Ekki merkileg mæting á völlinn þegar stutt er í leik.

Liðin að ganga út á völl og leikurinn fer senn að byrja.

Ívar Örn, fyrirliði KA, spáir jafntefli ÍR 1 - 1 Þróttur R.
Eru hlið við hlið í töflunni og ganga bæði ósátt frá borði með 1-1 jafntefli.

   08.08.2024 13:55

Ívar Örn spáir í 16. umferð Lengjudeildarinnar

Það er búið að vera fínt veður á höfuðborgarsvæðinu í dag og vonandi verður það áfram þannig í kvöld á meðan leikurinn er í gangi.

Björn Ragnar Gunnarsson heiðursfélagi ÍR er mættur á völlinn og með honum er athafnamaðurinn Ingólfur Pétursson, stuðningsmaður Þróttar. Þeir fóru líka saman á fyrri viðureign þessara liða og skemmtu sér gríðarlega vel, nánast of vel.

Spilar sinn annan leik fyrir ÍR Það vekur athygli að Kristján Daði Runólfsson er í byrjunarliði ÍR. Það er strákur fæddur 2005 sem lék einn leik með liðinu í 2. deild 2021. Hann hefur síðan þá bara spilað með Létti og 2. flokki, en í sumar hefur hann gert fimm mörk í þremur leikjum með Létti í 5. deild. Hann fær að byrja í dag út af meiðslavandræðum ÍR.

Byrjunarliðin eru klár Það er búið að opinbera byrjunarliðin fyrir þennan leik.

ÍR gerði jafntefli gegn Dalvík/Reyni í síðasta leik sínum, 1-1. Frá þeim leik eru þónokkrar breytingar. Kristján Daði Runólfsson, Bragi Karl Bjarkason, Róbert Elís Hlynsson og Hákon Dagur Matthíasson koma inn í liðið. Alexander Kostic, Bergvin Fannar Helgason, Guðjón Máni Magnússon og Renato Punyed detta úr liðinu.

Hjá Þrótti kemur Njörður Þórhallsson aftur inn í byrjunarliðið en Þórir Guðjónsson er ekki með.

Þróttur á góðu skriði Þróttarar hafa verið á góðu skriði að undanförnu en þeir hafa ekki tapað í síðustu leikjum sínum í Lengjudeildinni. Þeir hafa verið sterkir í fimm manna vörn og erfitt hefur reynst að vinna þá. Breytist það í kvöld?

ÍR hefur komið á óvart ÍR hefur komið mikið á óvart í sumar. Fyrir tímabilið héldu nú flestir að liðið yrði í bullandi botnbaráttu, en annað hefur komið á daginn. ÍR er sem stendur í umspilssæti með 23 stig úr 15 leikjum.

Staðan? Svona er staðan í Lengjudeildinni þessa stundina:

Góða kvöldið Og verið velkomnir kæru lesendur í beina textalýsingu frá leik ÍR og Þróttar í Lengjudeild karla. Við heilsum frá Breiðholti en hér munum við segja frá því helsta sem gerist í leiknum.