.

Arnór Brekur tekur spyrnuna inn á teiginn sem er núna alltof stutt og fyrsti varnarmaðurinn skallar boltann frá. Hann verður að finna jafnvægið í þessum hornspyrnum.

Jæja Arnór minn, hittu á teiginn!

Aron Kristófer með gott skot utan að teig sem fer beint á Ólaf í marki Fylkis.

Loksins láta þeir vaða á markið KR-ingarnir. Hafa komið sér í álitlegar stöður en nánast ekkert skotið. Fíla þetta hjá Aroni.

Arnór Breki tekur spyrnuna inn á teiginn sem fer aftur í gegnum allan pakkann og í innkast.

Annað hornið af tveimur sem hafa verið nákvæmlega eins hjá Arnóri og Fylki.

Völlurinn er mjög blautur. Maður sá það bersínilega í þessum sprett hjá Benedikt. Þeir bleyttu hann vel fyrir leik og leikmenn virðast ekki höndla hann mjög vel.

Spurning hvort þeir hafi gert ráð fyrir að sólin væri sterkari. Ég veit það allaveganna ekki en hann er afar blautur og boltinn skoppar lítið.

Benedikt Daríus vinnur boltann á sínum eigin vallarhelming og keyrir upp völlinn. Hann á geggjaðan sprett áður en hann tekur skotið sem fer í varnarmann og út í innkast.

Arnór Breki tekur spyrnuna inn á teiginn sem fer yfir allan pakkann og í innkast hinum meginn.

KR (3-1-4-2)
Smit
Finnur - Axel - Birgir
Alex Þ
Aron Þ - Theodór E - Aron - Aron K
Benoný - Kristján

Fylkir (4-2-3-1)
Ólafur
Birkir - Orri - Ásgeir - Arnór
Ragnar - Nikulás
Þórður - Præst - Benedikt
Þóroddur

Leikurinn fer afar rólega af stað. KR-ingar ógnað meira en ekkert um færi eins og er.

Þá er þetta komið í gang og það eru gesirnir úr Árbænum sem hefja þetta fyrir okkur og sækja í átt að Sandgerði. KR sækir í átt að Langajökli.

Heimamenn spila í hvítum og svörtum treyjum, svörtum stuttbuxum og svörtum sokkum.

Gestirnir spila í appelsínugulum treyjum, svörtum stuttbuxum og appelsínugulum sokkum.

Ég á von á markaveislu í kvöld!

Þá ganga liðin til vallar og gera sig klár í slaginn.

KR-ingar, sem sóttu sterkt stig gegn Víkingum í Víkinni í seinustu umferð, gera engar breytingar á liðinu sínu frá þeim leik. Pálmi Rafn stýrði Vesturbæjarliðinu í þeim leik eftir að Gregg Ryder var látinn fara.

Fylkismenn töpuðu gegn FH á útivelli í seinasta leik en frá þeim leik gera þeir allt að þrjár breytingar á liðinu sínu. Emil Ásmundsson, Sigurbergur Áki og Orri Hrafn detta úr liðinu fyrir þá Orra Svein, Benedikt Daríus og Þórodd Víkingsson.

Liðin mættust í fyrstu umferð Bestu deildarinnar í ár í Árbænum. Sá leikur var átta markaleikur. KR-ingar unnu leikinn 4-3 en eftir að hafa komist 4-1 yfir náðu Fylkismenn að setja tvö á þá í restina sem hleypti spennu í leikinn. Það dugði hinsvegar ekki til.

Þrátt fyrir að liðin hafi endað sitthvoru megin í töflunni í tvískiptingunni í fyrra þá spiluðu þau samt sem áður þrisvar sinnum gegn hvoru öðru. En þau drógust saman í Mjólkurbikarnum. Í þeim bikarleik unnu KR 4-3 í mögnuðum fótboltaleik. Nokkru dögum eftir bikarleikinn fór fram Bestu deildarleikur í Árbænum milli liðanna sem var einnig bráðskemmtilegur og fór 3-3. Seinni leikur liðanna í fyrra fór 2-0 fyrir KR í Vesturbænum.




Tölfræði úr viðureignunum
Leikir: 82
Fylkis sigrar: 20 (24%)
Jafntefli: 18 (22%)
KR sigrar: 44 (54%)

Stærsti Fylkir - KR leikurinn?
Einn stærsti Fylkir - KR leikur sögunnar fór fram í Árbænum árið 2002. Þá mættust liðin í næst seinustu umferð í spennuþrungnum toppbaráttuslag. Fylkir sat á toppnum fyrir leik með KR einu stigi á eftir sér. Fylkissigur og titillinn endar í Árbænum. Fylkismenn tóku forystuna í upphafi síðari hálfleiks en KR-ingar jafna leikinn undir lokin. Í seinustu umferðinni tapa Fylkismenn gegn Skagamönnum og KR vinnur sinn leik og eru krýndir Íslandsmeistarar. Alls mættu 4833 á leikinn.

Sá mikli meistari í sínu fagi og Fjölnismaður mikill, Júlíus Mar, fékk þann heiður að spá í spilin fyrir komandi umferð í Bestu deildinni.

KR 3 - 0 Fylkir (í kvöld, 19:15)
KR-ingar komast loksins aftur á sigurbraut eftir sterkt jafntefli í Víkinni. Birgir Steinn setur eitt skallamark eftir horn og gefur tóninn svo koma mörk frá tveimur úr 112, Aroni Sig og Ægi Jarl, 3-0 lokatölur.

Það er Sigurður Hjörtur Þrastason sem mun dæma þennan Reykjavíkurslag. Honum til aðstoðar verða þeir Bjarki Sigurðarson og Bryngeir Valdimarsson. Varadómarinn í kvöld er Gunnar Oddur Hafliðason, sem dæmdi leik Gróttu og ÍR mjög vel í gærkvöldi, en eftirlitsmaður KSÍ er hann Björn Guðbjörnsson.

Fylkismenn fóru í heimsókn til FH-inga í Kaplakrika í seinasta leik þar sem þeir töpuðu 3-1. Á leiknum á undan því sóttu þeir sterkan og mikilvægan sigur á móti Vestramönnum. Fylkismenn eru á botni deildarinnar en aðeins þremur stigum frá öruggu sæti og einu stigi frá liðinu fyrir ofan sig, KA.

Gregg Ryder var látinn taka pokann sinn hjá KR eftir tap KR-inga gegn Skagamönnum á dögunum. Pálmi Rafn, sem var áður aðstoðarþjálfari, stýrir núna liðinu tímabundið.

Pálmi fékk erfiðan fyrsta leik sem stjóri KR en það voru sjálfir bikar- og íslandsmeistararnir Víkingur Reykjavík á útivelli. KR-ingar spiluðu þó hörkuleik í Víkinni og gerðu 1-1 jafntefli sem verður að teljast bísna gott miðað við hverni tímabilið hefur verið hjá Vesturbæjarliðinu. Eyþór Aron fékk upplagt tækifæri til að koma sínum mönnum yfir undir lok leiks en hann skaut framhjá. Það verður áhugavert að sjá hvort KR-ingar munu spila jafn varnarsinnað í kvöld og þeir gerðu gegn Víkingum.

Heil og sæl ágætu lesendur og veriði hjartanlega velkomin í þessa þráðbeinu textalýsingu frá leik KR og Fylkis í Bestu deild karla.