Eftir ansi dapra frammistöðu í fyrri hálfleik komu Þórsarar sterkari í þann seinni. Erfitt að ráða við Ragnar Óla sem kom Þórsurum á bragðið. Gríðarlega sterkt fyrir Þórsara að fá Rafael Victor af stað aftur sem hefur ekki verið iðinn við kolann að undanförnu en hann skoraði aðeins sitt þriðja mark í Lengjudeildinni í kvöld.

Þór fékk fullt af hornspyrnum í síðari hálfleik og það skilaði sér þegar liðið skoraði úr tveimur slíkum með fimm mínútna millibili og snéri blaðinu við. Fáir sem vinna Ragnar Óla í loftinu en Rafal Stefán markvörður Gróttu taldi að brotið hafi verið á sér í seinna markinu sem Kristófer skoraði.

Þórsarar búnir að næla í sjö stig í síðustu þremur leikjum og eru komnir upp í 7. sæti. Liðið á leik inni gegn Grindavík á mánudaginn og getur stokkið upp í 5. sætið með sigri þar. Grótta hefur ekki unnið í sjö leikjum í röð og er stigi frá fallsæti.

Erfitt val, Gróttumenn átt erfitt uppdráttar undanfarið og voru ekki klárir í baráttuna hjá Þórsurum í seinni hálfleik.

Þetta var bara flottur dagur hjá honum