SKÝRSLAN: Vantaði VAR í Njarðvík
Hvað réði úrslitum?
Þessum leik verður ekki endilega minnst sem þeim skemmtilegasta í sumar. Taktískur leikur þar sem bæði lið gáfu fá færi á sér. Það sem einkenndi kannski leikinn þegar uppi er staðið voru slæmar ákvarðanartökur hjá báðum liðum á síðasta þriðjung. Heilt yfir þegar við tökum færin inn í þetta er jafntefli kannski sanngjörn úrslit þó svo báðum liðum finnst þau hafa verðskuldað meira.
Bestu leikmenn
1. Aron Snær Friðriksson
Var frábær í marki Njarðvíkinga í dag. Varði í tvígang frábærlega sem hélt Njarðvíkingum inni í leiknum.
2. Guðmundur Karl Guðmundsson
Fyrirliðinn var flottur í liði Fjölnis í kvöld. Var baráttuglaður og sýndi inn á milli skemmtilega takta þegar hann fór framhjá mönnum.
Atvikið
Fjölnir skora eftir hornspyrnu þegar um tíu mínútur voru til leiksloka og fagna markinu vel en flaggið fór á loft og rangstaða dæmd. Vilhjálmur Yngvi stendur fyrir markverði Njarðvíkinga og var fyrir innan og því rangstaða var niðurtaðan.
Hvað þýða úrslitin?
Fjölnir eru áfram á toppi deildarinnar og Njarðvíkingar eru áfram í 4.sætinu. Eina sem breyttist er að topp liðin eru með stigi meira en fyrir umferðina.
Vondur dagur
Sóknarmenn beggja liða hittu ekki á sinn dag í kvöld.
Dómarinn - 5
Línan var svolítið furðuleg á köflum. Ekki beint samræmi í því hvað þótti verðskulda spjald og hvað ekki. Stærsta atvikið er þó markið sem þeir dæma af Fjölni [sjá atvikið]. Ég var ekki viss með þetta sjálfur en ég hitti góðan dómara eftir leik sem sannfærði mig um að þetta hafi verið hárrétt svo ég leyfi þeim að njóta vafans. Hinsvegar ef þetta var ekki rétt þá fer teymið vel niður fyrir 5 í einkunn.