SKÝRSLAN: Engin hamingja hjá heimamönnum í Hamingjunni
Hvað réði úrslitum?
Gríðarlega þéttur og agaður varnarleikur alls ÍA liðsins, sérstaklega í seinni hálfleik gerði það að verkum að Víkingar fengu lítil sem engin opin færi. Fyrri hálfleikur var gríðarlega skemmtilegur og voru bæði lið að sækja mikið og hratt en Skagamenn voru mun betri eftir að þeir jafna metin á 9 mínútu leiksins.
Bestu leikmenn
1. Erik Tobias Sandberg
Búinn að vera virkilega öflugur í sumar fyrir Skagamenn og var frábær í varnarlínunni í dag.
2. Hinrik Harðarson
Gríðarlega öflugur í því sem hann gerir og stórhættulegur þegar hann geystist upp völlinn. Tvær stoðsendingar og frábærlega spilaður leikur. Oliver Stefáns, Johannes Vall, Viktor Jóns og Ingi Þór voru einnig frábærir fyrir Skagamenn.
Atvikið
Til marks um hversu óánægðir Víkingar voru með leik sinna manna var það að þeir gerðu 4 skiptingar í hálfleik. Ég hef ekki séð slíkt gert áður í efstu deild.
Hvað þýða úrslitin?
Víkingar eru í efsta sæti deildarinnar, en einungis á betri markatölu en Breiðablik. Skagamenn eru núna einungis einu stigi á eftir Valsmönnum sem sitja í þriðja sæti og eru komnir tveimur stigum á undan FH sem sitja í 5 sæti.
Vondur dagur
Lítið sást til Helga Guðjóns í dag sem og í raun sóknarlínu Víkinga.
Dómarinn - 8,5
Vel dæmdur leikur.