Gæðaleysi liðanna á sóknarhelming var svakalegt, fáir sóknarmenn í takti og liðin að tapa boltanum til skiptis nánast allan leikinn, komu varla færi í þetta fyrr en eftir 70 mínútur.

Markið og ekki markið? Mér fannst boltinn klárlega inni í beinni, varð efins eftir að hafa skoðað útsendinguna, en er aftur seldur á mark eftir að hafa skoðað betri myndatöku frá Boga Berndsen eldri, pabba Baldvins sem skoraði. Þar virðist stoðfóturinn standa á línunni og sparkið úr markinu koma innan úr markinu sjálfu, ég dæmi mark!

Fjölnir er á toppnum og Keflavík er bæði í fallbaráttu og umspilsbaráttu, bara veisla!

Máni Austmann komst ekki í neinn takt við leikinn og það sást vel á sóknarleik Fjölnis, það má svosem líka nefna fleiri sóknarmenn á vellinum sem gerðu lítið sem ekkert, Edon Osmani, Orri Þórhalls, Sami Kamel... Sóknarmenn fá vondan dag!

Virkilega vel dæmdur leikur fyrir utan það að Maggi Garðars klikkar á að sjá ekki markið sem Baldvin ''skorar'', það er spikfeitur mínus!