Staðan í deildinni Fyrir leikinn situr Þór/KA sem fastast í 3. sæti deildarinnar með 27 stig og langt í að þær geti farið upp eða niður um sæti. Þær eru 11 stigum fyrir neðan Breiðablik og Val í efstu tveimur, og 7 stigum fyrir ofan Víkinga sem eru í 4. sætinu.

Tindastóll er í fallbaráttunni, eru í 8. sætinu með 11 stig, aðeins tveimur stigum frá Fylki og Keflavík sem eru í fallsætunum.

Fyrri leikurinn í sumar Leikurinn í dag er í 15. umferð Bestu-deildar kvenna. Upphaflega átti þetta að vera heimaleikur Þórs/KA en liðin svissuðu fyrr í sumar þegar völlurinnn á Sauðárkróki skemmdist í vatnsflóði.

Því var spilað 24. maí í Boganum í 5. umferðinni og Þór/KA fór með stórsigur af hólmi, 5 - 0.

Dómarateymið. Guðmundur Páll Friðbertsson dæmir leikinn í dag. Hann er með þau Steinar Stephensen og Eydísi Rögnu Einarsdóttur sér til aðstoðar á línunum. Magnús Garðarsson er skiltadómari.

Leikdagur á Sauðárkróki Góðan daginn og verið velkomin í beina textalýsingu fá viðureign Tindastóls og Þórs/KA í Bestu-deild kvenna.

Leikurinn hefst klukkan 18:00 á Sauðárkróksvelli.