Víkingar sigra og eru áfram eftir viðsnúning í eivíginu! Frábær sigur staðreynd og Víkingar mæta Flora Tallinn í næstu umferð.

Síðasti séns heimamanna sem eiga horn. Víkingar hreinsa.

Djuric sækir aukaspyrnu á miðjum vellinum. Vel gert tekur sekúndur af klukkunni.

Egnatia fær horn

Koma svo Víkingar!

Lushkja með skot sem fer af Helga og afturfyrir

Heimamenn fá hornspyrnu. Einbeiting!

Víkingar verið nokkuð skynsamir. Það má reikna þó með að lágmarki + 5 í uppbót.

Taflið heldur snúist. Nú eru það Víkingar sem taka sér allan þann tíma sem hugsast getur í allar aðgerðir. Heimamenn hálf fúlir yfir því.

Helgi sækir aukaspyrnu á prýðisstað til fyrirgjafar. Skemmtileg útfærsla en skalli Oliver yfir markið.

Ingvar öflugur í teignum og kýlir boltann frá. Fær Albana af fullum þunga í síðuna í kjölfarið og brot dæmt.

Vatnspása. Kærkomin fyrir Víkinga til að stilla saman strengi.

Gamla góða Handbolta Xið lokar á leikmann Egnatia í dauuuuuðafæri.

Karl Friðleifur sækir hornspyrnu. Ekroth með skalla af varnarmanni í fang markvarðar Egnatia.

Francois Dulysse við það komast í hörkufæri eftir gott spil en móttakann svíkur hann og Ingva handsamar boltann.

Víkingar fallið helst til djúpt á völlinn eftir markið. Egnatia að pressa.

Arbin Zejnullai í dauðafæri í teignum en setur boltann yfir.

Pirringur í heimamönnum sem kvarta yfir flestu því sem fellur gegn þeim.

Verið talsvert betra liðið hér og leiða verðskuldað. Mega teljast óheppnir að vera ekki yfir í einvíginu samtals enda fengið færi til þess.

Fær boltann frá Valdimar vinstra megin í teignum en nær ekki að stýra boltanum á markið.

Geðveik skyndisókn og spil Karls Friðleifs og Arons. Djuric i dauðafæri aleinn í teignum en setur boltann yfir markið!

Egnatia með sína fyrstu tilraun á markið. . Abdurramani Fangaj með skall en beint í fang Ingvars.

Pablo er kominn á fætur en stingur nokkuð við.

Pablo liggur eftir að hafa verið dæmdur brotlegur. Heldur um hnéð og kennir sér meins.

Að Youba Drame sleppi við spjald hér er mér hulin ráðgáta. Slær frá sér eftir að Ekroth brýtur á honum og sleppur með það.

Fær boltann í fætur frá Ara og nær hörkuskoti. Boltinn hárfínt yfir markið.

Redi Kasa með fyrstu tilraun heimamanna. Slakt skot vel framhjá eftir skyndisókn.

Víkingar með laglegt spil við teig Egnatia. Endar með skoti frá Viktori sem er ekki af sama gæðaflokki og boltinn hátt yfir markið.

Flottur sprettur upp völlinn hjá Ara sem finnur Pablo við teiginn. Pablo ekki að drukkna í sendingarmöguleikum og lætur bara vaða en boltinn beint á Ilir.

Fyrsta alvöru sókn Egnatia sem uppskera horn.

Meira jafnvægi að færast í leikinn. Víkingar þó betri.

Gísli Gotti tíar boltann upp fyrir Pablo eftir góða pressu Víkinga. Pablo missir skotið of hátt og boltinn fer yfir markið.

Sett töluverða pressu á Egnatia en færin ekki komið enn. Heimamenn nú þegar farnir að tefja.

Hættulegur bolti fyrir en Egnatia kemur boltanum frá. Ari Sigurpáls svo með skot af varnarmanni.

Víkingar fá aukaspyrnu á álitlegum stað.

Það er ekki annað að sjá en að Aron Elís Þrándarson sér hreinlega fremsti maður hjá Víkingum í dag.

Þetta er farið af stað á Loco Borici. Það eru Víkingar sem hefja hér leik.

Það er heitt í veðri í Albaníu en hitastigið verður í kringum 30 gráður þegar flautað verður til leiks. Talsvert aðrar aðstæður en við eigum að venjast hér á skerinu.

Nikolaj Hansen fyrirliði Víkinga er skráður i leikmannahóp liðsins á vefsíðu UEFA. Heimildir Fótbolta.net herma þó að hann hafi ekki ferðast með liðinu til Albaníu vegna meiðsla sem hann hlaut í sigrinum á HK.

Víkingar léku gegn HK í Bestu deildinni um liðna helgi. Lokatölur í þeim leik urðu 5-1 Víkingum í vil sem léku sinn besta leik í talsverðan tíma. Á sama tíma lék lið Egnatia æfingar leik gegn Ítalska stórliðinu Napoli og mátti þola 4-0 tap þar.

Portúgalinn Fabio Verissimo er dómari leiksins í kvöld. Pedro Martins og Nelson Pereira eru aðstoðardómarar hans og fjórði dómari er Ricardo Baixinho en allir eru þeir einnig frá Portúgal. Verissimo er ekki alveg ókunnugur Íslandi en hann dæmdi leik Englands og Íslands á Wembley í Þjóðardeildinni árið 2020 og rak þar Birki Má Sævarsson af velli í 4-0 tapi.

Völlurinn sem leikið er á er ekki heimavöllur Egnatia en liðið fær ekki að leika á eigin heimavelli vegna óláta stuðningsmanna í evrópuleik á dögunum. Þessi 16.000 manna völlur er heimavöllur Vllaznia sem Valsmenn mættu einmitt í síðustu umferð. Valsmönnum virtist líða nokkuð vel á vellinum en þeir höfðu þar 4-0 sigur eftir að hafa gert jafntefi á N1 vellinum. Það má því vona að gott gengi íslenskra liða haldi áfram á vellinum.

Víkingar eru með bakið uppvið vegg eftir að hafa tapað fyrri leiknum í Víkinni 0-1. Þeir þurfa því að sækja í kvöld og vinna tveggja marka sigur ætli þeir sér að fara lengra í Evrópu þetta árið. „Þetta er bara virkilega svekkjandi, þetta er virkilega stór brekka þessa dagana. Fullt kredit á strákana, mér fannst þeir vera að reyna, við vorum að berjast, og berjast, og berjast en augljóslega er eitthvað 'off'. Hlutirnir eru ekki alveg að ganga upp. Í fyrri hálfleik var aðeins of mikið af tæknifeilum, við vorum að missa boltan í góðum leikstöðum, og vorum að bjóða upp á skyndisóknum þeirra upp á góðan dans, sem þeir þrífast svolítið á. Ég á eftir að sjá þetta mark aftur, en þetta virkaði eitthvað svona hálfgert 'comedy' mark. Í þessari íþrótt það eru bara lið sem eru í smá brekku sem fá svona mörk á sig. Þannig að í seinni hálfleik þá héldum við áfram að reyna en þegar þú spilar fótbolta þar sem þú nærð ekki endilega skora ertu alltaf að bjóða hættuni heim um að fá á þig mark. Við vorum kannski heppnir að fá á okkur ekki mark. Þetta var ekkert ósvipað og á móti Shamrock, bara eiginlega frekar svipaðir leikir og á móti Shamrock. Nema þeir voru aðeins tæknilega betri, og gátu refsað okkur aðeins betur heldur en Shamrock gerði. En við erum lifandi ennþá, þetta var bara 1-0 og við verðum að fara út og reyna að hafa trú á þessu verkefni." Sagði Arnar Gunnlaugsson eftir fyrri leik liðanna fyrir viku síðan.

   25.07.2024 21:58

Arnar Gunnlaugs: Verður bara að reyna að krafla þig úr þessari holu

Danijel Dejan Djuric leikmaður Víkinga var einnig til viðtals eftir fyrri leikinn og hélt í vonina um áframhald í Evrópu þrátt fyrir slæm úrslit á heimavelli. „Við höfum fulla trú á þessu, þetta er ekkert búið. Við erum bara að fara 'all in' úti, og þetta er bara upp á líf og dauða hjá okkur. Það er gott að það verða engir áhorfendur þannig þetta verður aðeins hljóðlátara, þannig ég vona að það spilist betur fyrir okkur."

   25.07.2024 21:37

Danijel Djuric svekktur: Ég tek þetta á mig

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Egnatia og Víkings í forkeppni Sambandsdeildar Evrópu. Flautað verður til leiks á Loro Borici Stadium klukkan 18:00