St. Mirren fer með nokkuð þægilegan sigur af hólmi hér í kvöld og slær Val út samanlagt 4-1. Ekki bestu hliðar Vals sem við sáum hér í kvöld og verður bara að viðurkennast að þetta er nokkuð sanngjarnt þegar uppi er staðið.

Sending inn á teig Vals og James Scott flaggaður rangstæður. Ágætt að vita til þess að flaggið þarna megin á vellinum er til staðar.

Valur aðeins að ná að ýta sér framar á völlinn. Væri rosalega gott að ná inn marki sem fyrst.

Jaden Brown tekur Jónatan Inga niður í teignum og vítaspyrna dæmd!

Tryggvi Hrafn með tilraun en hittir ekki á markið.

Fjórföld hjá heimamönnum. Stuttu fyrir það var Patrick Pedersen flaggaður rangstæður þegar Valur reyndi að koma honum í gegn. Hefði vel þegið þennan aðstoðardómara hinumeginn í öðru marki St. Mirren.

Valsmenn ná ekki að gera sér mat úr þessari hornspyrnu.

Gísli Laxdal vinnur horn fyrir Val. Ef endurkoman á að vera séns þarf hún helst að byrja núna.

Jakob Franz fer í bakið á Olutoyosi Olusanya sem var að stinga sér fram úr inn á teig en Daninn á flautunni dæmir blessunarlega ekkert á þetta.

Olutoyosi Olusanya fer illa með Hörð Inga og Kristinn Freyr brýtur svo á honum. Þetta er alltof auðvelt finnst manni.

Aukaspyrna dæmd á St. Mirren eftir hornspyrnu en manni finnst þetta vera full auðvelt fyrir heimamenn að skapa sér hættu.

Jonah Ayunga kemst í full auðvelt skot en Frederik Schram sér við honum.

Heimamenn búnir að þrýsta Val vel tilbaka.

Frederik Schram í brasi með sendingu tilbaka frá Bjarna Mark en sleppur með það. Þetta hefði geta orðið vont.

Hörður Ingi með sendingu fyrir á Patrick Pedersen sem laumar sér á bakvið vörn St. Mirren og reynir að skalla fyrir markið en varnarmenn St. Mirren koma þessu frá.

Þetta er farið af stað aftur. KOMA SVO VALUR!

Flottur kafli frá Val undir lok fyrri hálfleiks en heimamenn í St. Mirren fara síður en svo ósanngjarnt yfir inn í hlé. Valur fengið langbesta færi leiksins þegar Tryggvi Hrafn slapp í gegn strax eftir mark St. Mirren en Valsmenn náðu ekki að nýta það. Valur vonandi nær að stilla saman strengi og mæta sprækari út í seinni hálfleikinn. Þeir eiga svo mun meira inni en þeir hafa sýnt.

Lúkas Logi finnur Sigurð Egil í sjaldséðri sókn Valsliðsins úti vinstri en misskilningur í sóknarleik Vals og sendingin kemur út í teig á engann sem var þar nema um fjórir St. Mirren menn.

Dennis Adeniran með skot hátt yfir markið.

Olutoyosi Olusanya dæmdur brotlegur í baráttunni við Jakob Franz. Valsmenn eru í smá vandræðum með seinni boltana.

Fyrirgjöf fyrir markið sem Bjarni Mark tæklar aftur fyrir og fagnar því svo þegar hann stendur upp. Meðan St. Mirren stilla svo upp í horn má þó sjá hann hrista hausinn og ég geri ráð fyrir því að það sé vegna frammistöðu Vals í þessum leik.

St. Mirren með full auðveldar áætlunarferðir upp vængina og skapa ursla með fyrirgjöfum fyrir markið.

Mark O'Hara með flott haup upp að endamörkum en sendingin fyrir markið of innarlega og beint í fangið á Frederik Schram.

Sending fyrir markið á Jonah Ayunga sem nær þó ekki að stýra skallanum á markið sem kemur þó ekki að sök því hann var dæmdur brotlegur fyrir bakhrindingu.

Mark O'Hara með aukaspyrnu fyrir markið sem Frederik Schram kýlir burt.

Roland Idowu með tilraun rétt yfir markið. Þetta er ekki alveg nógu gott hjá Val þessar fyrstu mínútur.

Jonah Ayunga með skot sem Frederik Schram ver.

Fyrirgjöf frá hægri ætluð Jayden Brown en Hörður Ingi kemur þessu aftur fyrir.

Jónatan Ingi með slakt skot sem endar sem frábær sending fyrir Tryggva Hrafn sem er allt í einu einn á móti Ellery Balcombe sem ver þetta stórkostlega með fætinum og boltinn dettur svo ofan á þaknetið! ÞAÐ MUNAÐI SVO LITLU!!!

St. Mirren fær fyrstu hornspyrnu leiksins.

Guðmundur Andri reynir fyrirgjöf en vantar rauðar Valstreyjur inn á teig.

Fyrirgjöf á nærstöngina til Olutoyosi Olusanya sem nær þó ekki að setja þetta á markið. Flaggið fór einnig á loft svo það hefði ekki skipt miklu hvort sem er.

Það er orðið ljóst að sigurvegarinn í þessu einvígi mun mæta Brann frá Noregi í næstu umferð. Brann bar sigurorð af Go Ahead Eagles frá Hollandi rétt í þessu 2-1 og tryggði sig þar áfram í næstu umferð. Ekki sama áran yfir Hollendingunum eftir að Willum Þór skottaðist yfir til Birmingham.

St. Mirren að gera sig líklega á hinum endanum en Frederik Schram vel á verði. Sending fyrir sem Jonah Ayunga var nálægt að henda sér á.

Lúkas Logi með tilraun af löngu færi en beint á Balcombe.

St. Mirren menn með tilraun yfir mark Vals.

Liðsuppstilling Vals virðist vera nokkuð nærri lagi eins og UEFA gaf upp. 4-4-2 Frederik Schram Hörður Ingi - Jakob Franz - Bjarni Mark - Sigurður Egill Jónatan Ingi - Kristinn Freyr - Lúkas Logi - Guðmundur Andri Tryggvi Hrafn - Patrick Pedersen

Það eru Valsmenn sem sparka þessu af stað!

Valur gerir tvær breytingar á sínu liði frá fyrri leik þessara liða. Það var ljóst að Gylfi Þór Sigurðsson yrði ekki með í kvöld og Aron Jóhannsson fékk rautt spjald í fyrri leiknum og verður í banni en hann kom inn á sem varamaður í fyrri leik liðana. Inn í lið Vals koma Guðmundur Andri Tryggvason og Lúkas Logi Heimisson fyrir Gylfa Þór Sigurðsson og Elfar Freyr Helgason.

Valsliðið mætti Fram á sunnudaginn sl. þar sem einhverjir vilja meina að hausinn hafi ekki verið við verkefnið þá. Valur mætti St. Mirren á fimmtudaginn og áttu svo leik gegn Fram á sunnudeginum. Sá leikur endaði ekki vel fyrir strákana á Hlíðarenda en þeir fóru vægast sagt fýluferð í Úlfársárdalinn þar sem Fram skellti þeim með fjórum mörkum gegn einu. Það þykir því auðvelt að grípa til þeirra vangavelta að hausinn hafi mögulega verið í Skotlandi. Við vonum auðvitað fyrir Íslenskan fótbolta að Valsmenn þétti raðirnar og sæki sigurinn hér í Skotlandi.

St. Mirren eru að klára undirbúningstímabilið fyrir leiktíðina 2024/25. Undirbúnignstímabilið hefur gengið vel hjá Skorska liðinu sem er taplaust á þessu undirbúningstímabili. Dunfermline Athletic 0-1 St. Mirren Greenock Morton 0-2 St.Mirren St. Mirren 2-2 Fleetwood Town St. Mirren 2-2 Carlisle United Valur 0-0 St. Mirren St. Mirren hefur svo leik á sunnudaginn kemur í William Hill Premiership deildinni í Skotlandi og mæta þar Hibernian í fyrstu umferð.

Gylfi Þór Sigurðsson verður ekki með Val í seinni leiknum en Kristján Óli Sigurðsson úr Þungavigtinni greinir frá þessu á samfélagsmiðlinum X. „Gylfi Sig ferðast ekki með Valsmönnum til Skotlands. Alvöru blóðtaka fyrir seinni leikinn," skrifar Kristján. Gylfi lék allan leikinn þegar Valur tapaði 4-1 fyrir Fram í Bestu deildinni á sunnudaginn síðasta.

Fyrri leikurinn á N1 Vellinum við Hlíðarenda endaði með markalausu jafntefli. Niðurstaðan er 0 - 0 og því hægt að segja að léleg nýting sóknarmanna í færum eða góðir markmenn hafi verið það sem réði úrslitum. Síðan verð ég að minnast á stuðningsfólk St.Mirren því ekki get ég valið þau sem ,,bestir" á vellinum en þau voru algjörlega mögnuð meirihluta leiks. Sungu og trölluðu að mestu allan leikinn og fyrir leik og eftir leik. Eitthvað í kringum 400 stuðningsfólk sem drukku söngvatn stíft fyrir leik og samkvæmt Gróu á leiti, af ómannaðari (sem var ómönnuð fyrir mistök) söngvatnsdælu þeirra megin í stúkunni. Skrifaði Matthías Freyr í skýrslu sinni eftir fyrri leikinn.

Mikkel Redder verður á flautunni hérna í Skotlandi og honum til aðstoðar verða René Risum og Martin Markus. Michael Tykgaard verður svo fjórði dómari og tilbúin að skiltinu góða.

Verið hjartanlega velkomin í þessa þráðbeinu textalýsingu frá seinni leik St. Mirren og Vals í forkeppni fyrir Sambandsdeild Evrópu. Fyrri leikur liðana hér heima á Íslandi endaði með 0-0 jafntefli á N1 vellinum.