Viðtöl og skýrsla birtast á síðunni innan skamms.

Þangað til næst, takk fyrir mig!

Tómas Orri ætlar að pota boltanum í netið en Viktor var mættur og náði boltanum. Tómas fer þá óvart í hausinn á Viktori sem þarf aðhlynningu og vonandi getur hann haldið hér leik áfram.

Omar Sowe kemst einn í gegn á móti Rafal en tekur skotið hátt hátt yfir markið!

Leiknisliðið hefur spilað afar vel í dag og eiga þennan sigur verðskuldað miðað við frammistöðuna í dag.

Gabríel Hrannar kemur með glæsilega sendingu inn á teiginn sem Pétur Thódór skallar rétt framhjá.

Tómas Orri kemur með bolta inn á teiginn sem fer á Pétur Theódór en skotið hans fer beint á Viktor í markinu.

Aron Einars tekur spyrnuna inn á teiginn sem Rafal kýlir frá.

Leiknismenn halda áfram að sækja.

Gróttumenn bægja hættunni frá.

Tareq kemur með bolta inn á teiginn eftir aukaspyrnu á miðjum vellinum. Aron Bjarki nær til boltans og skallar rétt framhjá. Líklega hættulegasta færi Gróttu til þessa.

Viktor, markmaður Leiknis, kemur með langan bolta upp völlinn og skyndilega er Omar Sowe kominn einn í gegn. Hann fer framhjá Rafal en skotið fór framhjá.

Enn eitt dauðafæri Omars í leiknum.

Ég bara verð að segja það að Gróttumenn hafa verið mjög slakir til að byrja með. Alls ekki góðir í fyrri hálfleik og eru að byrja seinni hálfleikinn eins.

Aron Einars tekur hornið stutt og fær hann aftur. Eftir það kemur hann með afleidda sendingu sem Róbert Quental nær að halda inn á vellinum.

Hann kemur svo með fyrirgjöf sem fer beint í hendurnar á Rafal.

Sveinn, góður dómari leiksins, flautar til hálfleiks.

Leiknir verið mikið betri til þessa að mínu mati.

Tökum okkur korter og mætum svo til baka að vörmu spori!

Grótta hefur legið í lá blokk allan fyrri hálfleikinn. Maður er óvanur að sjá Gróttuliðið spila svona en þeir hafa ekki byrjað seinni hálfleikinn vel.

Róbert Quental tekur spyrnuna en Gabríel Hrannar skallar frá.

Aftur kemst Omar einn í gegn en skotið fer í varnarmann og aftur fyrir.

Róbert Quental tekur spyrnuna á Omar sem tekur skotið í fyrsta hátt yfir.

Skot Omars fer í vegginn og í horn.

Það er Omar Sowe sem ætlar að taka spyrnuna sýnist mér.

Róbert Quental spyrnuna sem fer yfir allan pakkann og í markspyrnu.

Leiknir mikið betri fyrsta hálftímann. Mikið sjálfstraustsleysi fyrir framan markið greinilega.

Omar Sowe kemst einn í gegn en fyrsta móttakan sveik hann.

Þetta er í annað sinn í leiknum sem það gerist.

Róbert Q að tekur hornið inn á teiginn sem Arnar Þór skallar frá.

Aron Einars fær þá boltann fyrir utan teiginn sem fer útaf.

Ekkert dauðafæri komið í þennan leik til þessa þannig séð. Bæði lið þó eru að reyna að skemmta okkur með góðum fótbolta og hlaupum inn fyrir.

Smá borðtennis í þessu.

Leiknir (4-2-3-1)
Viktor
Arnór - Andi - Daði (F) - Hjalti
Aron - Sindri
Róbert Q - Þorsteinn - Robbi H
Omar

Grótta (4-1-4-1)
Rafal
Tareq - Arnar - Rasmus - Gabríel
Aron
Axel - Grímur - Kristófer - Ísak
Pétur

Fannst Leiknir átt að fá horn þarna upp úr horninu en dómarinn dæmir markspyrnu.

Sindri Björns með góðan bolta í gegn á Omar Sowe sem kemur með krefjandi skot á Rafal en hann ver í horn.

Gróttumenn í allskonar veseni þessar upphafsmínútur. Leiknismenn þurfa að fara að skjóta oftar á markið!

Kristófer Orri tekur spyrnuna inn á teiginn sem Viktor kýlir frá.

Núna sækja Leiknsmenn!

Út við hliðarlínu. Vænleg staða til að flengja boltanum fyrir.

Aron Einars tekur spyrnuna sem Arnar Þór skallar út í innkast.

Róbert Hauks kemst í mjög gott færi í upphafi leiks en skotið fer rétt framhjá.

Fínasta byrjun hjá Leikni!

Það eru Leiknismenn sem hefja hér leik í kvöld og sækja í átt að löngu vitleysunni.

Leiknismenn leika í fjólubláum treyjum, svörtum stuttbuxum og svörtum sokkum.

Gestirnir leika í hvítum treyjum, hvítum stuttbuxum og hvítum sokkum.

Þá ganga liðin til vallar. Það eru toppaðstæður fyrir fótboltaspil. Það eru þó sárafáir mættir á völlinn. Mjög slök mæting miðað við stærð leiksins fyrir liðin.

Í fyrri leik liðanna á tímabilinu vann Grótta afar dramatískan 4-3 sigur. Arnar Daníel skoraði sigurmarkið á 92. mínútu eftir að Omar Sowe hafði jafnað í 3-3 af punktinum á 88. mínútu.

Svona er tölfræðin úr þessum viðureignum:
Leikir liðanna: 15
Leiknissigrar: 7
Jafntefli: 3
Gróttusigrar: 5
Markatalan: 32-29 Leikni í vil

Dómari leiksins í kvöld er hann Sveinn Arnarsson en honum til halds og trausts verða þeir Daníel Ingi Þórisson og Guðni Freyr Ingvason. Eftirlitsmaður KSÍ er Viðar Helgason.

Leiknismenn eru komnir í fallsætið á ný eftir tap gegn ÍR-ingum í seinasta leik. Leiknismenn hafa núna tapað alls fjórum leikjum í röð en liðið er ekki búið að spila vel upp á síðkastið. Leikurinn í kvöld er risaleikur fyrir sumar Leiknis sem voru í Bestu deildinni árið 2022 og eru líklegir að falla niður í 2. deild í ár.

Eftir marga tapleiki í röð og slæmar frammistöður sóttu Gróttumenn í mikilvæg og kærkomin þrjú stig á dögunum gegn Grindavík. Leikurinn fór 3-1 en mörk Gróttu skoruðu þeir Kristófer Orri, Pétur Theódór og Gabríel Hrannar. Með sigrinum fóru Gróttumenn upp úr fallsæti og senda Leiknismenn í fallsætið þar sem þeir töpuðu í sömu umferð gegn ÍR.

Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Leiknis og Gróttu. Þetta er ekkert smá stór leikur en þetta er án efa stærsti leikur liðanna í sumar til þessa.