200 leikir Viktor Karl Einarsson fær hér viðurkenningu en hann spilaði leik númer tvöhundruð fyrir Breiðablik á dögunum þegar Breiðablik mætti Tikvesh í forkeppni sambandsdeildarinnar.

Fótbolti.net óskar Viktori Karli til hamingju.



Tvöhundruð leikir í Kópavoginum!!

Jóhann Ingi leiðir liðin til leiks Vallarþulur Blika býður vallargesti velkomna í Kópavoginn og hefur lokið því að kynna liðin til leiks og það fer allt að verða til reiðu.

Góða skemmtun.

Byrjunarliðin eru komin í hús Halldór Árnason þjálfari Breiðablik gerir eina breytingu frá sigrinum í forkeppni Sambansdeildarinnar þegar Breiðablik vann Tikves á Kópavogsvelli. Kristófer Ingi Kristinsson kemur inn í liðið fyrir Ísak Snæ Þorvaldsson sem er ekki í leikmannahópi Breiðablik í kvöld.

Pálmi Rafn Pálmason þjálfari KR gerir þónokkrar breytingar á sínu liði og alveg ljóst að Pálmi Rafn vill sjá frammistöðu hjá sínu liði í kvöld. Alex Þór Hauksson og Atli Sigurjónsson eru ekki í leikmannahópi KR í kvöld vegna leikbanns. Eyþór Aron Wöhler sem lék með Breiðablik byrjar gegn sínum gömlu félögum



Hvar er Ísak Snær?

Spámaður umferðinnar Máni Austmann Hilmarsson er spámaður umferðarinnar en hann hefur verið virkilega flottur í Lengjudeildarliði Fjölnis sem stefnir upp í deild þeirra bestu. Hann spáir þægilegum heimasigri.

Breiðablik 4 - 1 KR (í kvöld 19:15)
Það eru þrír Fellow handsome brósar í Blikum, þannig þeir vinna. Flóki skorar eitt úr aukaspyrnu. Eyþór Wöhler er að gera allt annað en að spila fótbolta þessa dagana. Það er bras í Vesturbænum.

KR KR er Í fallbaráttu og liðið hefur ekki unnið fótboltaleik síðan 20.mai. Sigur fyrir liðið í kvöld er nauðsynlegur en liðið er aðeins tveimur stigum frá fallsæti. KR fór upp í Úlfarsárdal í síðustu umferð og tapaði liðið fyrir Fram í leik sem bauð upp á mikinn hita á síðustu mínútum leiksins þar sem Alex Þór Hauksson fékk að líta rautt spjald og verður hann í leikbanni í kvöld.

Breiðablik Breiðablik er komið áfram í forkeppni Sambandsdeildarinnar en liðið vann GFK Tikves samanlagt 5-4 og mætir liðið Drita frá Albaníu í annari umferð. Fyrri leikur liðanna fer fram á Kópavogsvelli á fimmtudaginn næstkomandi.

Breiðablik hafa ekki unnið í deildinni síðan 19.júní og þar sem Víkingar töpuðu fyrir norðan í gær þá eru Blikar í dauðafæri á að setja pressu á toppliðið með því að sigra hér í dag. Breiðablik er sex stigum frá toppnum fyrir leikinn í dag og á liðið leikinn hér í kvöld til góða.

Dómarinn Jóhann Ingi Jónsson fær það verkefni að flauta leikinn á hér í kvöld. Honum til aðstoðar verða þeir Egill Guðvarður Guðlaugsson og Patrik Freyr Guðmundsson. Varadómari í dag er Erlendur Eiríksson. Eftirlitsmaður KSÍ er Eyjólfur Ólafsson.

Kópavogsvöllur heilsar Góðan og gleðilegan daginn kæru lesendur og verið hjartanlega velkomin með okkur á Kópavogsvöll þar sem Breiðablik fær KR í heimsókn í Bestu deild karla.

Flautum til leiks á slaginu 19:15