Brynjar, þjálfari Víkinga, talaði um að liðið skorti ástríðu og vilja eftir bikartapið gegn Árbæ í vikunni. Það var allt annað að sjá hans menn í dag sem vörðust mjög vel á stórum köflum í dag. Síðan er oft sagt að mörk breyta leikjum og maður veit aldrei hvernig þessi leikur hefði þróast ef gestirnir hefðu náð forystunni í upphafi leiks þegar þeir fengu dauðafæri til þess.

Ég ætla að setja þetta á færið sem Heiðar Snær klúðrar eftir 3 mínútur. Ég held að KFA hefði ekki tapað í dag ef hann hefði skorað. Síðan var það líka skemmtilegt atvik að sjá Rikka G í liðstjórn þegar skýrslan var klár.

Ólsarar fara upp fyrir KFA á einu stigi í 2. sætið og gera þessa toppbaráttu gífurlega spennandi.

Það er erfitt að velja einhvern einn. Mér fannst Abdelhadi Khalok mjög slakur í dag og eiginlega bara áberandi lélegur. Síðan er Heiðar Snær ekkert að eiga frábæran dag heldur eftir þetta klúður á 3. mínútu.

Er alveg á vissan hátt sammála Mikka í viðtali eftir leik. Mér fannst þetta ekkert vel dæmdur leikur en sama skapi var þetta ekkert hræðilega dæmdur leikur. Ég á eftir að sjá aðdragandan aftur af fyrsta markinu en fyrst fannst mér þetta alltaf vera aukaspyrna.