Valskonur áttu ekkert meira skilið en að vinna leikinn í dag og áttu að vinna hann miklu stærra. En eftir að hafa verið miklu betri allan seinni hálfleikinn leit allt út fyrir það að Keflvíkingar væru að fara að taka stig af Íslandsmeisturunum en allt kom fyrir ekki þar sem sigurmarkið kom á 90. mínútu en það var sjálfsmark. Það er eiginlega ekki hægt að tapa á verri og ljótari hátt en eins og ég segi að þá áttu Valskonur ekkert meira skilið.

Það er ekki hægt að velja neitt annað en atvikið sem ræður úrslitunum hér í dag. Sjálfsmark á 90. mínútu frá Anitu gerir það að verkum að Keflvíkingar fara með 0 stig í staðin fyrir 1 heim í Keflavík. Ótrúlega klaufalegt sjálfsmark.

Valskonur halda áfram að elta Blika í þessari mögnuðu toppbaráttu en Keflvíkingar eru áfram í fallsæti.

Það bara verður að segja Anita Bergrán Eyjólfsdóttir þar sem hún skorar þetta sjálfsmark sem ræður úrslitunum. Hún var búinn að vera mjög fín í dag fyrir sjálfsmarkið. Það var engin pressa á henni og nægur tími en hún ætlar að teygja sig í boltann sem endar með því að hún potar boltanum í netið.

Engin vafaatriði, hafði góð tök á leiknum og flæðið var gott líka. Bara mjög góður dagur hjá Arnari og teyminu að mínu mati.