Styttist Þá ganga liðin til vallar á þennan skemmtilega leikvang sem var byggður árið 2016 og tekur 1500 manns í sæti. Hann er staðsettur 200 metrum frá sjónum en á vellinum er hótel, líkamsræktarstöð og margt annað.

Byrjunarliðstíðindi! Jökull, þjálfari Stjörnunnar, gerir tvær breytingar frá fyrri leiknum gegn Paide. Þórarinn Valdimarsson og Hilmar Árni Halldórsson koma inn í liðið. Heiðar Ægisson og Óli Valur Ómarsson eru þeir sem byrja ekki í dag eftir að hafa byrjað fyrri leikinn en þeir eru ekki í hóp Stjörnunnar. En Jökull staðfesti að þeir, ásamt þremur öðrum, gætu ekki verið með Stjörnunni í dag.

Jökull Elísabetarson, þjálfari Stjörnunnar: „Ég held að það breyti ekki nálguninni okkar að vera með forystu komandi inn í leikinn. Við munum fara og vera mjög grimmir. Menn voru mjög ósáttir eftir fyrri leikinn að vera ekki með stærri forystu. Menn voru ekkert að væla og vorkenna sér af því að mark var dæmt okkur. Það var meira að mönnum fannst þeir eiga að ná meiri forystu, við vorum með yfirhöndina í leiknum."

   01.08.2024 14:29

Jökull: Breytir ekki nálguninni okkar

Fyrri leikurinn Fyrri leikur liðanna fór glæsilega fyrir „okkar menn“ í Stjörnunni. Stjarnan leiðir 2-1 eftir leikinn í Garðarbænum. Þetta var nánast bara the Emil Atla show en hann skoraði bæði mörk Stjörnunnar í leiknum. Emil hefur verið gífurlega mikilvægur og góður fyrir Garðbæinga í deildinni og sérstaklega Evrópu í ár. Staðan var 1-0 í hálfleik en Patrik Kristal jafnaði úr vítaspyrnu og Emil Atla skoraði sigurmarkið þegar tæpt korter var eftir af leiknum.

Dómarateymið frá Andorra! Dómarateymið í dag kemur frá Andorra en aðaldómari leiksins er hann Antoine Paul Chiaramonti. Honum til aðstoðar verða þeir Andreu Simarro og Ainhoa Fernández. Fjórði dómarinn í dag er hann Luis Teixeira.

Stjarnan leiðir Stjörnumenn fara inn í þennan seinni leik í frábærri stöðu. Þeir eru í raun í bestu stöðunni af öllum Íslensku liðunum þar sem þeir eru eina Íslenska liðið sem leiðir eftir fyrri leikinn. Núna bíður þeir mjög erfitt verkefni í Paide gegn Paide Linnameeskond. Þeir mega bara ekki tapa. Jafntefli og sigur væru stórkostleg úrslit fyrir Stjörnuna.

Heimamenn marki undir Eistarnir úr Paide sitja í 4. sæti Meistriliiga eftir 21 umferð með 35 stig. Besti árangur Paide á seinustu 14 árum í deildinni er 2. sætið en í fyrra lentu þeir í 4. sæti og þar á undan í 3. sæti. Paide eru núna marki undir eftir fyrri leik liðanna og þurf allavegana tveggja marka sigur til þess að vinna leikinn og fara áfram.

Heimavöllur þeirra er Pärnu Rannastaddion og er staðsettur í bænum Pärnu sem er í suðvestur hluta Eistlands. Völlurinn er nánast staðsettur á ströndinni.

Evrópan kallar! Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Paide og Stjörnunnar. Um er að ræða seinni leik í einvíginu en fyrri leikurinn hér heima fór 2-1 fyrir Stjörnunni.