Þetta var þolinmæðisverk hjá Stjörnunni í kvöld. Stjarnan var meira með boltann og stýrði leiknum en Fylkismenn vörðust vel og áttu flottar skyndisóknir inni á milli. Það var ekki endilega mikið sem benti til þess að það kæmi mark í þennan leik undir restina en innkoma Emils Atlasonar og Örvars Eggertssonar átti heldur betur eftir að reynast heimamönnum vel. Annar skoraði fyrsta markið á meðan hinn lagði upp annað markið og þar við sat.

Má nefna bæði mörkin. Fyrra sem brýtur ísinn en þessi fyrsta snerting hjá Helga Fróða sem býr til annað markið var frábær og afgreiðslan ekkert síðri.

Stjörnumenn lyfta sér upp í efri hlutann í töflunni en Fylkir sitja áfram á botni deildarinnar.

Enginn sem á skilið að sjá nafnið sitt í þessum dálki í kvöld. Allavega enginn sem ég man eftir svona stuttu eftir leik. Bæði lið spiluðu bara vel í kvöld.

Alls ekkert hræðilegur leikur hjá dómara leiksins í dag en hefði mátt flauta aðeins minna. Var oft full fljótur að rífa í spjöldin líka.