SKÝRSLAN: Tvö vítaklúður komu ekki að sök - Víkingar með annan fótinn í Sambandsdeildina
Hvað réði úrslitum?
Það var einfaldlega of mikill gæðamunur á liðunum í dag. Víkingar betri á öllum sviðum leiksins og sigur þeirra sist of stór. Ingvar Jónsson, markvörður Víkinga, hefur ekki svitnað mikið í dag.
Bestu leikmenn
1. Nikolaj Hansen
Skoraði tvö og fiskaði tvö af vítunum þremur. Geggjaður
2. Valdimar Þór Ingimundarson
Margir góðir. Hann skoraði tvö og var líflegur allan leikinn.
Atvikið
Ekkert eitt móment sem markaði leikinn svosem. Setjum bara fyrsta markið eða rauða spjaldið. Eftir það áttu gestirnir aldrei séns.
Hvað þýða úrslitin?
Víkingar eru komnir langleiðina í deildarkeppni Sambandsdeildarinnar. Ég sé gestina frá Andorra ekki snúa þessu einvígi við.
Vondur dagur
Setjum það bara á gestaliðið. Þeir voru næstbesta liðið á vellinum frá fyrstu mínútu til þeirrar síðustu. Sáu aldrei til sólar í dag.
Dómarinn - 9
Verðum við ekki að gefa Króatanum góða einkunn. Víkingar fengu þrjú víti og spiluðu allan seinni hálfleikinn manni færri. Ég hef amk ekkert upp á þennan ágæta mann að klaga.