SKÝRSLAN: Ólseigir Ólsarar
Hvað réði úrslitum?
Brynjar, þjálfari Víkinga, talaði um að liðið skorti ástríðu og vilja eftir bikartapið gegn Árbæ í vikunni. Það var allt annað að sjá hans menn í dag sem vörðust mjög vel á stórum köflum í dag. Síðan er oft sagt að mörk breyta leikjum og maður veit aldrei hvernig þessi leikur hefði þróast ef gestirnir hefðu náð forystunni í upphafi leiks þegar þeir fengu dauðafæri til þess.
Bestu leikmenn
1. Björn Axel Guðjónsson
Mjög auðvelt val. Var allt í öllu í sóknarleik Víkinga í dag. Skoraði eitt og lagði upp eitt, frábær og greinilega einn mikilvægasti leikmaður liðsins.
2. Arnór Siggeirsson
Vann og vann og vann á miðsvæðinu. Gerði vel í sínum aðgerðum og öskraði sína menn trekk í trekk áfram. Fyrirliðinn góður í dag.
Atvikið
Ég ætla að setja þetta á færið sem Heiðar Snær klúðrar eftir 3 mínútur. Ég held að KFA hefði ekki tapað í dag ef hann hefði skorað. Síðan var það líka skemmtilegt atvik að sjá Rikka G í liðstjórn þegar skýrslan var klár.
Hvað þýða úrslitin?
Ólsarar fara upp fyrir KFA á einu stigi í 2. sætið og gera þessa toppbaráttu gífurlega spennandi.
Vondur dagur
Það er erfitt að velja einhvern einn. Mér fannst Abdelhadi Khalok mjög slakur í dag og eiginlega bara áberandi lélegur. Síðan er Heiðar Snær ekkert að eiga frábæran dag heldur eftir þetta klúður á 3. mínútu.
Dómarinn - 6.5
Er alveg á vissan hátt sammála Mikka í viðtali eftir leik. Mér fannst þetta ekkert vel dæmdur leikur en sama skapi var þetta ekkert hræðilega dæmdur leikur. Ég á eftir að sjá aðdragandan aftur af fyrsta markinu en fyrst fannst mér þetta alltaf vera aukaspyrna.