Þrír að fá hundraðleikjatreyjur! Andri Freyr Jónasson, Aron Elí Sævarsson og Georg Bjarnason fá Aftureldingstreyju merkta númer 100 hér fyrir leik. Þeir náðu þeim merka árangri í sumar að spila sinn leik númer 100 fyrir Ungmennafélagið í Mosfellsbænum.

Gísli Elvar Halldórsson, formaður meistaraflokksráðs karla í Aftureldingu, afhendir þeim treyjurnar fyrir leik.

Liðin ganga nú til vallar Styttist

Ásgeir Frank er í leikmannahóp Aftureldingar

Undirritaður náði þessari á dögunum þegar hann var tilkynntur á stóra skjánum í Mosfellsbænum

Mættust fyrr á tímabilinu Fyrr í sumar mættust liðin í Laugardalnum þar sem Mosfellingar unnu 2-1 eftir að staðan hafi verið 1-1 í hálfleik. Andri Freyr kom gestunum yfir snemma leiks en innan við mínútu síðar jafnaði Vilhjálmur Kaldal leikinn. Sigurpáll Melberg skoraði að lokum sigurmarkið þegar rúmar 10 mínútur voru eftir af leiknum.

Þriðja liðið Dómari leiksins er úr efstu hillu en Erlendur Eiríksson mun stýra flautukonsertinu. Honum til halds og trausts verða þeir Ronnarong Wongmahadthai og Daníel Ingi Þórisson. Frosti Viðar Gunnarsson er eftirlitsmaður KSÍ.

Tímabilið undir hjá Aftureldingu? Eftir herfilega byrjun á tímabilinu hafa Mosfellingar verið að safna stigum hægt og rólega. Lærisveinar Magga eru með þrjá sigra í seinustu fimm leikjum en eiga erfitt með að tengja saman sigra. Fyrr á tímabilinu unnu þeir þrjá leiki í röð en fyrir utan það hafa þeir ekki tengt saman sigra.

Afturelding vann sterkan útisigur á Dalvík/Reyni fyrir norðan í seinasta leik. Leikurinn fór 3-1. Afturelding er fjórum stigum frá 5. sætinu en með sigri stytta þeir bilið í eitt stig, jafntefli væri ekki heimsendir en þó bestu úrslitin fyrir Njarðvík og ÍR.

Þróttarar mega ekki tapa Þróttur eiga alls ekki efni á því að tapa í dag. Þeir eru 5 stigum frá 5. sætinu og einu stigi á eftir Aftureldingu. Það eru 5 leikir eftir af deildinni en þetta er seinasti leikur deildarinnar í 18. umferðinni.

Þróttarar unnu Gróttu í seinasta leik eftir að hafa tapað gegn ÍR í stórleik á ÍR-vellinum í leiknum þar á undan. Fyrir það gerðu þeir tvö jafntefli í röð. Tap í dag væri skelfilegt fyrir Þróttara og þá er umspilsdraumurinn búinn. Það verður skemmtilegt að sjá Þróttarana í dag í 50/50 leik.

6 stiga leikur í Mosó! Heilir og sælir ágætu lesendur og veriði hjartanlega velkomin í þessa þráðbeinu textalýsingu frá leik Aftureldingar og Þróttar í Lengjudeildinni.

Bæði lið eru í harðri baráttu um umspilssætið en jafntefli í kvöld gerir lítið fyrir liðin á meðan jafntefli er rós í hnappagat Njarðvíkur og ÍR.