Byrjunarliðin eru klár! Valur gerir þrjár breytingar á sínu liði frá bikarleiknum gegn KA. Hörður Ingi Gunnarsson, Bjarni Mark Antonsson og Lúkas Logi Heimisson koma inn í liðið fyrir Birki Már Sævarsson, Kristinn Freyr Sigurðsson og Tryggva Hrafn Haraldsson.

Fylkir gerir þá eina breytingu á sínu liði. Ómar Björn Stefánsson kemur inn fyrir Þórð Gunnar Hafþórsson sem sest á bekkinn.

Spámaður umferðarinnar Brynjólfur Willumsson nýjasti leikmaður hollenska liðsins Gröningen spáir í umferðina.



Valur 4 - 0 Fylkir
AP-show.

Innbyrðis viðureignir í efstu deild Þessi lið hafa mæst 44 sinnum í efstu deild karla samkv. vef KSÍ.

Valur er með 25 sigra (57%).
Fylkir hafa tekið 13 sigra (30%).
Liðin hafa skilið jöfn sex sinnum (14%).

Valur Valsmenn hafa átt áhugavert sumar svo ekki sé meira sagt. Flestir sem bjuggust við meira frá þeim rauðklæddu í sumar og þá sérstaklega í ljósi þess að Gylfi Þór Sigurðsson gekk til liðs við félagið fyrir tímabilið. Valur situr hinsvegar í 3.sæti deildarinnar með 25 stig, 8 stigum á eftir toppliði Víkinga.

Valur fóru upp á Skipaskaga í síðustu umferð og þurftu að sætta sig við tap þar gegn ÍA með þremur mörkum gegn tveim. Í miðri viku fóru þeir svo til Akureyrar þar sem KA sló þá út úr bikarnum með sömu markatölu svo vikan hefur verið þung fyrir Valsmenn.

Valur hefur skorað 32 mörk á tímabilinu til þessa og fengið á sig 18. Það gera plús 14 í markatölu. Valsliðinu hefur hinsvegar ekki tekist að halda marki sínu hreinu frá því þessi lið mættust í fyrri umferð Bestu deildarinnar.

Mörk Valsmanna hafa raðast niður á:

Patrick Pedersen - 9 mörk
Jónatan Ingi Jónsson - 7 mörk
Tryggvi Hrafn Haraldsson - 5 mörk
Gylfi Þór Sigurðsson - 5 mörk
Gísli Laxdal Unnarsson - 2 mörk
*aðrir minna

Fylkir Fylkismenn finna sig á botni deildarinnar með 8 stig. Þeir eru þó ekki nema þremur stigum og markatölu frá öruggu sæti. Fylkir hefur sótt sjö stig í síðustu fimm leikjum.

Fylkir sóttu gott stig á Meistaravelli í síðustu umferð þar sem þeir gerðu 2-2 jafntefli við KR.

Fylkir hafa skorað 18 mörk í deildinni til þessa og fengið á sig 32. Það gera mínus 14 í markatölu. Aðeins Vestri og HK hafa skorað færri mörk í sumar og Fylkir hefur þá fengið á sig flest mörk.

Mörk Fylkismanna hafa raðast niður á:

Matthias Præst - 3 mörk
Þórður Gunnar Hafþórsson - 2 mörk
Þóroddur Víkingsson - 2 mörk
Nikulás Val Gunnarsson - 2 mörk
Halldór Jón Sigurður Þórðarson - 2 mörk
*Aðrir minna

Dómarateymið Vilhjálmur Alvar Þórarinsson fær það verkefni að halda utan um flautuna hér í dag. Honum til aðstoðar verða Egill Guðvarður Guðlaugsson og Guðmundur Ingi Bjarnason.
Helgi Mikael Jónasson verður á milli boðvanga að stilla til friðar og tilbúin á skiltinu þegar það á við.
Hjalti Þór Halldórsson er þá eftirlitsmaður.

Heil og sæl! Verið hjartanlega velkomin í þessa þráðbeinu textalýsingu frá N1 vellinum á Hlíðarenda þar sem heimamenn í Val mæta Fylki í 13.umferð Bestu deild karla.